Description

અનુઆધુનિક ગુજરાતી સાહિત્યમાં લઘુનવલ, નવલકથા, જીવનચરિત્ર, નિબંધ, કવિતા, બાળસાહિત્ય, પ્રવાસસાહિત્ય, સંસ્મરણ, અનુવાદ અને સંપાદન જેવાં વિવિધ ક્ષેત્રોમાં પોતાનું આગવું કાઠું કાઢનાર સર્જક યોગેશ જોષી પાસેથી ઉત્તમ ટૂંકીવાર્તાઓ પણ પ્રાપ્ત થઈ છે. તેમની પાસેથી ‘હજીયે કેટલું દૂર’ (૧૯૯૩), ‘અધખૂલી બારી’ (૨૦૦૧) અને ‘અઢારમો ચહેરો’ (૨૦૧૩) જેવા નોંધપાત્ર વાર્તાસંગ્રહો મળે છે. યોગેશ જોષીની વાર્તાઓમાં આધુનિક યંત્રવત જીવનશૈલીમાં પીસાતા સામાન્ય માણસના સંકુલ મનોવ્યાપાર અને તેની આંતરિક ગૂંચવણોની અત્યંત સૂક્ષ્મ અને કલાત્મક માવજત જોવા મળે છે. બાહ્ય વાસ્તવિકતા અને અચેતન મનના સંઘર્ષને તેઓ પોતાની આગવી પ્રતીકાત્મક શૈલીમાં આલેખે છે. પ્રસ્તુત લેખમાં તેમના ‘અધખૂલી બારી’ સંગ્રહમાં ગ્રંથસ્થ ‘ગતિ’ વાર્તામાં પ્રયોજાયેલી ‘કપોળકલ્પના’ (Fantasy) પ્રયુક્તિને ઉજાગર કરવાનો