Quotes, Poems and Stories by Nirav Patel SHYAM

Nirav Patel SHYAM

@authorshyam

(9.2k)

110
122.2k
211.1k

About You

કોઈના જીવનમાં આવવાથી જિંદગી કેટલી બધી બદલાઈ જાય... નહિ ??? મારી સાથે પણ કંઈક આવું જ થયું. એના આગમનથી હું સાવ જડમૂળથી બદલાઈ ગયો. મારા શબ્દો, મારી વાર્તાઓ, મારા આર્ટિકલમાં જાણે એક નવો જ નશો ચઢી ગયો. પહેલા માત્ર લખવા માટે લખતો. આજે ચોક્કસ લક્ષ સાથે લખી રહ્યો છું. જીવનના ઘણાં ઉતાર ચઢાવ જોયા. ઘણી વ્યક્તિઓનો ભેટો થયો. પણ દિલને સ્પર્શી જાય એવી એક જ વ્યક્તિ આ જીવનમાં મળી. ઓછા શબ્દોમાં એના વખાણ કેમ કરું ? એ આજે મારા જીવનમાં નથી પણ મારુ જીવન બની ગઈ.. એ છે મારી"કેપ્ટન".

Nirav Patel SHYAM posted an update Gujarati Blog

3 days ago

તારું એક આંસુ સરેને આંખ મારી પણ છલકાઈ જાય,
તારું એક સ્મિત જોઈને હોઠ મારા પણ મલકાઈ જાય !!!

#કેપ્ટન @શ્યામ

47 Views

21 others like this post.

Nirav Patel SHYAM posted an update Gujarati Blog

5 days ago

આપણે બંને સાવ જુદા છીએ, અને એટલે જ આપણી વચ્ચેનો પ્રેમ સાવ અનોખો છે,
તું થોડી ધીર-ગંભીર છે તો મારામાં થોડું અલ્લડ પણું !
તારામાં સમજણની ભરમાર છે તો મારામાં થોડું પાગલપન,
તને સપના જોવા ગમે છે, ઊંચે આકાશે ઉડવું ગમે છે !
તો મને તારા સપના પુરા કરવા, તારા જીવનમાં રંગો ભરવા ગમે છે !
તું મૌનમાં ઘણું બધું કહી જાય છે, તો હું બોલીને પણ ઘણું સમજાવી નથી શકતો !
તું મજબૂરીના બંધનમાં બંધાયેલી છે તો હું કોઈ બંધન વિના તારી સાથે બંધાવવા માંગુ છું !
તારી દુનિયા ઘણી વિશાળ છે તો મારી દુનિયા ફક્ત તારા સુધી જ સીમિત છે !
તું પ્રેમને અભિવ્યક્ત નથી કરી શકતી તો હું સ્નેહનો સાગર છલકાવી દઉં છું !
તું રાહ જોવાનું ના કહે છે તો હું છેલ્લા શ્વાસ સુધી રાહ જોવા તૈયાર છું !

આપણા પ્રેમમાં એક વસ્તુની સામ્યતા છે અને એ છે નિઃસ્વાર્થ પ્રેમ !
કોઈપણ જાતની અપેક્ષા વગરનો, કોઈપણ જાતના બંધન વગરનો પ્રેમ !
અને આ પ્રેમ જ તને અને મને જીવાડી રહ્યો છે, આ એકલતાની પીડાઓ વચ્ચે !!!

#કેપ્ટન @શ્યામ

73 Views

21 others like this post.

Nirav Patel SHYAM posted an update Gujarati Blog

5 days ago

તું વરસાદની પહેલી બુંદ,
ને હું ચાતક પક્ષી...
તારી રાહમાં તરસ્યો છું,
વરસી જા હવે ચોમાસું બનશે સાક્ષી !!!

#કેપ્ટન @શ્યામ

19 others like this post.

Nirav Patel SHYAM posted an update Gujarati Blog

7 days ago

કર્યો છે પ્રેમ એને સમજીને મેં પારિજાત,
વિશ્વાસ છે મને,
મહેકાવશે એક દિવસે એ મારી જાત !!

#કેપ્ટન @શ્યામ

72 Views

19 others like this post.

Nirav Patel SHYAM posted an update Gujarati Blog

1 week ago

આજથી ત્રણ વર્ષ પહેલાં આ અનુભૂતિ થઈ હતી.. અને આજે પણ આજ અનુભવ સાથે જીવી રહ્યો છું, ખરેખર જ્યારે તમને સાચો પ્રેમ થઈ જાયને ત્યારે તમારી અંદર રહેલો ઈશ્વર પણ તમને એ વ્યક્તિને છોડવાની ના કહે છે, અને આવી વ્યક્તિનો જ્યારે ભેટો થઈ જાય, પછી ભલે એ તમારી સાથે ના હોય, ભલે એની સાથે વાત ના થતી હોય, પણ એ વ્યક્તિ વિના તમને બીજા કોઈ માટે ના વિચાર આવે છે, ના એ વ્યક્તિથી દૂર જવાનું મન થાય છે, એના સિવાય તમને કોઈની જરૂર પણ નથી લાગતી.....😊😊😊

20 others like this post.

