Hey, I am reading on Matrubharti!

મંગળાષ્ટક

લગ્નોમાં હસ્તમેળાપ બાદ વર કન્યાને આશિષ આપવા ગવાતું ગીત. મંગલાષ્ટક હંમેશ શાર્દુલ વિક્રિડિત છંદમાં રચાય છે. રાગ આપણા પ્રખ્યાત શિવ સ્તોત્ર ' રત્ને કલ્પિતમાસનં હિમજલૈ ..' ના જેવો છે. મોટે ભાગે વર પક્ષના લોકો ગાય છે. એક સમુહમાં લયબદ્ધ ગાવાથી અદભુત વાતાવરણ ઉભું થાય છે.

શરૂમાં ગણેશ અને શિવ પાર્વતીનું સ્મરણ થાય છે. ત્યાર બાદ સુંદર પંક્તિઓમાં નવપરણિત વર-વધુનાં બન્ને પક્ષના મા બાપ, ભાઈ ભાભી, કાકા કાકી, મામા માસીઓ વગેરેનાં નામ વણી લેવાય છે. એ નામોને ઉપયુક્ત કોઈ કડી પણ ઉમેરાય છે. જેમ કે અહીં ' સુનીલ રંગી કુમુદ ખીલ્યું સરવારે' મુળ પંક્તિ હતી જે લેખક તથા તેમની પત્નીના નામો હતાં. એ સાથે વર કન્યાને હળવી શિખામણ પણ ક્યાંક જોવા મળે છે તો ક્યાંક ફક્ત સુંદર વાતાવરણનું વર્ણન કરતી પંક્તિઓ. પંક્તિઓ સાથેની કડી પુરી થાય એટલે 'કુર્યાત સદા મંગલમ્ ' બોલી નવદંપત્તી પર ફૂલોની પાંખડીઓ ફેંકવામાં આવે છે. સાત ફેરા સાથે એક એક કરી સાત પંક્તિઓ અને છેલ્લે આઠમી એમ આઠ પંક્તિઓ ગવાતી હોઈ એને મંગલાષ્ટક કહેવાય છે. આ ગીત હવે આ લુપ્ત થતું જાય છે. સમયનો અભાવ અને હવે હોલમાં એક બાજુ વિધિ શરુ થતી હોય ત્યાં બીજી બાજુ જમવાનું ચાલુ થઇ ગયું હોય એટલે મંગલાષ્ટક ઓછું જોવા મળે છે.
લેખકે પોતાના પુત્રના લગ્ન પ્રસંગે લખેલું જે સગાઓનાં નામો કાઢી નાખી અત્રે પ્રસ્તુત છે.

