×

Hey, I am reading on Matrubharti!

* ક્રિકેટ * લેખ... 24-6-2019

ક્રિકેટ એ બધાની મનગમતી રમત છે. અત્યારે તો ક્રિકેટનો માહોલ સર્જાયો છે. બધાને સચિન તેંડુલકર અને ધોની બનવું છે. ક્રિકેટ એ બધાને ગમતો શબ્દ લાગે છે? જ્યારે ક્રિકેટની સીઝન ચાલુ થાય ત્યારે બીજું બધું થંભી જાય છે. તમને ખબર છે આપણી જિંદગી એ પણ ક્રિકેટ જ છે. દુનિયાના મેદાન પર જિંદગીની ક્રિકેટ રમીએ છીએ. રમતમાં ખેલદિલી ખોઈ ના નાંખશો. પરમાત્મા આપણા અમ્પાયર છે. કર્મોની કાતિલ બોલિંગ સામે આપણે કર્તવ્યની જાનદાર ને શાનદાર બેટીંગ કરી લેવાની છે. ઉંમરની પીચ ક્યારે ટર્ન લે એ કંઇ કહેવાય નહીં. એકાદ ભૂલ કે અન્યાય ના નિશાસાથી બોલ એવો મૂવ થાય કે ફટકો ક્યાં મારવો એની મથામણમાંથી તો ક્લીન બોલ્ડ થઈ જવાય અને અવસર, મહેનત અને નસીબના ત્રણેય સ્ટમ્પ ઉખડી જાય. એકાગ્રતા ધૈર્ય અને સૂઝ ક્રિકેટ માટે બહુ જરૂરી છે. જીવનમાં પણ આ ત્રણ વાતો જ મહત્વની ભૂમિકા ભજવે છે....

ભાવના ભટ્ટ અમદાવાદ.....

Read More

* આંબો * લેખ.. 22-6-2019
આંબાની આત્મકથા...

હું આંબો માનવ જીવનનુ ઉપયોગી વૃક્ષ છું. મારી ડાળે બેસી કોયલ મીઠા ટહુકા કરે છે. હું મારો ઉછેર કરનાર ને દુઃખી થવા દેતો નથી. અમારી આંબા ની અનેક જાતીઓ છે. હાફૂસ, પાયરી, લંગડો, રાજાપુરી, તોતાપુરી, બદામ, કેસર, રત્નાગીરી, દશેરી, નિલમ આવી તો વધુ અમારી જાતીઓ છે. હું બધી રીતે ઉપયોગી છું. મારુ ફળ કેરી જે અબાલ વૃધ્ધ સૌ ને પ્રિય છે. મારુ ફળ નાત જાત ના ભેદભાવ ભુલાવી ખવાય છે. મારુ ફળ એનું શાક બને બારમાસ ના અથાંણા બને. મારુ ફળ કાચુ પણ ખવાય અને પાકેલું પણ ખવાય.મારા ફળની ગોટલી પણ કામમાં આવે છે એનો મુખવાસ બને છે અને આયુર્વેદિક દવાઓમાં પણ વપરાય છે. મારા પાંદડા નો ઉપયોગ અમુક જાણકાર લોકો પૂજામાં કરે છે. મારુ લાકડું પણ માનવ જીવન ને ઉપયોગી છે. મારે બહુ ખાતર જોઈતું નથી. હું પેઢીઓ ની પેઢીઓ ફળ આપું છું. માણસ જાતને મારો એક સંદેશ આપવો છે કે એક આંબો જરૂર વાવો પેઢી દર પેઢી દર પેઢી તમારા ઉપયોગમાં આવીશ..
ભાવના ભટ્ટ અમદાવાદ...

Read More

લાડકવાયો મારો દીકરો જીનલ 💕

મારા દીકરા નુ મલકતુ મુખઙુ આખી દુનિયા માં લાગે સૌથી પ્યારુ 😍
દિલમાં એક અરમાન એને ત્યાં હું દિકરી બની અવતરુ. 💞
દેવનો દિધેલો મારો કળિયુગનો શ્રવણ છે, પોતાની ખુશી કરતાં મા - બાપને ખુશ રાખે છે 🙌

રાત દિવસ બીજાના સુખની કામના કરી દોડતો રહે છે,
દુશ્મનમાં પણ સારા ગુણો સોધતો રહે છે મારો લાલ. 👏

ચેહર મા અને હનુમાન દાદા ને એક જ પ્રાથના, રાખજો સલામત આ મારો પરિવાર,
અને સલામત અને સ્વસ્થ અા મારા સંતાનો રહે સદા. 🙏

દિલમાં એક અરમાન અમર રહે ભાઈ બહેન નો પ્રેમ,
અધુરા અરમાનો મારા પૂરા કર્યા દિકરા તેં, જીવન દિપાવ્યું અવતાર મુજ પેટે ધરીને. 💝

દીકરા ના સુખી દામ્પત્ય માટે હરદમ દિલથી નીકળતી દુવા અને આશીર્વાદ છે. 🙌💗👈

હું એક મા પણ માતૃત્વનુ સાચું સુખ તમારા જેવા સંતાનો મળ્યા એથી ફળ્યું.
જીગરના ટુકડા તમારો પ્રેમ છે એ જ મારા ચાર ધામની યાત્રા છે... 💖

દિકરા તારી ખુશીથી વધુ દુનિયામાં મારા માટે કોઈ ખુશી નથી... 🙌🙌🙌

ભાવના ભટ્ટ અમદાવાદ.......

