I am an EC engineer. Writing is my hobby and I like to write poems and stories.I occasionally write for Aakashvani. I also write scripts for TV and Radio advertisements.I am a simple girl who believes in God!!!

પીધી નથી મેં વર્ષોથી તો યે,
જાણું છું હોય કેવી
રોજ એક સ્વાદની ચા...

તેં ભલે ક્યારેય આપી નથી તો યે
પીવાય લિજ્જતે કેવી
રોજ તારી યાદની ચા!!!

Read More

ફોન

આજથી દસ વર્ષ પહેલા જ્યારે મોબાઇલ ફોન પહેલી વાર બંગલે શેઠાણીના હાથમાં જોયો ત્યારે એક સપનું જોયુ હતું કમળાએ કે આવુ કંઇક જાદુઇ રમકડું પોતાની દીકરી પ્રીતીને અપાવ્યું હોય તો! ક્યાંય જાય ને વહેલું મોડું થાય તો ચિંતા તો નહીં!

ને આજે તે દીકરી શહેરની સૌથી મોટી મોબાઇલ કંપનીમાં CEOની પોસ્ટ પર સિલેક્ટ થઇને જાય છે ત્યારે પહેલું કામ કરે છે પોતાની માતાના હાથે પોતાની નવી ઓફિસના ઉદઘાટનનું કામ...નેમ પ્લેટ પર નામ છે: "પ્રીતી કમળા ..."

હવે કમળા જરૂરિયાત મંદ દીકરીઓને ફોન અપાવવા માટેના સેવાયજ્ઞમાં જોડાઇ ગઇ છે!

Read More

છે અલગ રસ્તાઓ તો યે જોને મંઝિલ એક છે,
છે કશે રોકાવું તારે કે આવવું છેક છે?

રંગ તો સાંજના જોયા,ને તારા પણ;

કુદરત થોડી વધુ ગમે,સૌ માટે સરખી તો ખરી!!!

આ સવાર સાવ સૂકી હોય છે, તું આવ પાછો,
જીવનમાં તાજગી નથી બેરૂખી હોય છે, તું આવ પાછો;
સેંકડો સંબંધો વચ્ચે એકલી ઝઝૂમી શકું છું
એક તારું નામ આવે ત્યાં આંખો ઝુકી હોય છે, તું આવ પાછો!!!

સાંજ તારી સાથે કેટલીયે ટહુકી હોય છે,તું આવ પાછો,
રાત આપણી કાયમ ચાંદ સાથે જ ઊગી હોય છે,તું આવ પાછો;
તને ય મારા ન હોવાનો રંજ થતો તો હશે ક્યારેક
ચહેરો હસે પણ તારી આંખો હવે કાયમ સૂકી હોય છે,કહે તો ખરો બોલાવ પાછો!!!

Read More

મત પૂછ મેરે હાલાતસે મેરી લડાઇ એ જીંદગી;
વો મુ્ઝે જીતને નહીં દેતે ઔર મૈં ઉન્હેં જીતને નહીં દેતી!!!

#Gandhigiri

થોડાં વર્ષો પહેલાં મારા ૩ વર્ષના નાના દિકરાને લઇને ડ્રાઇવઇન સિનેમામાં મુવી જોવા ગયા.રમતમાં દિકરાએ બાજુમાં નીચે બેસીને નાસ્તો કરી રહેલ એક ફેમિલીની ડીશમાં માટી નાખી દીધી.એ નાનો તો કશું સમજે તે પહેલા તે ફેમિલીએ અભદ્ર વર્તન શરૂ કરી દીધું અમારી સાથે.તેમનો ગુસ્સો બિલકુલ અયોગ્ય નહોતો પણ બાળકને લઇને ખરાબ વર્તન કર્યું તે યોગ્ય ન ગણાય મારા મતે! મેં તરત મારા પતિને કહ્યું કે તેમને માટે બીજો નાસ્તો લઇ આવે,અને તેમને કહ્યા વગર.અમે "સોરી" કહીને તેમને બીજો નાસ્તો તથા આઇસક્રીમ પણ આપ્યા.તેઓ જોતા રહી ગયા અને અમને પોતાના વર્તન બદલ શરમ અનુભવે છે તેવું કહી ખુશ થયાં!!!