Nirav Patel SHYAM posted an update Hindi Blog

1 week ago

फिर ये काली रात गहराई,
नींद से हुई है फिर रुसवाई !

चन्द लम्हे मील थे खुशियो के,
छीनकर जिंदगी, फिर गमो का साया लाई !

पूछना चाहता हु उस बेरहम खुदा से,
कितनी करवाएगा तू जिन्दगी की भरपाई ?

एक एक पल में मर रहा हु सो सो बार,
मेरे भोलेपन की तूने कीमत यही चुकाई ?

कहते है प्यार के बदले मिलता है प्यार,
तो मेरी ही किस्मत में क्यो लिखी तन्हाई ?

अगर उत्तर हो मेरे सवाल का तो बता देना ऊपरवाले,
बहुत सह लिया मेने, अब पूछने की मेरी बारी आई !

- नीरव पटेल "श्याम"

30 others like this post.

Nirav Patel SHYAM posted an update Hindi Blog

2 weeks ago

बहुत भटके है हम भी जिंदगी की तलाश में,
जब जिंदगी सामने खड़ी थी,
तो मज़बूरीने रास्ता रोक लिया !!

#केप्टन @श्याम

48 Views

22 others like this post.

Nirav Patel SHYAM posted an update Gujarati Blog

2 weeks ago

મેં તો ક્યારેય કલ્પના પણ નહોતી કરી કે હું સાપ્તાહિક ટોપ 10ના લિસ્ટમાં પણ આવી શકીશ.. કારણ કે છેલ્લા કેટલાય સમયથી કોઈ નવી સ્ટોરી પણ અપલોડ નથી કરી. . છતાં આજે જોઈને આશ્ચર્ય સાથે ખુશી પણ થઈ...એક નવો ઉમંગ મળ્યો કે વાંચકો આપણને આટલી હદ સુધી વાંચે છે.. ખૂબ ખૂબ આભાર વાચકો અને માતૃભારતી ટિમ...તમે ઉત્સાહમાં વધારો કર્યો છે 😊

51 Views

16 others like this post.

Nirav Patel SHYAM posted an update Gujarati Poem

3 weeks ago

આવકારો આ ઝરણ પામી ગયાં,
પ્હાડમાંથી સાંભળી જાગી ગયાં.

લ્યો ચલો ઊઠો અભાગી ઓ ચરણ,
ક્યાંક મંઝિલ ધારશે - થાકી ગયાં.

રણ, તને કેવી મળી છે પ્રેયસી?
ઉમ્રભરની જે તરસ આપી ગયાં.

આવતાં'તાં હર વખત તોફાન લઈ,
સાવ ખામોશી અહીં રાખી ગયાં.

આવનારા કોઈ નવતર માફ કર,
આવનારાં જે હતાં આવી ગયાં !!

- સ્વ. કવિ રાવજી પટેલ !!!

62 Views

17 others like this post.

Nirav Patel SHYAM posted an update Gujarati Blog

3 weeks ago

હું અણધાર્યા મૃત્યુને વહાલું કરીશ,
તો દોષ કોને મળશે ?
એજ મિત્રોને ? જે હંમેશા મારી સાથે રહેતા હતા ?
પણ આજકાલ તે ઓનલાઇન વ્યસ્ત રહેતા હતા ?
મારી મૂંઝવણને સાંભળવા એમની પાસે સમય નહોતો,
અને હું હરદમ એમની આશાએ જ બેસી રહેતો !!!

હું અણધાર્યા મૃત્યુને વહાલું કરીશ,
તો દોષ કોને મળશે ?
એ સગા-સંબંધીઓને ? જે આસપાસ હતા પણ સાથે નહોતા ?
જે પ્રસંગોમાં સાથે આવતા, પણ જરૂરિયાત સમયે દૂર ભાગતા ?
મહિનામાં કોઈ વાર હલચાલ પૂછવા ક્યારેક ફોન કરી લેતા,
પણ દિલમાં દુઃખતી વાતોને એ પણ ક્યાં જાણી શકતા ?

હું અણધાર્યા મૃત્યુને વહાલું કરીશ,
તો દોષ કોને મળશે ?
એ પ્રિયતમાને ? જેને મેં અઢળક પ્રેમ કર્યો હતો ?
જેની એકલતામાં ફક્ત મેં એનો સાથ આપ્યો હતો ?
આજે એ એની દુનિયામાં થોડી ખોવાઈ ગઈ છે,
મજબૂરીના કારણે થોડી અળગી થઈ ગઈ છે !!!

હું અણધાર્યા મૃત્યુને વહાલું કરીશ,
તો દોષ કોને મળશે ?
એ માતા-પિતાને ? જેમને મારા માટે સપનાં જોયા હતા ?
વધતી ઉંમર સાથે થોડા જવાબદારીઓનાં પોટલાં મૂક્યા હતા ?
ખુલીને એમની સાથે પણ હવે વાતો તો ક્યાં થઈ શકતી હતી ?
બસ બે હયાત આંખોએ ઘરમાં મારી હાજરી પુરાતી હતી !

હું અણધાર્યા મૃત્યુને વહાલું કરીશ,
તો દોષ કોને મળશે ?

- નીરવ પટેલ "શ્યામ"