Read More

* અનંત * વાર્તા... 21-6-2019
લઘુકથા...

અંજના અને મનન એકબીજા ને ખૂબ જ પ્રેમ કરતા હતા. કોલેજમાં સાથે જ હોય એક દિવસ બંન્નેના ઘરે ખબર પડી ગઈ. નાત જાત પૂછતા ખબર પડી કે બંને ની જ્ઞાતિ અલગ હતી અને અંજનાના પિતા નાતના આગેવાન હતા. એમણે અંજનાને મનન ને મળવાની ના કહીં કે નાતમાં મારી આબરૂ જતી રહે તું મનન ને ભુલી જા. અંજના એક અઠવાડિયું કોલેજ ના ગઈ. પછી એણે ઉદાસ મને કોલેજ જવાનું ચાલુ કર્યું. મનન મળતાં રડીને બધી વાત કરી. મનને કહ્યું કે તું દુઃખી ના થા આપણો પ્રેમ નાત જાત થી ઉપર છે ચાલ તું કહે તો ભાગીને લગ્ન કરી લઈએ. પણ અંજના એ કહ્યું કે તું મારા પિતા ને ઓળખતો નથી એ આપણા બન્ને ને શોધી જુદા પાડશે. મનન કહે તો હું મારા પિતા ને મોકલી તારા પિતા ને સમજાવા મોકલું આમ ઘણા પ્રયત્નો કરવામાં આવ્યા પણ અંજનાના પિતા ના માન્યા.
એક દિવસ અંજના ને મનન બગીચામાં મળ્યા અને જન્મો જન્મ એકબીજા ના જ બની રહીશું એવા વાયદા કરી કોલ્ડ ડ્રિક્સમાં ઝેર મિલાવી પી ગયા અનંત ની વાટે જવા જ્યાં કોઈ જુદા ના કરી શકે. એકબીજાનો અનંત પ્રેમને પામવા ચિર નિંદ્રામાં સુઈ ગયા...
ભાવના ભટ્ટ અમદાવાદ.....

Read More

* ખાંભી * વાર્તા... 20-6-2019
લઘુકથા...

ચરોતર પંથકમાં આણંદ આવેલુ છે અને પાસે રૂડુ ગામડી નામે એક ગામ. વર્ષો પહેલાની આ વાત છે મારા દાદાએ કહેલી આ વાત છે અને મારો જન્મ પણ આ જ ગામમાં થયેલો. ગામડાઓમાં ડાકુઓ અને લુટારાઓ નો બહુ ત્રાસ હતો. પોલીસ સ્ટેશનો શહેરમાં હોય અને મોટા ગામમાં હોય. એ વખતની વાત છે. ગામમાં ચાર પાંચ શાહુકાર ( શેઠીયા) ના ઘર હતા. શાહુકારની એક ની એક દિકરીના લગ્ન હતા અને એ જ રાતે ડાકુઓએ ધાડ પાડી અને શાહુકારના ઘરમાંથી દાગીના, જર ઝવેરાત, ઘોડા, કિંમતી ચીજ વસ્તુઓ અને જેના લગ્ન હતા એને પણ ઘોડા પર બેસાડી લઈ જવાં લાગ્યાં. ગામમાં દેકારો મચી ગયો અને બૂમાબૂમ સાંભળી ધારીયા, તલવારો લઈ બધાં દોડ્યા. ફળિયામાં સૂતેલો ભારમલ તલવાર લઈ ગામની દિકરી બચાવવા ઘોડો લઈ ડાકુઓ ની પાછળ પાદર સુધી પહોંચી ગયો અને ડાકૂઓને લલકાર્યા. ભારમલે લડતાં લડતાં ડાકુઓનો ખાત્મો બોલાવી દીધો પણ ડાકુઓના ભાલા અને તલવારો થી પાદરમાં જ ઘાયલ થઈ પડયો. ગામ વાળા મશાલો લઈ ને આવ્યા પણ ભારમલ વિરગતી પામ્યો હતો આજે એ જ જગ્યાએ એક દેરી ( ખાંભી ) બનાવી છે. કહેવાય છે કે ભારમલ દાદા આજે પણ એ ગામની રક્ષા કરે છે અને લોકો માનતા માને છે અને કામ પુરૂ થતાં બાધા કરે છે. સળગતી સિગરેટ, બીડી મુકો આખી પી જાય છે એ મેં પણ નજરે જોયેલું છે. ત્યારે પાદર હતું પણ આજે રેલ્વેના પાટા પાસે એ દેરી છે. રેલ્વેની બીજી લાઈન નાખવા એ દેરી તોડવા કોશિશ કરી તો હજારોની સંખ્યામાં કાળા ભમરા આવી ને બધાને કરડ્યા. આવુ બહુ વાર બન્યું પછી એ દેરી ને મોટી કરી રેલ્વે વાળા જ પૂજા કરે છે....

ભાવના ભટ્ટ અમદાવાદ...

Read More