========================

પ્રાર્થું સહુ પ્રથમે હું ગણેશને, રિદ્ધિ સિદ્ધિ આપજો

આપો મા સરસ્વતી મને સદા, વિદ્યા ,સંગે રાખજો

કૈલાસેેથી વરસતા ફૂલો સુગંધનાં , ઉમા મહેશ વેરતાં

યુવાન યુવતી પરે કહી રહે દેવો ,

કુર્યાત સદા મંગલમ... 1


ઉગે છે ગિરિવર પરે ઉષા, હસ્તે કિરણ વેરતી

કન્યા મૃદુ હાસ પલ્લવ શી, સૌભાગ્યને કાંક્ષતી,

ભ્રાતા રહ્યો ઈચ્છે ભરી ખુશી, અખંડ સૌભાગ્યની,

પિતા રંગે રાચી રહયા સહુ સંગે ,

કુર્યાત સદા મંગલમ.. 2


જો આ સ્નિગ્ધ કમળ ખીલ્યું છે સરવરે , ગાયે ,ઝૂલે પ્રેમ થી

ગાઓ સહુ ગીતો હર્ષ તણાં, જાઓ સહુ મંડપ ભણી

ગાઓ સહુ મલ્હાર આજ ભરી ઉરે, ગીતો દીર્ઘ આલાપ માં

યુવાન યુવતી તણા મિલનના,

કુર્યાત સદા મંગલમ… 3


આપે આશિષ આજ દાદા જો પૌત્રને, દાદી સ્મિતે નિરખતી

કાકા સહુ સાથ જો વદી રહ્યા, ઈચ્છા પૂરો સકળ ની

મામા આ વંદી રહ્યા ગગનને, વહે વાદળી લહેરતી

મંદે વેગે વહે છે નભ પરે, મામી ગતિ પ્રેરતી,

કુર્યાત સદા મંગલમ… 4


ખીલી સોળ કળા એ રે જો નભ માં, પૂર્ણિમા દામ્પત્ય ની

પગલાં હસ્ત ગ્રહી ભરે યુગલ એ, દામ્પત્યના માર્ગ થી

સ્વાસ્થ્ય ધન પ્રેમ સંતતિ રહે સદા, સુખમાં ,આશિષ આપજો

ઉલ્લાસ ઉમંગ ઉરે ભરી કહો સહુ,

કુર્યાત સદા મંગલમ.. 5


સાધી જે પરબ્રહ્મ ઉન્નતસ્થિતિ , શંભુ ઉમા સંગથી,

રાધા-માધવ રાસમાં રત બન્યાં , જે પ્રીતના રંગથી,

સોહ્યું રામ સીતાનું યુગલ જે, સત્કર્મના યોગથી,

એ પ્રીતિ, રસઐક્ય દંપતી વરો, ઉત્કર્ષ ને ઉન્નતિ,

કુર્યાત સદા મંગલમ.. 6


સાથી સપ્તપદી કહે બની રહો , સુખ દુઃખ માં એ ઉભયના

માણો સુખો ધર્મ અર્થ ને કામ થી, પ્રેરો કુટુંબ ભાવના

જન્મો તણું મિલન છે ફરી થયું, આ જન્મના સાથમાં

ઐક્ય મન વચન કાયા તણું રહો,

કુર્યાત સદા મંગલમ..7



દીર્ઘાયુષ વરો સદા, સતત હો, ઉત્કર્ષ સૌભાગ્યનાં

વિદ્યાના સુવિલાસ હો, નિત નવાં , સ્ફુરો સ્મિતો સ્વાસ્થ્યનાં

કીર્તિ, વિત્ત, ક્ળા પ્રભુ ભરી રહો, સત્યમ શિવમ સુંદરમ

બ્રહ્મા, વિષ્ણું મહેશ રક્ષણ કરો…

“કુર્યાત સદા મંગલમ”..8

Read More

પોલું છે તે વાગે એમાં કરી તેં શી કારીગરી, સાંબેલું વાગડ તો હું જાણું કે તું શાણો છે.
It is satire. No such instrument. Sambelu means a very solid wooden piece meant to grind spices by lifting up and striking in a pot called khandaniyu.
The laughing point is, the musician tries his best to.please a rich man with his skills to get generous reward. The rich has no liking or knowledge of music so says that all hollow things make sound when blown. You get reward only if you blow a solid thing.. impossible.
પોલું છે તે વાગે એમાં કરી તેં શી કારીગરી, સાંબેલું વાગડ તો હું જાણું કે તું શાણો છે.
Moral : Never ask anything from undeserved givers.
Do you know, another word for sambelu is mushal.
A famous story.. yadavs tried to mock a learned rishi. They tied a mushal on the stomach of a male yadav, dressed him as a pregnant lady and asked yhe rishi, the child will be a boy or girl.
Tbe angry rishi knew without seeing the mushal he is being ridiculed. He cursed that the thing will give birth to the death of entire yadav kul. Ultimately yadavs quarrelled with such sambela like things, killed one another and very sad greatest yadav, krishna gave up life under a tree thinking of this mutual destructions called yadavasthali.
So sambelu or mushal has this story.
Another old story about mushal my mom told was 'ક્ષેમ કુશળ ખાંધે મુશળ' whichi will share some day.

