The Download Link has been successfully sent to your Mobile Number. Please Download the App.
6
2.3k
7.7k
રોજ બરોજ ની ખોજ બસ હું ને આ શબ્દો સાથેની મોજ...........SHILU insta id....shilu parmar 21
દરિયા જેવડું દિલ લઈને ચાલુ છું. ભીતર એક કંપન લઈને ચાલુ છું. પડુ છું , રડું છું , છતાંય હસું છું. સમજણ ભર્યું મન લઈને ચાલુ છું. આભે ઉડવાની ઈચ્છા થાય છે. હું પગમાં બંધન લઈને ચાલુ છું. વ્હાલભર્યો એક સાથ કાફી છે. સાથી , હું જીવન લઈને ચાલુ છું. દૂર દૂર છવાયેલી રેતમાં ભળવા નજીકથી નયન લઈને ચાલુ છું. ધડકન સાથે ખો - ખો રમવા દિલમાં બચપન લઈને ચાલુ છું. - SHILPA PARMAR "SHILU"
મને પહાડ ગમે.. ઉંચુ એક આકાશ ગમે... દુનિયાથી દુર પેલા વાદળ પણ ગમે... મને પાણી ગમે... વહેતી એક નદી ગમે... દરિયાની ખારાશ પણ ગમે... મને ધરા ગમે... જ્યાં છું, એ જગ્યા ગમે... કુદરતની આ ઉદારતા પણ ગમે... મને માણસ ગમે... માણસની માણસાઈ ગમે... ઈશ્વરની ગજબ કરામત પણ ગમે... મને જીવન ગમે... હાસ્યની દરેક ક્ષણ ગમે... આંસુ ચાખવાના અવસર પણ ગમે... અને અંતે...!! મને "હું" ગમું... જાત સાથે થતી વાત પણ ગમે... -SHILPA PARMAR "SHILU"
"ચાલો,આકાશને રંગીએ..." 2020 ની સામાપ્તિ બાદ 2021 નો સૌથી પહેલો તહેવાર એટલે ઉત્તરાયણ. સૂર્યનારાયણ મકર રાશિમાં પ્રવેશે છે અને મકરસંક્રાંતિ ઉજવાય છે.ઉત્તરાયણ એટલે માત્ર મજાનો તહેવાર.કોઈ પણ ઉંમરના વ્યક્તિને ફરીથી બાળક બનવાનો અવસર આપતો તહેવાર એટલે ઉતરાયણ.કોઈ પણ ધર્મનો માણસ આનંદ લઈને ઉજવી શકે એવો તહેવાર એટલે જ ઉત્તરાયણ.આકાશને આંખોમાં સમાવાની અદ્ભૂત મોસમ એટલે ઉત્તરાયણ. "ઉત્તરાયણની સવાર એટલે...!!" એય રે મસ્ત,નવા કપડાં ધારણ કર્યા હોય,માથે મૂખૂટ જેવી ટોપી પહેરી હોય , આંખે ચશ્માં હોય,હાથમાં દોરીથી બંધાયેલો પતંગ હોય, જોડે ફીરકી પકડવા એક ગમતું જણ હોય અને રંગીન આકાશને તાકી રેહવાની ક્ષણ હોય.આહાહા...ખરેખર, જાણે આકાશ સાથે યુદ્ધ લડવા જતા હોઈએ એવી ફીલીંગ આવે હો. મને કોઈ પૂછે કે , "તમને ઉત્તરાયણ કેમ ગમે ...??" તો હું કહું કે, "મને આ કેનવાસ જેવા આકાશમાં રંગ ભરવાની મજા આવે છે.આકાશને રંગીન પતંગની પીંછી વડે રંગવાનો અવસર એટલે જ ઉતરાયણ." મારા મતે તો ઉત્તરાયણ એટલે દરેક માણસને ચિત્રકાર બનવાની તક આપતો તહેવાર. આ તહેવારને માણસ અને જીવન સાથે જોડીએ ને તો, જીવનને ગમગીન માનતો માણસ આછા આસમાની આકાશને પણ રંગીન કરવાની તાકાત ધરાવે છે.સાવ સરળતાથી માણસની આ જાત કુદરતને પણ શણગારી શકે છે.ખરેખર ,અદ્ભૂત છે હો આ કુદરત અને માણસનું કોમ્બીનેશન.કુદરત સાથે મિત્રતા કરવાનો આ એક અવસર છે.આખો દિવસ સૂર્યના કિરણો સાથે રમવાની એક તક છે.પોતે ઠુંમકા મારીને પણ પતંગને ચગાવવાની તક છે.સાવ સાદા આકાશ સાથે રંગીન પતંગનો મેળ પાડવાની આ તક છે.ફરથી બાળક બનવાની આ તક છે. ટૂંકમાં,મજાની અનેક તકને ઝડપી લેવાની તક એટલે જ ઉતરાયણ. ગઝલ સમ્રાટ અંકિત ત્રિવેદી તો ઉત્તરાયણને ,"આકાશને પ્રેમપત્ર લખવાની ઋતુ કહે છે.