Read More

#LoveYouMummy
તારા સ્મિતથી બદલે દુનિયા,દિલ તારું જાણે સમંદર,
તું પ્રેમની દેવી, વરસે આંખોથી પ્રેમ બસ નિરંતર;
હો મુશ્કેલી કે હો દુખ કોઇ,મને તું ના કહે કદી
સહે બધું તું,હસી પડે,ને દુખ રહે દૂર સદંતર!!!
ઇશ્વરને યે થઇ હશે જ ઇર્ષા લાગ્યુ્ં એમ નિરંતર,
સ્વચ્છ ચરિત્ર,સ્વચ્છ જીવન ને હરદમ સ્વચ્છ અંતર;
તું હતી તો સઘળું સુંદર ત્યાંનું ત્યાં, ને હું પણ હતી સુંદર,
તું નથી તો યે હજી બધું ત્યાંનું ત્યાં ને તું તસવીરની અંદર!!!!

Read More

#LoveYouMummy
વ્હાલી મા,
તેં જ્યારે મને જન્મ આપવાનું વિચાર્યું ત્યારથી જ તારું મારા માટેનું લાગણીનું બીજ વવાયું.મારા એક આંસુને લુછવા તું કાયમ તારો પાલવ તૈયાર રાખે અને મારાથી તારા હજારો આંસુઓ છુપાવી જીવે,વાહ!દિલમાં નારાજગી છતાં હસતાં મોંએ સંબંધો સાચવતાં તેં ખૂબ શીખવ્યું.તારું એ મોહક સ્મિત મને હજી મુશ્કેલીમાં એટલું બળ પુરું પાડે છે કે હું કાયમ જીતી શકી છું.તેં તારા સમગ્ર જીવનમાં કંઇ પણ ઇશ્વર પાસે માંગ્યું હશે તો મારી ખુશી અને સલામતી,તો આજે પણ હું તને મારી યાદમાં રાખીને એક સુરક્ષિત અને સુખી જીવન જીવી રહી છું!હું તારા જેવી થોડી પણ બની શકું તો તારી તપશ્ચર્યા ફળી ગણાશે!
Thanks Maa...

Read More

આંખોની ભાષા...!!!
ક્યારેક કોઇએ કહ્યું હતું કે સુંદર આંખો જોઇને બધું ભુલી જવાય છે,પણ...પછીના પરિણામો જીવનભર ભોગવીને સમજાય છે!!! હશે,આંખોની વાતો બસ આંખોથી જ કહેવાય છે અને જો ન સમજાય તો આંખોનો જ દોષ જોવાય છે! આંખોથી જો કહેતા આવડે એક ક્ષણમાં જીવન મળી જાય છે અને જો ન આવડે તો આખું જીવન બસ એમ જ નીકળી જાય છે...આંખોઆંખોમાં થતી વાતોથી દિલ જરૂર મલકાય છે, તો ક્યારેક ગુસ્સાથી લાલપીળી થયેલી આંખોથી દિલ દુભાય છે...આંખોમાં સ્વપ્ન,આંખોમાં ભીનાશ,આંખોમાં હાસ્ય,આંખોમાં ઉજાસ,અામ આંખોથી યે દરેક લાગણી વંચાય છે,ના સમજાય તો પછી શબ્દોને કષ્ટ અપાય છે!!!આંખોની ભાષા સુંદર છે,વાચાળ છે,અદ્ભુત છે અને સહેલાઇથી વંચાય છે.આંખોથી વ્યક્તિ મપાય છે તથા અાંખોથી જ ન બોલેલું ઘણું સમજાય છે!!!

પાંપણની પાંખ પહેરી દિવસે ઊડ્યા કરે છે,
સપનાને લઇને રાતે આવે છે મારી આંખો...
મુસ્કાન લાવે આંખો,આંસુ વહાવે આંખો,
દુનિયા રંગીલી તેના સૌ રંગ બતાવે આંખો!!!
---Nruti shah...

Read More