The Download Link has been successfully sent to your Mobile Number. Please Download the App.
29
22.5k
80.1k
અનિલ ચાવડા પ્ર-વર્તમાન ગુજરાતી કવિતામાં અગ્રગણ્ય કવિ છે. તેમના વિશે જાણીતા હિન્દુસ્તાન-પાકિસ્તાનના વિવેચક વારિસ હુસૈન અલવીએ કહ્યું છે, 'આદિલ મન્સૂરી પછી અનિલ ચાવડા દ્વારા ગઝલ બદલાય છે.' જાણીત કવિ-લેખક-વિવેચક શ્રી ચિનુ મોદીએ કહ્યું છે, 'અનિલનો બયાનનો અંદાજ ગાલિબે સૂચવ્યા મુજબ 'ઓર' છે.' ચંદ્રકાન્ત ટોપીવાલાએ લખ્યું છે, ગુજરાતી ગઝલની આંધળી ગલીમાં એ સવાર થઈને આવ્યો છે. મોરારીબાપુએ કહ્યું છે, હું આ કવિને અવાર-નવાર સાંભળતો રહ્યો, માણતો રહ્યો. કાયાકદ નાનું, પરંતુ કાવ્યકદ ઘણું જ ઊંચું અનુભવાય છે. જ્ઞાનપીઠ પુરસ્કૃત સર્જક રઘુવીર ચૌધરીએ લખ્યું છે કે, મનોજ ખંડેરિયા અને શ્યામ સાધુની બોલચાલની સહજતા અનિલની પ્રથમ ઓળખ છે. તેમણે કવિતા, નિબંધ, નવલકથા, વાર્તા જેવાં સાહિત્યનાં વિવિધ સ્વરૂપોમાં કામ કર્યું છે. સવાર લઈને (ગઝલસંગ્રહ), એક હતી વાર્તા (લઘુકથાઓ), મીનિંગફુલ જર્ની (નિબંધસંગ્રહ) જેવાં તેમનાં સ્વતંત્ર પુસ્તકો પ્રકાશિત થઈ ચૂક્યાં છે. આ સિવાય સુખ-દુખ મારી દ્રષ્ટિએ, પ્રેમ વિશે, શબ્દ સાથે મારો સંબંધ જેવાં પુસ્તકોનું સંપાદન પણ તેમણે કર્યું છે. અનિલ ચાવડાને દિલ્હી સાહિત્ય અકાદમી એવોર્ડ, ગુજરાત સરકાર દ્વાર
Anil Chavda
વાત એ પણ સાવ સાચી કે હું તારા પ્રેમમાં ડૂબી ગયો; ફક્ત તારા પ્રેમને લીધે જ હું ડૂબ્યો છું એવું પણ નથી. ~ અનિલ ચાવડા
#happyjanmashtmi
આજે રાતે 9 વાગ્યે કવિતાની મહેફિલ... www.facebook.com/gazalsk3k/live પર અચૂક સાંભળો...
નવી ગઝલ મારી પાસે એક જે શ્રદ્ધાનું સાંબેલું હતું. મેં જીવનનું ધાન એનાથી જ ખાંડેલું હતું. બ્હાર ટંકાવ્યાં હતાં એ ક્યારનાં તૂટી ગયાં, બસ ટક્યું એક જ બટન, જે માએ ટાંકેલું હતું. કાયદામાં એક, બીજો અલકાયદામાં જઈ રહ્યો, આમ તો એ બેઉએ કુરાન વાંચેલું હતું. માત્ર ઝભ્ભો હોત તો પ્હેરત નહીં ક્યારેય હું, ખાદી સાથે એમાં કોકે સત્ય કાંતેલું હતું. ઓ અતિથિ જેને સાચું સમજો છો એ ભૂલ છે; જે તમે જોયું હતું એ દૃશ્ય માંજેલું હતું. જે જગા પર દબદબો રહેતો હતો તલવારનો, ત્યાં હવે બસ જર્જરિત એક મ્યાન ટાંગેલું હતું. શ્વાસ સરખા થાય ત્યાં લગ રાહ જોવાની હતી; મારી પાસે પ્હોંચ્યું તું એ સત્ય હાંફેલું હતું! ~ અનિલ ચાવડા #anilchavda #shayar #shayari #kavita #poet #poetry #gujarati #literature #kavianilchavda
#gazal સ્મરણમાં કોઈની ભીનાશ મારા શ્વાસ સુધી ગઈ, પછી એ સ્હેજ જો આગળ વધી તો આગ સુધી ગઈ. અચાનક જો મળ્યો વર્ષો પુરાણો મિત્ર રસ્તામાં, તો, વાતો છેક બચપણમાં ભણેલા પાઠ સુધી ગઈ. ફળિયે ડાળ મહોરીને જરા નેવે અડી ગઈ તો, તરત ઘરમાંથી દોડીને કુહાડી ઝાડ સુધી ગઈ. પહેલાં માણસો સૌ નીચું જોઈ ચાલતા’તા અહીં, પછી જો પંખી ઊડતા જોયું, નજરો આભ સુધી ગઈ. હૃદયનું બીજું પૂછો નામ તો બસસ્ટેન્ડ છે મિત્રો, તપાસો બસ કઈ, ક્યારે ને કોના ગામ સુધી ગઈ? ~ અનિલ ચાવડા #anilchavda #shayari #shayar #poet #poetry #gujarati #literature #gazals
Corona વખતની લાચારી #anilchavda #shayar #shayari #gazals #poetry #poet #gujarati
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
Copyright © 2020, Matrubharti Technologies Pvt. Ltd. All Rights Reserved.
Please enable javascript on your browser
