Only Shukriya Dost novel completed.. so pleass ignore other stories.. I will update soon..

#School_Day

School-college sab yaad aata hai
jab ek baar wo waqt guzar jata hai
Aur iss baar to aakhiri alvida
kehne ko bhi nahi mila
Na farewell, na koi shorr
dosto se milna tak naseeb nahi hua

School jane ka mann kar raha hai
college jane ka mann ho raha hai
kabhi socha tha aesa bhi bolenge hum ?

Uss playground me apna
cricket khelna yaad aata hai yaar
Ab pata nahi wese phir se
kab milenge hum ?

Paper ball wali fight se jab
puri class me shor goonjta tha
Do ki ladayi me chup ke se sab apna
hath saaf kar lete the
wajah kya hai jhagde ki koi nahi puchta tha

Tum dono sath me nahi bethoge
teacher ka ye kehna bhi yaad aata hai
Chalte exam ke bich bhi kitna
entertainment hota tha yaar
online ne to sab khatam kar dala hai

Azeez dosto se to aage chalo mil hi lenge
par unn logo se to rishta hi toot jayega na
Jinse hi hello ke baad kabhi
thodi baat ho jati thi

Apni batch ki koi nishani bhi rahegi kya
unn dewaaro pe
Hum jayenge udhar to wo hawa
kya hume pehle ki tarah pehchanegi ?

Chuttiyaan kitni achi lagti thi
par ab ye zayda lamba intezaar ho gaya
Kisi ka college shuru hone se raha aur
kisi ka school bhi ghar pe hi khatam ho gaya.

Read More

शायरी

#Happy_friendship_day

Kitni tameez se mile the na hum
pehli mulakat me
Tab laga nahi tha hum
aese dost ban jayege baad me.

Ye 'Aap' se 'Tu' tak ka safar
kitne jaldi tay ho gaya na
Hum ek dusre ko itna kab se janne lage
hume pata bhi nahi chala na.

Humari roz baat na bhi ho
phir bhi roz ki tarah hi baat hoti hai
Badlaav nahi aata baaton me
chahe mulakatein thodi kam hi hoti hai

Ab humare kuch ishaare aese hai
jinhe humare alawa koi nahi samajh sakta
Log to aage bhi kayi milenge
par tere jesa dost mujhe mil hi nahi sakta

Shuruaat apni bilkul formal thi
ab humare bich personal bhi kuch nahi
Kyuki ek insaan to hota hi hai na
jise saari dastaan pata hoti hai
aur wo insaan mila tujhme hi.

Mere bolne se pehle
me kya kehne wala hu
kuch had tak pata chal jata hai tujhe
Janta to me bhuto ko hu wese
par jab sach me dost ki baat aati hai
to tera hi naam yaad aata hai mujhe.

Hum dost kese bane the yaad hai ?
mujhe to yaad nahi
Apne aap hi sab chalta gaya
peeche mud ke phir dekha hi nahi..

Read More

शायरी