બીજી બાજુ આપણા રમેશ પારેખ સાહેબ તો પોતાની એક કવિતામાં આભને નીચે આવવા માટે પતંગ રૂપે નિમંત્રણ આપે છે અને કહે છે કે, " નીચે આવી ચાખ ઉમળકો,ચાખ જુવાની, ચાખ લાગણી,ચાખ પ્રેમ ને ચાખ હૃદયના ભાવ,આભ, તું જરાક નીચે આવ. દરેકને ગમતો તહેવાર છે ઉત્તરાયણ.દુઃખને ભૂલી સુખને આમંત્રણ આપતો તહેવાર છે ઉત્તરાયણ.સૌને આજનો આ તહેવાર દિલથી મુબારક.હર્ષ,ઉલ્લાસ અને આનંદ સાથે મન ભરીને આકાશને માણજો.કોરોના કાળમાં પણ મજા પેન્ડિંગ નથી.હા,થોડા ઘણા નિયમોનું પાલન આપણે સૌએ કરવાનું છે. મુખ પર માસ્ક છે પણ હાસ્ય અને મજા માટે કોઈ ગાઈડ લાઈનનું પાલન નથી કરવાનું.એક વિનંતી કે, ચાઈનીઝ દોરીનો ઉપયોગ કરશો નહિ.આઝાદ પંછીને મૃત્યુ આપવાનો કોઈને હક નથી. તો તૈયાર છો ને બધા પોતાના પરિવાર સાથે ધાબે ચડીને રંગીન આકાશની મહેફિલ માણવા માટે...!! છેલ્લે દિલથી કહું તો એક ગીત યાદ આવે છે... માંઝે સે લિપટી એ પતંગ જુડી જુડી જાયે... ઉડી ઉડી જાયે,ઉડી ઉડી જાયે... દિલકી પતંગ દેખો ઉડી ઉડી જાયે... - SHILPA PARMAR https://www.instagram.com/tv/CKAtRWEnoQF/?igshid=r9iqil71ueef
https://www.instagram.com/p/CJxUK8WH2Zx/?igshid=19fzrft0mmgih
"વર્તમાન એટલે.!!" આખરે 2020 નું વર્ષ પણ વીતીને ભૂતકાળ બની જ ગયું.2021નું વર્ષ પણ સારું જ છે એવી ભવિષ્યવાણી આપણે સૌ એ કરી જ દીધી છે.જે વીતી ગયુ એ તમારો ભૂતકાળ હતો.જે હજી સુધી આવ્યું નથી એ તમારું ભવિષ્ય છે.જે આજે, અત્યારે જોડે છે એ તમારું વર્તમાન છે.ઘણા માણસો ભૂતકાળને યાદ કરીને દુઃખી થતા હોય છે .તો ઘણા માણસોને ભવિષ્યની ચિંતા સતાવતી હોય છે.આ ભૂત અને ભવિષ્ય નામનો દરિયો જ વર્તમાન રૂપી હોડીને ડુબાડી દે છે. માણસ બધી વસ્તુનો સ્વીકાર કરે છે પણ વર્તમાનને સ્વીકારી શકતો નથી.જે પાસે છે એની કદર નથી અને ભવિષ્યની પાછળ દોડે છે.ખરેખર જોઈએ તો જિંદગી દોડવા માટે છે જ નહીં.એ તો દરેકને જીવવા માટે જ મળી છે.આપણે જ ભૂત અને ભવિષ્યની ચિંતામાં દોડતા ફરીએ છીએ.છેવટે હાંફી જઈએ છે.જ્યારે દોડી શકતા નથી ત્યારે આપણે સમયનો વાંક કાઢીએ છીએ.ઘણા લોકોને એવું કહેતા સાંભળ્યા છે કે, "હું તો સારો જ માણસ છું ,પણ મારો સમય ખરાબ ચાલે છે." આવું કહેનારા માણસોને એવું કહેવાની ઈચ્છા થાય છે કે,"જો તમે સારા છો તો તમારો સમય પણ સારો જ હોવાનો છે.કેમ કે આખરે સમય પણ છે તો તમારો જ ને...!!" ઘડિયાળ બગડી જવાથી સમય ક્યારેય થોભી જતો નથી માત્ર આપણે જ સાચો સમય જોઈ શકતા નથી.ઘડિયાળમાં એક નવો પાવર નાખી દેવાથી એ સાચો સમય બતાવે જ છે.આપણા ખરાબ સમયનું પણ કઈંક આવું જ હોય છે.એણે સારો બનવવા માટે આપણે પોતે જ પાવર બનવાનું હોય છે. જીવનમાં દરેક વસ્તુ પાછી મળી શકે છે.એકમાત્ર વર્તમાન જ એવી ક્ષણ છે જે વીત્યા બાદ કયારેક પાછી નહીં મળે. "ન ભૂતો ન ભવિષ્યતિ " અર્થાત જે ભૂતકાળમાં નથી બન્યું અને ભવિષ્યમાં પણ બનવાનું નથી.એક માણસે એક સંતને સવાલ પૂછ્યો કે, "માણસની સૌથી મોટી ભૂલ કઈ...??"સંતએ જવાબમાં માત્ર એટલું જ કહ્યું કે, "વર્તમાનનો અસ્વીકાર." વર્તમાનની ઘણી બધી એવી ક્ષણ હોય છે જે આપણે જીવતા જ નથી.