Quotes, Poems and Stories by વિનોદ. મો. સોલંકી .વ્યોમ.

વિનોદ. મો. સોલંકી .વ્યોમ. posted an update Gujarati Poem

1 day ago

જવાબદારી નિભાવતાં થાકી જવાય છે;
દુનિયાદારી સંભાળતાં થાકી જવાય છે;

જીંદગી એ ઘાવ લગાવ્યા છે એટલા કે,
હવે એને ભરતાં ભરતાં થાકી જવાય છે;

ખૂણામાં બેસીને રડી લઉં છું ક્યારેક પણ,
રૂમાલ સુકવતાં સુકવતાં થાકી જવાય છે;

સૂરજ, ચાંદ ને તારાની વાત બહુ કરી છે,
અહીં અંધારા સંકેલતાં થાકી જવાય છે;

બાજરી ખૂટે મરવાનું તો છે જ "વ્યોમ"
એ પહેલાં હવે જીવતાં થાકી જવાય છે;

...✍️વિનોદ. મો. સોલંકી "વ્યોમ"
GETCO (GEB)

42 Views

14 others like this post.

વિનોદ. મો. સોલંકી .વ્યોમ. posted an update Gujarati Poem

4 days ago

ક્યાંક શ્વાસ તુટે છે તો ક્યાંક આશ ખૂટે છે;
છતાંય કાળાબજારીયા તો બેફામ લૂંટે છે;

ક્યાંક ચિતા બળે છે, ક્યાંક કાળજા કંપે છે,
ને સત્તાધારીઓ તો બસ ખોટાં બણગા ફૂંકે છે;

ઓ ઈમાનદાર કહેવાતા લોકો સાંભળી લેજો,
કોઇ નથી બચતું જ્યારે એની લાઠી વછૂટે છે;

કોઈનો આધાર છૂટ્યો કોઈનો ખોળો લૂટાયો,
બાકી જે વધ્યા છે એ તો બસ છાતી કૂટે છે;

હવે, બસ કર એ ખુદા, એ ઈશુ, એ મારા ઇશ્વર,
શ્રધ્ધાને બદલે તારા પ્રત્યે હવે દિલમાં રોષ ફૂટે છે;

મંદિર ગ્યો, મસ્જિદ ગ્યો, ગ્યો ગુરૂદ્વારા ને ચર્ચ,
જો નથી અહીં તો કેમ બધા અહીં તને ઝૂકે છે?

...✍️વિનોદ. મો. સોલંકી "વ્યોમ"
GETCO (GEB)

8 others like this post.

વિનોદ. મો. સોલંકી .વ્યોમ. posted an update Gujarati Poem

6 days ago

હમેશાં એમને જોતો રહું છું બસ તસવીરમાં;
પણ, એ ક્યારેય હતાં નહિં મારી તકદીરમાં;

છોડીને મધદરિયે જે બસ ચાલ્યાં ગયાં હતાં,
નહીં હોય મજબૂતાઈ મારા પ્રેમની જંજીરમાં;

ના કરી શક્યો હું એમને અમારાં ક્યારેય પણ,
રહી ગઇ હશે કોઈ કચાશ મારીજ તદબીરમાં;

મળી જાય મને એ બસ આ જનમમાં, માટે,
કરતો રહ્યો સજદા હું હર મસ્જિદ, મંદિરમાં;

એના વિરહમાં જીવીને પણ શું કરું? "વ્યોમ"
બાકી તાકાત નથી મને મારવાની શમશીરમાં;

...✍️વિનોદ. મો. સોલંકી "વ્યોમ"
GETCO (GEB)

10 others like this post.

વિનોદ. મો. સોલંકી .વ્યોમ. posted an update Gujarati Poem

1 week ago

જીવનના હર મોડ પર એવા સબંધ મળે છે;
ભળે છે એમ જેમ સોનામાં સુગંધ ભળે છે;

સાચું જીવતાં જીંદગીની ઠોકરો શીખવાડે છે;
કિતાબમાં તો બસ જીવનના નિબંધ મળે છે;

કામ હોય તો રાત્રેય યાદ કરજે કે'વા વાળાના,
જરૂરત હોય છે ત્યારે જ કમાડ બંદ મળે છે;

પરંતુ કરવી છે જેને નિસ્વાર્થ ભાવે સેવા એને,
દોલત કે સમાજના ક્યાં કોઈ પ્રતિબંધ નડે છે?

