Description

విశాఖపట్నం ఏజెన్సీ ప్రాంతమైన అరకు లోయ దట్టమైన చింతపల్లి అడవుల మధ్యలో, ముఖ్య రహదారి నుంచి దాదాపు ఐదు కిలోమీటర్ల లోపల ఉన్న విజయనగరం బంగళా అంటే చుట్టుపక్కల గిరిజన గ్రామాల ప్రజలు పగటిపూట కూడా ఆ వైపు వెళ్లడానికి భయపడేవారు. ఎనభై ఏళ్ల క్రితం ఆ బంగళా యజమాని శేఖరరాజు అనే వ్యక్తి క్షుద్ర శక్తులను వశపరుచుకోవాలనే భ్రమలో తన భార్యను, కన్న కూతురిని, కన్న తల్లిని ఒకే రాత్రి బలి ఇచ్చి, తాను కూడా మెడకు ఉరివేసుకొని చనిపోయాడు. అప్పటి నుంచి ఆ బంగళా పాడుబడిపోయింది. కానీ ప్రతి పౌర్ణమి రాత్రి అక్కడ నుంచి చిన్నపిల్ల ఏడుపు, చీకట్లో నడిచే కాళ్ల గజ్జెల చప్పుడు, ఎండిన ఆకులపై ఎవరో పాకుకుంటూ వచ్చే భయంకరమైన శబ్దాలు వినిపిస్తాయని ఒక ప్రచారంలో ఉంది.రఘు ఒక యూట్యూబర్. ఎవ్వరూ వెళ్లలేని, మిస్టరీగా ఉన్న శాపగ్రస్త ప్రదేశాలకు వెళ్లి రాత్రి గడపడం అతనికి ఒక