જે કયારેય પાછી નહીં જ મળે એ જ વર્તમાન છે.બચપન વીતી ગયું છે તો હવે ફરીથી એ નાના નાના ડગલાં માંડીને ચલતા શીખવાનો આનંદ નહીં જ મળે.ગમે તેટલું કમાઈ લઈએ પણ જીવનની પહેલી કમાઈ વખતે જે ખુશી મળી હતી એ પાછી નહીં જ મળે.સ્કૂલના પેહલા દિવસે જે રીતે રડ્યા હતા એ આંસુ પણ તમારી આંખોમાં પાછા કયારેય નહીં આવે.ગમે તેટલી સફળતા મેળવી લેશો પણ સંઘર્ષ કરતી વખતે જે થાક અનુભવ્યો એ કયારેય બીજી વાર નહીં અનુભવાય.આ જે કયારેક પાછું નથી આવવાનું ને બસ એ જ તમારું વર્તમાન છે.એ જ જીવન છે અને એ જ સારો સમય છે. જીવવા માટે કોઈ મોટિવેશનની જરૂર જ નથી.બસ આપણે હોઈએ,વર્તમાન હોય ,બે-ચાર સ્વજન હોય અને આ બધાને મેળવીને બનેલી એક કિંમતી ક્ષણ હોય.સપના જોવા જોઈએ એમાં કંઈ ખોટું નથી પણ જો વર્તમાનનો ભોગ આપીને ભવિષ્ય બનાવવા જશો તો પાછળ રહી જવાશે.આગળ નીકળીને પણ કઈં ફાયદો નથી જ થવાનો.સમયની સાથે ચાલો અને વર્તમાનને માણો. છેલ્લે દિલથી કહું તો એક ગીત યાદ આવે છે... ખો દિયા હૈ તુને જિસકો,, તેરા હી નહીં થા, એક જીત થી હાર સી... - SHILPA PARMAR "SHILU"
એક વ્યક્તિ.... મસ્ત મજાની જિંદગી હતી, એમાં પગલાં એક વ્યક્તિ માંડી ગયો. "ચાલને, મિત્ર બનીએ " એવું એ કહી ગયો. મેં કહ્યું , "આ વિજાતીય મિત્રતા સમાજ નહી સ્વીકારે " એ કહે , "તું સ્વીકાર એ ઘણું છે." મારી એક "ના" થી એક વ્યક્તિ રિસાય ગયો. જાણે - અજાણે મને નફરત એ કરી ગયો. જે કહેતો હતો, "તારા માટે માન છે..." એ એક વ્યક્તિ બદનામ મને કરી ગયો. "હું કરું છું તો તું કેમ નહીં કરે...!!" પ્રેમમાં પણ વ્યવહાર હોય એવું એ સમજાવી ગયો. હતો એક વ્યક્તિ... જે મારી એક "ના" થી મને તરછોડી ગયો. મેં પૂછ્યું , "પામી લેવું એ જ પ્રેમ હોય...??" જવાબમાં, "તું મારા લાયક નથી એવું એ જણાવી ગયો..." હતો એક વ્યક્તિ... જે મને અલવિદા કહી ગયો. -SHILPA PARMAR "SHILU" ખાસ નોંધ : ઉપરોક્ત દર્શાવેલ રચનામાં ઉલ્લેખનીય ઘટનાનો લેખકના જીવન સાથે કોઈ સંબંધ નથી.
https://www.instagram.com/p/CJm7noDHvV0/?igshid=22c6z86bhy8p
"જુના વર્ષને ભૂલી જઈએ,, નવી એક શરૂઆત કરીએ. તારું મારુ રહેવા દઈએ,, આપણું સમજીને મજા કરીયે." SHILPA PARMAR...SHILU લિખિત વાર્તા "નવા વર્ષની ગિફ્ટ" માતૃભારતી પર ફ્રી માં વાંચો https://www.matrubharti.com/book/19903810/new-year-39-s-gift
https://www.instagram.com/p/CJaHVWpnHdO/?igshid=1cik6ugg2xiz2
ચાલને દોસ્ત, એક મુલાકા ત કરીયે, મૌન રહી ઘણી બધી વાત કરીયે. એકબીજાનો હાથ પકડીને, સાથ આપવાનું એલાન કરીયે. વીતેલા દિવસોને યાદ કરીયે, મળીને યાદગાર એક રાત કરીયે. તું અને હું મટીને "આપણે" બનીએ,, મરેલા શ્વાસને હવે જીવંત કરીયે. મારી ભુલો બધી માફ કરીશ ને !! ચાલ, એક નવી શરૂઆત કરીયે. -SHILPA PARMAR "SHILU"
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
Copyright © 2021, Matrubharti Technologies Pvt. Ltd. All Rights Reserved.
Please enable javascript on your browser
