વ્યવસાયે સરકારી નોકરીયાત છું અને સાયન્સમાં અનુસ્નાતક સુધીનો અભ્યાસ કર્યો છે. લખવું એ ખરેખર અકસ્માત છે. નાનપણમાં પપ્પાની રામાયણ મોંટેથી વાંચવાનો નિત્યક્રમ અને ભગતદાદાની મુખેથી વહેતી કથાઓને ઝીંંલવાના અમૂલ્ય અવસરને કારણે જ કદાચ લખવા પ્રેરાયો હોઉં એવી શક્યતાઓ વધું છે. નાનપણથી સાહિત્ય વાંચવાનો ખુબ શોખ હતો જે આજેય જળવાઈ રહ્યો છે. ગજા બહારના ખર્ચા કરીને પુસ્તકો ખરીદવાની આદત આજેય હેમખેમ છે. સતત વાંચવું, નવા નવા મૂવી જોવા, લાગ મળે ત્યારે ફરવા નીકળી પડવું અને મનગમતું લખવું બંદાને ગમતી પ્રવૃત્તિ છે. મારા પુસ્તકોની લાખ્ખો નકલો રાતોરાત વેંચાય જાય એવું સ્વપ્નું ય ખરું. રામાયણ, મહાભારત, ભાગવત જેવા મહાગ્રંથો વાંચ્યા પછી સમય વધે તો ઉપનિષદો વાંચવાની ય ઈચ્છા છે. સાથોસાથ ફેમસ વક્તા તો થવું જ છે. લાઈફ ખુબ જ શોર્ટ અને રહસ્યોથી ભરપુર છે. ખબર નહીં આટલી બધી ઈચ્છાઓનો ભાર ઉપડી શકશે કે કેમ! પણ આશા અમર છે. હેપી રીડિંગ!

#MKGANDHI

પોતાની ભુલને હિમાલય જેવડી જાહેરમાં બતાવીને પ્રાયશ્ચિત કરવાની હિંમત રાખતા. બીજાની ભુલોને નજરઅંદાજ કરી, એના ગુણો તરાશીને વ્યક્તિત્વ નિખારવામાં માહેર હતા. કેટલા બધા મહાનુભાવો એમના હાથ નીચે ઘડાયા હતા!  

શ્રમ કર્યા વગર ખાવું એ પાપ છે એવું કહેતા અને પાળતા પણ ખરા. બાપુ પાયખાના જાતે સાફ કરતા. ઉપદેશ દ્વારા નહિ પણ આચરણ દ્વારા સંદેશ આપવાની પ્રભાવક રીતમાં જ લોકોના પ્રેમને પામી શક્યા. એમણે કહેલું કે મારું જીવનને જ મારો સંદેશ.

મોહન કાંઈ રાતોરાત મહાત્મા નહોતા બની ગયા. પોતાના ચારિત્ર્યના બળે, સત્યના ચશ્માથી અને અહિંસાની લાકડીએ મહાન બન્યા. 

ગાંધીજીને ગાળો દઈ શકાય પણ ઇતિહાસમાંથી એ અમર નામને ક્યારેય નહિ ભુસી શકાય.

Read More

વેકેશન માટે શ્રેષ્ઠ પુસ્તકો

excellent
http://matrubharti.com/book/4286/