× Popup image

#ભાવનાત્મક status in Hindi, Gujarati, Marathi

  • #કાવ્યોત્સવ_૨
    #kavyotsav_2

    #ભાવનાત્મક

    મા

    તારા વિશે શું લખું મા ?
    તું તો મારી અંદર વસે છે
    એટલે જ તું મારી વાતને
    આંખો વાંચીને જ સમજી શકે છે..

    તું તો મારા મનમાં રહે છે
    એટલે જ તો મને હંમેશાં
    હિંમત અને વિશ્વાસ મળતા રહે છે...

    તું તો મારા હદયમાં રહે છે
    એટલે જ તો મારા બોલમાં
    તારો સ્નેહ અને આદર છલકે છે...

    તું તો મારા અંતરમાં રહે છે
    એટલે જ તો મારા કર્મમાં
    તારા સંસ્કાર દીપે છે...

    ડો.સેજલ દેસાઈ
    સુરત

  • #કાવયોત્સવ_૨
    #Kavyotsav_2

    ગઝલ
    #ભાવનાત્મક


    કવિતા મહીં એક  કહાની લખું છું!
    કલમ થકી મારી જુબાની લખું છું !

    જગાડે હેતની હેલી હૈયાં ભીતર;
    ગઝલ ભલે  કોઈ તોફાની લખું છું !

    જગાવે પ્રેમનો અહેસાસ ઉર મધ્યે ;
    માધવ ઘેલી બની દિવાની લખું છું!

    વહાવી વ્હાલ મારી કલમ મારફતે;
    કાગળ પર એક નિશાની લખું છું !

    રોકીને આંસુને  મારી પાંપણ ઉપર;
    'સહજ' વાત મારી પોતાની લખું છું !

    ડો.સેજલ દેસાઈ
    સુરત

  • #Kavyotsav -2

    #કાવ્યોત્સવ
    #ભાવનાત્મક #લાગણી

    'ટીન એજ '

    દિકરો મારો મોટો થઈ ગયો ,
    બાળક મટી 'ટીન એજ' થઈ ગયો !

    દિવસે નહીં તો રાત્રે વધતો,
    મારા કરતાં ઊંચો થઈ ગયો !

    કાર્ટૂન નહીં ગમતાં એને હવે,
    ઈંગ્લીશ ફિલ્મો જોતો થઈ ગયો !

    અત્યાર સુધી હતો કહ્યાગરો,
    હવે થોડું સામે બોલતો થઈ ગયો !

    જમવામાં વધ્યાં નખરાં એનાં,
    પીઝા, બર્ગર માંગતો થઈ ગયો !

    કુતુહલ વૃત્તિ એની ગજબની,
    એના પ્રશ્ર્નો 'ગુગલ ' માં શોધતો થઈ ગયો !

    કેટલીયે રમતો રમતા ન થાકતો ક્યારેય,
    હવે મોબાઇલ ગેમ રમતો થઈ ગયો !

    ડો.સેજલ દેસાઈ