Description

પ્રકરણ ૧: આકાશ મંડળમાં વિવાહના નગારા (પ્રજાપતિ ભવનમાં દેવ-વિવાહની પૂર્વસંધ્યા)બ્રહ્માંડ હજુ શૈશવકાળમાં હતું. સત્યયુગની એ પવિત્ર સવારે, હિમાલયની તળેટીમાં આવેલા પ્રજાપતિ દક્ષના ભવ્ય નગર 'કનખલ' માં આજે એક અલૌકિક ઉત્સવનો સૂર્યોદય થયો હતો. દક્ષ પ્રજાપતિ અને તેમની પત્ની દેવી પ્રસૂતિની ૨૭ લાડકવાઈ પુત્રીઓ—જેઓ આકાશના ૨૭ નક્ષત્રો તરીકે બ્રહ્માંડને તેજ આપવાની હતી—તેમના સામૂહિક વિવાહ સોમ (ચંદ્રદેવ) સાથે નક્કી થયા હતા.દક્ષ પ્રજાપતિનો મહેલ કોઈ પથ્થરોનો બનેલો નહોતો, પણ રત્નો , સવર્ણ મણિઓ અને સૂર્યકાંત મણિઓથી કંડારેલો હતો.મહેલના સ્તંભો પરથી ગંગાના પવિત્ર જળના નાના-નાના ઝરણાં વહી રહ્યા હતા, જેનાથી વાતાવરણમાં એક અદભૂત શીતળતા હતી.સ્વર્ગના નંદનવનમાંથી ખાસ મંગાવેલા પારિજાત, કલ્પવૃક્ષના પુષ્પો અને નીલકમળથી આખા