સંભવામિ યુગે યુગે ભાગ ૨૮

સોમ માથે હાથ દઈને બેસી ગયો. રામેશ્વરે સામેના સોફા પર બેસીને પૂછ્યું શું થયું છે . સોમે કહ્યું તે પાયલ ને લઇ ગયો . હવે હું શું કરીશ . પાયલ વગર ના જીવન ની હું કલ્પના પણ નથી કરી શકતો. રામેશ્વરે કહ્યું કે બાબા ને ખબર હતી કે જટાશંકર આવું કંઈક કરશે તેથી બાબાએ પાયલ ફરતે એક સુરક્ષા કવચ બનાવી દીધું હતું તેથી તે ભલે પાયલ ને લઇ ગયો પણ તે પાયલ નું કોઈ નુકસાન નહિ કરી શકે . હવે ચોંકવાનો વારો સોમ નો હતો તેણે પૂછ્યું આપ જટાશંકર વિષે જાણો છો ? અને આ બાબા કોણ છે ? રામેશ્વરે કહ્યું કે હા મને બધી વાત ની ખબર છે અને ત્યારથી ખબર છે જયારે તું પોતે પણ નહોતો જાણતો કે તારી કુંડળી રાવણ જેવીજ છે . એક પછી એક રહસ્યોદ્ઘાટન થી સોમ ને શોક લાગ્યો . રામેશ્વરે કહ્યું કે આમ ચિંતા કરવાનું કોઈ કારણ નથી હવે તમને પુરી વાત કરું એમ કહીને રામેશ્વર બોલવા લાગ્યો . બે કલાક એક ધારું બોલ્યા પછી રામેશ્વર ઉભો રહ્યો . રામેશ્વર ને વાત સાંભળતા સાંભળતા સોમ ના ચેહરા ભાવ બદલાતા રહ્યા.

