#AB..kunjdeep..enjoying my life with full of love

આજ શરદ પૂનમ કેરી રાતલડી,
ને ચાંદ છૂપાયો મારો કઈ આભલડી.!?

તારા વિના આ ચાંદની ના લાગે રુડી,
ઝટ કરીને વીતી જાય આ રાતલડી.

એક તું છે ને બીજો પેલો મારો માધવ,
રાધા તડપે સાંભળવા એની વાંસલડી.

આવ જલદી આપણે પણ રમશું રાસ,
કારણ આજ છે પૂનમ કેરી રાતલડી.

આજ કૃષ્ણ વિના રંગ કેમ જામશે અહીં,
તારા દિદાર માં હવે તો ઝૂરે તારી ચાંદલડી.

આજની રાત પર સદીઓથી હક છે મારો,
તોય રાધા રાહ જુએ ને ઝૂરે એની આંખલડી.

ચાંદ તું ગોતીને લઈ આવ મારા માધવને,
આજ સાંભળશુ તું ને હું એની વાંસલડી.

થશે મિલન આજ મધૂરરજનીમાં અદ્ભૂત,
કારણ આજ છે શરદ પૂનમ કેરી રાતલડી.

-કુંજદીપ

Read More

થોડી વ્યસ્ત છું થોડી ત્રસ્ત છું
પણ
જીવનના અસ્ત સુધી મદમસ્ત છું

-કુંજદીપ.

International Postal Day

જોઈને ટપાલી હું દોડીને ગઈ, પૂછ્યું મારી કોઈ ટપાલ છે??

એમણે આશ્ચર્યથી પૂછ્યું કેમ તારું whatsapp બંધ છે ??

- કુંજદિપ

Read More

હું નથી કોઈના પ્રભાવમાં કે નથી કોઈ અભાવમાં
બસ જીવું છું હું મોજથી પોતાના જ સ્વભાવમાં ..

-કુંજદીપ

હા, હું રાવણ દહન કરીશ...

ચારેકોર રાવણ બાળો, રાવણ બાળોનો હોહાપો મચ્યો છે, પણ, રાવણ છે ક્યાં? મને તો એ દશાસન, વિદ્વાન, બાહુબલી ક્યાંય દેખાતો જ નથી. મને તો ફક્ત આજનો નિર્લજ્જ માનવી જ દેખાય છે અને એને જોઈને સાચો રાવણ પણ શરમાય.
રાવણે સીતાનું હરણ કર્યુ ત્યારે જ એનો સ્પર્શ કર્યો હતો ત્યાર પછી હંમેશા રાવણે સીતાની મરજી જ પૂછી છે. રાવણે એને સ્પર્શ પણ નથી કર્યો.આજનો રાવણ મરજી પણ નથી પૂછતો અને સ્પર્શ પણ નથી કરતો એ તો ફક્ત આંખોથી જ બળાત્કાર કરી તૃપ્ત થાય છે. જરા વિચારો એ સમયે એક સ્ત્રીની શું હાલત થતી હશે. પોતાના ઘરની બહેન, દિકરી સાથે જો કંઈ નાની વાત પણ બને તો લાકડા લઈને ઊભા રહી જાય. પરંતુ તમે કોઈની બહેન દિકરી ની ઈજ્જત તાર તાર કરો એમાં કશું જ ખોટું નથી લાગતું.
આપણો સમાજ દીકરીઓને કેમ રહેવું, કેમ જીવવું એ શીખવે છે પણ એક દિકરા ને કેમ કંઈ નથી શીખવતા કે બીજી સ્ત્રીઓ જોડે કેવું વર્તન કરવું.

પહેલાં તું રાવણ બનતા તો શીખ, એની તોલે આવી તો જો પછી રામ બની ને રાવણને મારવા નીકળજે.

અને હા એક વાત કહેવાની તો રહી જ ગઈ..

