jagadish keshav gajjar,(bhagat vanod)

¤ વધારે ફાયદો ¤
કર્મ સ્વાર્થી સદા કરતો, વધારે ફાયદો જેમાં ,
ઘડે એ ઘાટ પણ એવાં,વધારે ફાયદો જેમાં,
નવાં સાધન અપટુડેટ, ન એને કાંઈ ઉકાળ્યું,
સફળતા દૂર ગઈ ભાગી, વધારે ફાયદો જેમાં,,!!
¤ જગદીશ ગજ્જર ¤
#કર્મ

Read More

¤ શક્તિશાળીની ઠઠ્ઠા-મશ્કરીમાં જો બ્રેક - અપ આવે તો જગત આખું સુખી થઈ જાય,,!!
¤ જગદીશ ગજ્જર ¤
#ઠઠ્ઠો

¤ રત્ન ¤
દર્પણમાં રત્ન જડિત, હજારો વાર જોઈ લો,
રૂપાળું રૂપ મલકાતું, અમૂલ શણગાર જોઈ લો,
પ્રતિબિંબો બધાં અદલ, કિંતુ ઉલ્ટા જ દેખાશે,
સીધું જોવા વિના દર્પણ, ભીતરમાં યાર જોઈ લો,,!
¤ જગદીશ ગજ્જર ¤
#રત્ન

Read More

¤ નાના મોઢે,,,, ¤
અતિ વિકસિત ઘમંડી માનવી આવું ક્યારે
વિચારશે કે અત્યાધુનિક સાધનોથી ઘેરાયેલા માનવી
માથે આવતાં સંકટો પણ * અત્યાધુનિક * છે,,!!
¤ જગદીશ ગજ્જર ¤
#સંકટ

Read More

¤ શુભચિંતક ¤
શુભચિંતક છે અદકેરાં, જોઈ દુઃખ આંસુ સારે છે,
સંકટમાં ખમતીધર, દોડીને આવ્યા વહારે છે,
વધારે એમને ચિંતા, ખુદ કરતાં બીજાની છે
ભલા માટે જ બીજાને, પડ્યા પર પાટું મારે છે,,!!
¤ જગદીશ ગજ્જર ¤
#સંકટ

Read More

¤ દોષારોપણ ¤
નથી કોઈ કરી શકતું, બધું જે મનમાં એ ધારે ,
બની બેઠો કદી ઈશ્વર, ગજુ તો ના વધે ભારે,
બિમારી છે ઘણી મોટી, પરંતુ છે ગજુ નાનું,
જરીએ દમ નથી એમાં, કે ભ્રષ્ટાચારને મારે,,,!!
¤ જગદીશ ગજ્જર ¤
#દોષારોપણ

Read More

¤ દોષારોપણ ¤
એક બીજા ઉપર દોષારોપણ કરીને એક વસ્તુ
અઢળક મેળવી શકાય છે અને એ છે વિટંબણાઓ,
દિવસને રાત વિટંબણા વધતી રહે, અને એનો પાર જ
ના આવે, હા,,,, એનું એક સારું પાસુ પણ છે કે,,,
દોષારોપણ ભેદભાવથી દૂર છે, મતલબ કે સ્ત્રી-પુરુષ,
ગરીબ- અમીર, નાના-મોટા, બળવાન-નિર્બળ વિગેરે
ટૂંકમાં ભેદભાવ દોષારોપણમાં જોવા મળતો
નથી, પરિણામ સ્વરૂપ એનો વ્યાપ વધારે છે, અને
એની પ્રતિયોગિતા યોજવાની તસ્દી લેવાની જરૂરિયાત
ઉભી જ થતી નથી,,!
¤ જગદીશ ગજ્જર ¤
#દોષારોપણ

Read More

¤ પૂછપરછ કરીને પંડિત બની બેઠેલાં જ્યારે
ઘણાંના ઉપરી બની જાય છે ત્યારે મહેનત કરીને
શિક્ષણથી મેળવેલ મેડલનું મૂલ્ય શૂન્ય થઈ જાય છે,,
¤ જગદીશ ગજ્જર ¤
#પૂછપરછ

Read More