Description

बरेच दिवसांपासून शेगावला जायची इच्छा मनात तर होती, पण कामामुळे तसा योग येतच नव्हता. तसे कॉलेजच्या दिवसांत आम्ही मित्र नेहमीच शेगावला गजानन महाराजांच्या दर्शनाला जायचो. गावापासून शेगाव १२०-१३० किलोमीटर असल्यामुळे नेहमीच दर्शनाला जायचा योग यायचा.संध्याकाळी घरून टू-व्हीलरवर निघायचे, रात्री रस्त्यात जेवण करून मग आरामशीर ११-१२ वाजेपर्यंत शेगावात पोहोचायचे. आवारात आराम करून सकाळीच अंघोळ वगैरे करून महाराजांचे पहाटेचे दर्शन घ्यायचे, इच्छा असल्यास पारायणाला बसायचे किंवा मग घराकडे निघायचे. असा आमच्या दर्शनाला जायचा नेहमीचा क्रम लागलेलाच होता. त्यामुळे शेगाव म्हटलं की संध्याकाळी आरामशीर निघायचं हे आमचं ठरलेलं असायचं.आता सर्व मित्र आपापल्या कामाला लागल्यामुळे मित्रांसोबत शेगावला जायचा योग आता क्वचितच यायला लागला होता.बरेच