જ્યારે જ્યારે મને માનવીય નીચ રાવણ મળશે ત્યારે ત્યારે હું, આજની સ્ત્રી રામની રાહ ન જોઈશ, ન તો ધરતી માં સમાય જઈશ. મારા સ્ત્રીત્વ ના બાણ થી રાવણ વધ કરીશ.
હા, હું રાવણ દહન કરીશ.

-કુંજદીપ.

Read More

હા, મને ગર્વ છે હું સ્ત્રી છું.
મારા નિયમો જાતે બનાવી જીવું છું.
મારા ઘરની સારથી બની કૃષ્ણની ગરજ સારું છું.
હું રાધા છું, અનસૂયા છું, જગત જનની છું
સમય આવ્યે હાથમાં ખપ્પર પકડી સંહાર કરતી મહાકાળી છું.
હું સંપૂર્ણ સમર્પિત કરી દઈશ મારી જાતને પણ,
મને હાનિ પહોંચાડશે તો ઈતિહાસ સાક્ષી છે
હું પોતે જ રણચંડી બની છું.
હું અબળા નારી નથી કે ધરતીમાં સમાય જાઉં
હું આદ્યશક્તિ છું આકાશેથી જ પ્રગટ થાઉં છું.
મને ગર્વ છે મારા સ્ત્રીત્વ પર કારણ હું જ તો સંસારનો સાર છું.

-કુંજદીપ.

Read More

આજ ઓચિંતાનું મને કોઈ યાદ આવી ગયું
જોને હવે, પાછું છાનું માનું રડાય જ ગયું

મને નથી પ્રેમ તારી સાથે એણે કહ્યું હતું છતાં
જતાં જતાં દીધેલુ એનું આલિંગન યાદ આવી ગયું

- કુંજદીપ

Read More

મારાથી દૂર જઈને તને એકાંત મળે તો દોડતો જા,પણ....
એ પહેલાં તું મારાથી દૂર થઈ શકે કે નહીં એ કહેતો જા..!!

મારાથી દૂર જઈને તને સુખ મળતું હોય તો જતો રે પણ,
એ પહેલાં મને ન મળ્યાનુ દુઃખ છે કે નહીં કહેતો તો જા..!!

કોઈ જ બંધન નથી તને મારા પ્રેમમાં સાંભળ ધ્યાનથી,
પણ,એ પહેલાં તું મને તારામાંથી મુક્ત તો કરતો જા..!!

મારા ગયા પછી તું તો વ્યસ્ત થઈ જશે મહેફિલમાં પણ,
મારા હૃદયમાં થશે જે ખાલીપો તું એ તો ભરતો જા.!!

છે ઈચ્છા દિલની તને મળે જીવનમાં ખુશીઓ અપાર પણ,
ક્યારેક મળે વખત તો મારા દર્દને પણ દિલાસો આપતો જા.

-કુંજદીપ

Read More

હું અને મારી કલમ અમે બંને અટકી ગયા
કારણ અમે બંને પ્રેમને ચીતરવા બેસી ગયા

જરાક અડગ મને ફરી કંઈક લખવા બેઠા
તો ફક્ત અને ફક્ત તને જ અમે લખી ગયા

હવે વાંક કોનો તે તું જ કહે અમને
અમે તો નાહક ના બદનામ થઈ ગયા
-કુંજદીપ

Read More

જીવી જુઓ કોઈ એકલવાયું જીવન,
આમ,જેમ જીવ્યું પોતે જ મારા માધવે

મોરલી રાખી અધરે પ્રહષઁ કર્યા બધાને,
તૃષ્ણા ત્યાગી પોતાની જ મારા માધવે

હર્ષ રાખી પોતાના મુખ પર બીજા માટે,
મીઠા ગોરસ ખવડાવ્યા સૌને મારા માધવે

અળગો ન થવા દીધો મેં મારા હૈયાથી
આખું જીવન કષ્ટ વેઠ્યુ છે મારા માધવે

હું રાધા, ને મને તો તૃપ્તિ ત્યારે જ મળી
જ્યારે ભેળવી મને એનામાં મારા માધવે

-કુંજદીપ 🌹

Read More