  તેણે રામેશ્વર નો હાથ પકડીને કહ્યું થોડીવાર પહેલા તમારા માથે પિસ્તોલ મૂકી તેના માટે મને માફ કરજો . હું આજ સુધી જે મારી સાથે નાની નાની ઘટનાઓ બની તેણે દુર્ઘટનાઓ સમજતો હતો જયારે તે જટાશંકરે કરેલા વાર હતા અને દરેક વખતે તમે મને બચાવતા હતા અને મને એક વાર પણ ખબર ન પડી . તમારું આ કરજ હું કેવી રીતે ઉતારીશ? આટલું કહેતા કહેતા સોમ ની આંખો ભીની થઇ ગઈ હતી .રામેશ્વરે કહ્યું દરેક વ્યક્તિ નો જન્મ કોઈ કારણસર થતો હોય છે કોઈને પોતાના જીવનના લક્ષ્ય વિષે ખબર પડી જતી હોય છે અને કોઈ કારણ વગર આખું જીવન વિતાવી દેતી હોય છે . મારો જન્મ તારી રક્ષા કરવા માટે થયો છે એમ સમજ અને મારા કર્મ નું ફળ આપવા વાળો ઉપર બેઠો છે તેથી તું તારા માથે મારુ કરજ ન રાખીશ અને હજી એક સ્પષ્ટતા કરી દઉં છું તું જે હત્યા નો ભાર પોતાના મન પર લઈને ચાલી રહ્યો છે તે હત્યા મેં કરી હતી . હું તને મળીને કહેવા માંગતો હતો પણ મને સામે આવવાની મનાઈ હતી પણ જટાશંકર એક વાર ખુલીને મેદાનમાં આવી ગયો છે તેથી બાબાજીએ તને મળીને મદદ કરવાનું કહ્યું છે. સોમે પૂછ્યું આ બંગલો કોનો છે ? રામેશ્વરે કહ્યું આ બંગલો પ્રદ્યુમ્ન સિંહજી નો છે અને હું તેમના ઈશારે કામ કરું છું . સોમે કહ્યું તેમની સાથે મુલાકાત ક્યારે કરાવશો ? સમય આવે તેમની સાથે મુલાકાત થઇ જશે . સોમે કહ્યું કે આગળ નો પ્લાન શું છે અને હવે આપણે શું કરીશું ? રામેશ્વરે કહ્યું કે જટાશંકર એ ભયંકર ક્રૂર અને શક્તિશાળી વ્યક્તિ છે અને તે શક્તિઓ  તેણે સ્વબળે મેળવી છે. તેણે પાછલા ૬૦૦ વર્ષમાં  5૦૦૦૦ થી વધુ  લોકો ના બળી આપ્યા છે. તેને મારવાના અનેક પ્રયત્નો થયા છે પણ તે દરેક વખતે બચી જાય છે અને તે એટલો ઘાતકી છે કે જેનો બળી આપે છે તેના હૃદય નું સેવન કરે છે. તેની શક્તિની કલ્પના તેની સાથે થયેલા સામના માં થઇ હશે . તે વખતે તે ફક્ત તારી સાથે રમત કરી રહ્યો હતો તેને હરાવવો હોય તો તારે તેનાથી શક્તિશાળી થવું પડશે . તારે રાવણ ને આત્મસાત કરવો પડશે અને તારી જરૂરિયાત ના પુસ્તકો અને સામાન ઉપર ના બેડરૂમ માં પડ્યા છે. સોમે કહ્યું રાવણ તો એક પદ છે . રામેશ્વરે કહ્યું કે હું તે પદ ની વાત નથી કરી રહ્યો હું વાત કરી રહ્યો છું રક્ષા સંસ્કૃતિના મહાનાયક રાવણ ની . તું તેના જેટલો શક્તિશાળી થઇ જઈશ એટલે તને પદ ની કોઈ જરૂર નહિ રહે તું પોતાને પદથી મોટો કર . તારા જીવનનું લક્ષ્ય જટાશંકર નો વિનાશ છે . સોમને રામેશ્વર ની વાતો સમજાઈ રહી હતી . સોમે પૂછ્યું કે ભુરીયા નું શું થશે ? રામેશ્વરે કહ્યું આની ચિંતા તું ન કર આના પર હું હોસ્પિટલમાં મુકીનો ગયો પછી મોટો વાર થયો છે તેથી અને બીજા સુરક્ષિત સ્થળે ખસેડું છું  અને હા ગામમાંથી તારા માતાપિતાને પણ સુરક્ષિત સ્થાને મોકલી દેવામાં આવ્યા છે એટલે તું તેમના વિષે કોઈ જાતની ચિંતા ન કર . જીગ્નેશ ને પહેલાથી બીજી જગ્યાએ મોકલી દીધો છે . સોમે કહ્યું એ કેવી રીતે બને હું ભૂરિયાને લઈને નીકળ્યો તે વખતે તે રૂમ માં હતો . રામેશ્વરે કહ્યું હજી ન સમજ્યો તે જટાશંકર પોતે હતો અને તે નજીક રહીને તારી બધી ગતિવિધિ જાણવા માંગતો હતો તેથી આદેશ મુજબ તારી જરૂરિયાત ના બધા પુસ્તકો હટાવી લીધા હતા . સોમે કહ્યું આટલું મોટું ચક્ર ? રામેશ્વરે કહ્યું હજી ઘણું બધું જોવા અને જાણવા મળશે . તું તારા કામ માં ધ્યાન આપ . ભુરીયા ને  મૂકીને હું પાયલ નો શોધ લઉ છું. ચાલો હું રજા લઉ અને તારા જમવા ની વ્યવસ્થા રાજુ કરી દેશે એમ કહીને ભૂરિયાને ખભે ઉપાડીને તે બહાર નીકળી ગયો અને સોમ ઉપર ની તરફ બેડરૂમ માં ગયો . બેડરૂમ શાનદાર રીતે સજાવેલો હતો .ખુબ થાકેલો હોવાથી તેને તરત ઊંઘ આવી ગઈ. મોડી રાત્રે કોઈ અવાજ આવતા તેની આંખો ખુલી તે ઉઠવા ગયો તો ઉઠી શક્યો નહિ તેના હાથપગ બંધાયેલા હતા અને સામે ખુરસીમાં  જટાશંકર બેસેલો હતો તેણે સોમ તરફ જોઈને કહ્યું કેવું લાગ્યું મારુ ઇંદ્રજાલ?      

***

Rate & Review

Balkrishna patel 2 months ago

Khyati Rupapara 2 months ago

Naran P Chauhan 2 months ago

Pratibha Shah 2 months ago

Jayshreeben Makwana 2 months ago