અદ્દલ,
એવોજ,
એને ગમતો,
નખશીશ
બની રહ્યો છું,
કદાચ આ જ
મારા જીવનનો
અર્થ હશે!

-ધબકાર...

હું મળીશ તારી ઈચ્છાથી તારામાં!
બાકી તો છું જ સદાય અંધારામાં!

-ધબકાર...

હા...
છીનવી લીધું
એણે
જાણ બહાર
ને પાછી પુછે
ધબકાર વિના
તું કેમ છે!

-ધબકાર...

માંગ્યું હતું
વહાલ,
લાગણીઓ
ને એ
માંગણીઓ સમજી
દૂર ધકેલતા રહ્યા...

-ધબકાર...

ખબર છે
તું દુઃખી છે,
નારાજ છે
મારાથી,
સમજાતું નથી
શું કરું હું
કે તું થાય દૂર
અનંત અંધારાથી!

-ધબકાર...

ફાવતું હશે એને
એક તરફ થઈ સુવું!
ને હું વળી
એકાધિકાર જમાવી
આલિંગનમાં ભરી
સુવા રાહ જોતો રહ્યો...

-ધબકાર...

શ્વાસ રોકાઈ જાય,
અધર જોડાઈ જાય,
હૈયાનો ઉમળકો બસ,
આમ ઠલવાઈ જાય,
પ્રેમ શું!
લાગણી શું!
પ્રેમની પરાકાષ્ઠા શું!
બધું જ ભૂલી બે હૈયા,
એકમેકમાં ઓગળી જાય.

-ધબકાર...

માંગે એ આપી દઈશ,
મારું મારામાં
હવે બચ્યું જ શું છે!
એ છે તો
હું ઇચ્છું છું
વહાલ, લાગણી, પ્રેમ,
બાકી હવે
અંધકાર સમો
બીજો વહાલ ક્યાં છે!

-ધબકાર...

તારું
મારામાં આવી
સમાઈ જવું
બસ
એ એહસાસ માટે
એક એક દિવસ
હું
મને
સાચવી રહ્યો છું.

-ધબકાર...

બેશર્મ બની
હું જ કહેતો ફરું છું
ખોળામાં સુવડાવી
વહાલ કરી
તારો કરી લે...
બસ આ જ વાત,
આખી રાત,
રાહમાં
આંસુ અનરાધાર...

-ધબકાર...