Description

ఆ గది అంతా మల్లెపూల సువాసనతో నిండిపోయి ఉంది. మంచం మీద తెల్లటి దుప్పటి, చుట్టూ రంగు రంగుల డెకరేషన్..చూస్తుంటే ఎవరికైనా ఇది ఒక మధురమైన రాత్రి అనిపిస్తుంది.కానీ, ఆ గదిలో ఉన్న అభి, నవ్యలకు మాత్రం అది ఒక పెద్ద పరీక్షలా ఉంది.నవ్య పట్టుచీరలో, భారమైన నగలతో మంచం మీద కూర్చుని ఉంది. ఆమె ముఖంలో పెళ్లి కళ కంటే ఎక్కువగా ‘ఇప్పుడు ఏం చేయాలి?’ అన్న కంగారు కనిపిస్తోంది.సరిగ్గా అప్పుడే అభి గదిలోకి వచ్చాడు. పట్టు పంచె కట్టుకుని, చేతిలో పాల గ్లాసు పట్టుకుని అడుగు తీసి అడుగు వేస్తూ లోపలికి వచ్చి తలుపు గడియ పెట్టాడు.ఆ ‘టక్’ మన్న శబ్దం వినగానే నవ్య ఉలిక్కిపడి లేచింది.నవ్య: “ఏయ్! తలుపు ఎందుకు వేస్తున్నావ్?” (కంగారుగా అడిగింది)అభి: (నివ్వెరపోయి) “మరి మొదటి రాత్రి రోజు తలుపు తీసి పెడతారా ఏంటి? బయట మా పిన్ని, మీ అత్తయ్య కాపలా ఉన్నారు..