Read More

આજે સ્વ.બકુલ ત્રિપાઠી ના સાહિત્ય વિષે 'સચરાચર' ગોષ્ઠી માણી.
મુખ્ય વક્તા શ્રી હસિત મહેતાનું વક્તવ્ય સ્વર્ગસ્થ ના હાસ્ય સાહિત્યનાં ઘણાં પાસાં નો રસાસ્વાદ કરાવી ગયું.
હસિતભાઈ વિદ્વાન ઉપરાંત દેખાવે પુખ્ત રિષી કપૂર કે ફારૂખ શેખની જગ્યાએ ફિલ્મમાં પુખ્ત,રુઆબદાર હીરો તરીકે પણ યોગ્ય લાગ્યા.
સચરચરમાં, લગ્નમંડપ, ગોવિંદે માંડી ગોઠડી અને એ પુસ્તકો ઉપરાંત તેમની કવિતાઓ જેવી કે વિદુષકનું આંસુ વિશે વાત કરી. નાટક લીલા તો કેમ ભુલાય?
ઇમરજન્સી વખતે ભલભલા ban થઈ ગયેલા જ્યારે અણસાર પણ ન આવે તેવી રીતે લખી નાખતા. વિનોદ ભટ્ટની જાણીતી કોમેન્ટ 'ઇમરજન્સી માટે રાજા રામમોહનએ સતીપ્રથા બંધ કરાવી તે' નો ઉલ્લેખ થયો.
શ્રી જ્યોતીન્દ્ર દવેએ આશીર્વાદ આપ્યા કે 'સવાયો જ્યોતીન્દ્ર થાજે' તો તેઓએ કહ્યું કે સવાયો બકુલ ત્રિપાઠી થાઉં એમ કહો. પોતે જ પોતાની કક્ષા ઊંચી લાવવી એ આગ્રહ.
તેમણે જ્યોતીન્દ્રથી બિલકુલ અલગ શૈલીમાં, અલગ જ ટોપીકો પર લખવું શરૂ કર્યું જ્યારે જ્યોતીન્દ્ર એટલે જ હાસ્ય એમ પર્યાય હતો. એમ સામે પ્રવાહી તરીને પણ તેઓ સફળ થયા.
કિસ્સા કુર્સીકા જેવામાં તેમણે સ્ક્રિપ્ટ પણ લખેલી.
વક્તવ્ય રસ તરબોળ કરનારું બન્યું.
શ્રી. રતીલાલ બોરીસાગરનો ઉલ્લેખ 'લક્ષ્મીજીએ વિષ્ણુના મોટાભાઈ લેખકની લાજ કાઢી તે આજ સુધી લેખકથી મોં સંતાડયું છે' તથા કહેલ વાત 'કુકડો ગળામાં ફસાઈ અવાજ ન નીકળે તો મારા બોલ્યા વિના દુનિયાનો અંત આવશે તેમ માને છે' તે વાત ચીરકાળ યાદ રહેશે.
સમય વધતાં કુલીનચંદ્ર યાજ્ઞિક, ભાગ્યેશ જહા સ્વાતિબેન મેઢ વ. ના વક્તવ્યો ગમ્યાં.
મારાં પોઇન્ટ્સ-

તેમની, આ શ્રોતાઓ ન જાણતા હોય તેવી બાજુ.
* તેઓ ભાષા નહીં પણ એકાઉન્ટ અને મેનેજમેન્ટના પ્રાધ્યાપક હતા.
* તેમણે એકાઉન્ટની પણ બુક લખી છે.
* તેઓ મેનેજમેન્ટ વિષય માટે સારા પ્રોફેસર હતા. વસ્તુને મેનેજમેન્ટ કેસ સ્ટડી દ્વારા સમજાવતા.
* તેમાં હ્યુમર ચોક્કસ ખડખડાટ હસાવે તેવી આવતી પણ અંદર રહેલો પોઇન્ટ મગજમાં કોતરાઈ જતો.
* દા.ત. કલાસની બેન્ચ એકથી બીજે છેડે લઇ જવી તથા બીમાર વર્કરની તબિયત જોવા દોડી જતા મેનેજર માટે યુનિયન લીડર ની કોમેન્ટ કે તે તેની સુંદર પત્ની જોવા જાય છે.
* Multi tasking, fast thinking mind.
તેમાં તેઓ લેક્ચર પતે કે દોડતા દાદરો ઉતરતા અને વિચારો ચાલુ જ હોઈ આંગળી હવામાં પોઇન્ટેડ જ રહેતી. ક્યારેક કઈંક બબડતા પણ લાગતા
* હાસ્ય માં પણ અમુક જ આગ્રહ. જેમાં છેલ્લી ઘડીએપ્રબોધ જોષી નું નાટક કેન્સલ કરી બે કલાકમાં બીજૂ આખું નાટક લખી ભજવાવ્યું જે સક્સેસ ગયું.
પોતાની રીતે તારક મહેતા ના નાટકમાં અંત ફેરવી સ્કુટરો સ્ટેજ પર લાવી ઘુરર.. કરાવી પોલીસ ને ત્રાસ નો તાત્કાલિક ઘડેલો સીન
* વિવિધભારતી ની જાહેરાત પર રેડિયો કોમેન્ટ- મરાઠી પતિ ગુજરાતણ ને પરણ્યો હોય અને પરાણે ગુજરાતી બોલતો હોય તેવું લાગે છે- જાહેરાત 'માથું દુકખે તો છોકરાઆઓ ને શાઆના વઢે છે..'
* જનગણ મન ગાતાં લેખ નો ઉલલેખ રાષ્ટ્રગીત સિવાય બધું જ થતું હોય અને લોકો મનોમન પુરા બહાર, શરીરથી અર્ધા બહાર જવા ધક્કા મુક્કી કરતા હોય
* સ્ત્રી દાક્ષિણય લેખ માં પણ..બીજાઓ 'મારી બાયડી' કહે અને પત્નીની ઠેકડી ઉડાડે , તેઓ કાયમ ' સહચારીણી કે જીવન સંગીની જેવા જ શબ્દો વાપરે અને ક્યારેય પત્ની વિશે ઉતરતું લખે નહીં.
અગાઉથી તૈયારી ન હતી, સીધો ઉભો થયેલો એટલે આ પોઇન્ટ્સ અસ્ખલિત વહ્યાં.
જે કહ્યું તે શ્રોતાઓને ગમ્યું હશે તેવી અપેક્ષા.
ફરી, મને તેમના એક વિદ્યાર્થી તરીકે તેમની ખાસ અજાણી બાજુ ઉજગરકારવાની તક આપવા બદલ આભાર.