લોહીનો સંબંધ ન હોવા છતાં રહે સદા તત્પર,
એવા મિત્રોનો ખજાનો તો ઋણાનુબંધ મળે છે;

સુખ અને દુઃખમાં જે હમેશાં હોય સાથ સાથ,
આજકાલ એવા બહુ જુજ ભાઈબંધ મળે છે;

જીવતાં હોય છે ત્યારે નથી દેતું કોઈ સહારો,
મર્યા પછીજ "વ્યોમ", અહીંયાં કાંધ મળે છે;

...✍️વિનોદ. મો. સોલંકી "વ્યોમ"
GETCO (GEB)

38 Views

18 others like this post.

વિનોદ. મો. સોલંકી .વ્યોમ. posted an update Gujarati Poem

1 week ago

ગમે ત્યાં ને ગમે ત્યારે ફસાવી દે, હજી થોડાંક એવા મિત્ર છે,
ઉદાસી ફૂંક મારીને ઊડાવી દે, હજી થોડાંક એવા મિત્ર છે.

મને પૂછ્યા વગર લઈ જાય બાઇક મારી ને આખો દિવસ એ ફેરવે,
ખૂટે પેટ્રોલ ત્યારે માંડ ચાવી દે, હજી થોડાંક એવા મિત્ર છે.

પ્રથમ તો ફોસલાવીને મને એ, મારી અંગત વાત જાણે ને, પછી ?
પછી આખી દુનિયાને જણાવી દે, હજી થોડાંક એવા મિત્ર છે.

કદી મારા ઘરે મહેમાન થઈ આવે, પછી હું મૂકવા જઉં અને,
મને ખુદને જ એ બસમાં ચડાવી દે, હજી થોડાંક એવા મિત્ર છે.

કરે હેરાન હરપલ એટલું કે, આંખમાં આંસુ જ આવી જાય, પણ ;
રડું તો આંસુને ઝાકળ બનાવી દે, હજી થોડાંક એવા મિત્ર છે.?
.....અજ્ઞાત

11 others like this post.

વિનોદ. મો. સોલંકી .વ્યોમ. posted an update Gujarati Poem

1 week ago

કરે છે કોઈ અને કોઈ ભરે છે;
જીવતા ડૂબે અને લાશ તરે છે;

ખોખરો નિકળ્યો માનવ અહીંયાં,
છતાં પૂરા વિશ્વાસે ખુદા ઘડે છે;

પાનખરમાં પાનને ખરતાં જોયાં,
આજકાલ એ ભર વસંતે ખરે છે;

એક સમયે હવા જે મળતી મફત,
આજ સૌ એના માટે કરગરે છે;

જો બાજરી ખૂટે મરે છે હરકોઇ,
કોરોના કાળમાં તો કમોતે મરે છે;

ચોમેર છે બસ લાશોના ઢગલા,
મસાણે પણ ચિતા ક્યાં ઠરે છે?

હવે તો બસ કર હે, પરવરદિગાર
તન, મન શું "વ્યોમ" જાન ધરે છે

કઠોર નથી ખુદા તું, જાણું છું હું,
જોઉં એ તું સાબિત કેમ કરે છે?

...✍️વિનોદ. મો. સોલંકી "વ્યોમ"
GETCO (GEB)

29 Views

7 others like this post.

વિનોદ. મો. સોલંકી .વ્યોમ. posted an update Hindi Poem

2 weeks ago

करने है कुछ सवालात ए जिंदगी
करलुं मैं एक मुलाकात ए जिंदगी

हसना रोना तो है दोस्तों के साथ ही
अपने है ऐसे ताल्लुकात ए जिंदगी

सब दोस्त मीलकर साथ साथ गुज़ारें
दे दे ऐसी हसीन एक रात ए जिंदगी

दोस्त और दोस्ती ही है मेरी कमज़ोरी
मेरे दिलके ऐसे है ज़ज्बात ए जिंदगी

आप जैसे दोस्त है साथ "व्योम" तो
मौत से भी करुं दो दो हाथ ए जिंदगी

...✍️વિનોદ. મો. સોલંકી "વ્યોમ"
GETCO (GEB)

75 Views

18 others like this post.

