વિષય:-મધ્યમ વર્ગની મુશ્કેલીઓ
શિર્ષક:- મનોવ્યથા
માઈક્રોફિકશન

“કોરોનાકાળમાં જ્યારે પરિવારની પ્રાથમિક જરૂરિયાતો ,બાળકોના શિક્ષણના ખર્ચાં અને ઉપરથી વળી આ વખતે ઓનલાઇન શિક્ષણના ખર્ચા ,સાલું એક સાંધો ત્યાં તેર તૂટે એવી મધ્યમવર્ગની સ્થિતિ હોય એમાંય ત્રીસ ટકા પગાર કાપ ! ન રંક ન રાજા છતાં હરઘડી પિસાતા ”મનમાં વિચારતા અનિલભાઈ મ્લાનમાં હસતાં પગારની બેંક ડિટેઇલ ચેક કરવા લાગ્યા.

-Shital

માઈક્રોફિકશન

બસમાં ઊભી રહેલી દિવ્યાંગનાને જોઈને દયાભરી નજરે નિહાળી રહેલા મુસાફરોમાંથી એક મનોજભાઈ એ ઊભા થઈને નીરજાને બેસવા ઈશારો કર્યો.
બેઠેલી દિવ્યાંગનાને તેની બાજુમાં બેઠેલા મુસાફરનાં ‘અજાણતા’ સ્પર્શતા હાથ/પગ અને ચોક્કસ રીતે સ્પર્શવા મથતી તેની આંગળીઓને દિવ્યાંગના એ જોરદાર થપ્પડ થી અટકાવી દીધી.
મનોજભાઈ અને બીજા મુસાફરો સમજી ગયા કે વાસ્તવમાં વિકલાંગ કોણ છે? શારીરિક ક્ષતિ કરતાં મોટી વિકલાંગતા કોઈ ની મનોવિકૃતિ છે.
- વર્લ્ડ વિકલાંગતા દિવસ અન્વયે

વિષય :- પ્રિયતમાનો વિયોગ
પ્રકાર. :- માઈક્રોફિકશન

નરેશ અને સોનલ લવમેરેજ બાદ ખુશીથી રહેતા હતા, લગ્નનાં થોડા સમય બાદ પડી જવાથી સ્પાઈનલ ડેમેજ થતાં સોનલ પથારીવશ બની ગઈ. પત્ની માટે બધું કરી છૂટવા માંગતો નરેશ સોનલની આ સ્થિતિ માટે નિઃસહાય હતો.
‘એ નરેશ મને પડખું ફેરવાવી દે ને આ ભાઠું બહુ દુઃખે છે’. સોનલે દર્દથી કણસતાં પતિને ચીસ પાડી ; પરંતુ આજ તેને સાંભળનાર કોઈ ઘરમાં ન હતું.
સવારે પરત ફરેલા નરેશે સોનલને પોઢેલી જોઈ કાયમ માટે…….

શીતલ રૂપારેલીયા

-Shital