વિનોદ. મો. સોલંકી .વ્યોમ. posted an update Gujarati Poem

2 weeks ago

જીવન આખું જવાબદારી નિભાવવામાં ખર્ચાઈ ગયું;
જીવવા ગયો પોતાના માટે તો સરેઆમ ચર્ચાઈ ગયું;

સારો હતો હું ત્યાં સુધી કર્યું હા-યે-હા મેં જ્યાં સુધી
ખરાબ બન્યો ત્યારે, જ્યારે જૂઠ એમનું વર્તાઈ ગયું;

તળાવ, સરોવર કે નદીમાં ટકરાયું હોત તો ઠીક હતું
પણ, જે નાખ્યું'તું નાવડું એ મધદરિયે અથડાઇ ગયું;

લીધી'તી મુલાકાત મયખાનાની આજ ગમ ભૂલાવવા
હોઠે પહોંચે એ પહેલાં જામ હાથમાંજ ઠલવાઈ ગયું;

મોત પણ હવે શું મારી શકવાની હતી અમને "વ્યોમ"
આયખું અમારું જ્યારે એક લાશ જેમ જીવાઈ ગયું;

...✍️વિનોદ. મો. સોલંકી "વ્યોમ"
GETCO (GEB)

11 others like this post.

વિનોદ. મો. સોલંકી .વ્યોમ. posted an update Gujarati Poem

2 weeks ago

ગામડું શું છોડ્યું ને પાદર ખોયું;
વર્ષાની લાલચમાં વાદળ ખોયું;

શહેરની ખોટી મોહમાયામાં જ,
ગામડાનું સત્કારતું વ્હાલ ખોયું;

શહેરના ધ્વનિ પ્રદૂષણની વચ્ચે,
શાંત અને પાવન એ મંદર ખોયું;

મળ્યા શહેરી વ્યવહારૂ મિત્ર પણ,
ગામડાનું નિઃસ્વાર્થ સહોદર ખોયું;

સમય પેલાં પાકતા ફળ ફૂલોમાં,
ગામડાનું નૈસર્ગિક ખાતર ખોયું;

શહેર છે આધુનિક શિક્ષિત પણ,
લોકોમાં ગામડીયું ગણતર ખોયું;

મારૂં તારૂં કરતા રહેતા શહેરમાં,
પરિવારને જોડતું આડસર ખોયું;

મતલબ ભર્યા આ શહેરમાં "વ્યોમ"
મેં તો ખૂદ મારું જ આદર ખોયું;

...✍️વિનોદ. મો. સોલંકી "વ્યોમ"
GETCO (GEB)

48 Views

12 others like this post.

વિનોદ. મો. સોલંકી .વ્યોમ. posted an update Gujarati Poem

2 weeks ago

મારી પ્રિયતમા મારી સમજથી પરે છે;
પણ પ્રેમ એ દિલ્લોજાનથી મને કરે છે;

નજર ઝુકાવીને જ્યારે નજર મળે છે;
લાગે છે કે એની નજરમાં મને ભરે છે;

ક્યારેક નજર અમારી એમ મળે છે;
જાણે પ્રેમથી નખશિખ મને કળે છે;

કેમ કહું? કેટલો પ્રેમ દિલ એને કરે છે;
દિલ સદાય એના માટે જ તડફડે છે;

આંખોમાં ભર્યો એના ખ્વાબનો દરીયો,
એની યાદો બનીને નાવડી એમાં તરે છે;

જીવન રૂપી મારો આ હંસલો પણ જોને,
ફક્ત એના નામના જ મોતી ચરે છે;

પ્રેમ છે પૂજા ને પ્રેમ છે બંદગી માટે,
મન મારુ દિલ એના ચરણોમાં ધરે છે;

ફિદા છું એની હર એક વાત પર "વ્યોમ"
આ જાન આજ પણ એના પર મરે છે;

...✍️વિનોદ. મો. સોલંકી "વ્યોમ"
GETCO (GEB)