Read More

*Shiv Sena to BJP :*
तेरी गलियों में न रखेंगे कदम आज के बाद,
तेरे मिलने को न आएंगे सनम आज के बाद...

*BJP to Shiv Sena :*
तुम अगर मुझको न चाहो तो कोई बात नहीं
तुम किसी गैर को चाहोगी तो मुश्किल होगी

*Shiv Sena to Congress, NCP :*

तेरे मेरे सपने अब एक रंग हैं, जहाँ भी ले जाएँ राहें हम संग हैं।

*NCP, Congress to BJP

ना ना करते प्यार तुम्हें से कर बैठे,
करना था इंकार मगर इकरार तुम्हीं से कर बैठे...

*शिवसेना :*

मैंने चांद और सितारों की तमन्ना की थी
मुझे रातों की स्याही के सिवा कुछ ना मिला

Read More

વિશાળ કાય કરોળિયો. દેનથાલ, મેઘાલય.
અહીં તમરાં જેવું એક જીવડું બરાબર પૂજાની ઘંટડી જેવો જ અવાજ કરતું હતું. એટલો જ મોટો અવાજ. પહેલાં થયું કે જંગલની શાંત જગ્યામાં એટલો મોટો છે પણ વન ટ્રી બ્રિજ પાસે ભીડ વચ્ચે પણ એટલો જ મોટો.

Read More

સ્વચ્છ મારૂં ઘર
************
(હળવાશથી લો)
કોઈ સંજોગોમાં મને મારા જુના ઘરની એક મઝેદાર (હવે. એ વખતે તો હું ઘરમાં બુમો પાડ્યા કરતો, કોઈ પરિણામ વિના.)
મારા જુના ઘેર નેક્સટ ડોર પાડોશણ આમ તો અન્ય રહેવાસીઓ જેમ શિક્ષિત, ડિગ્રીધારી. તેઓ ઘર સાફ સુંથરું રાખે,બારી જાળી પણ લૂછે, રોજ કચરો વાળે. તેમનું ઘર સ્વચ્છ રાખે અને.. પ્લાસ્ટિકની એક કેસરી સુપડીમાં ભરી અમારા બંનેના ઘર વચ્ચે મૂકે. મારાં શ્રીમતી સ્વચ્છતાનાં અતિ આગ્રહી પણ એ કચરો બંધ બાલદી માં ભરી બહાર મૂકે જે સફાઈવાળી લઈ જાય. મારા ઘરના દરવાજા સામે કચરો ભરેલી સુપડી જોઈ રોજ મારું મગજ જાય. શ્રીમતી પાડોશ સાથે સહેજે બગાડે નહીં. સહન કરીને પણ અન્યને ખુશ રાખવામાં માને. એક બે વાર ઘરમાંથી મેં મોટા અવાજે કૉમેન્ટ્સ કરી જેની કોઈ અસર મારા મેઈન ડોર પાસે થઈ નહીં.
આખરે.. 'હદ થઈ ગઈ' કહી એક દિવસ શ્રીમતીની આનાકાની છતાં હું પ્લાસ્ટિક ડોલ લઈ આવ્યો ને તેમના ઘર બહાર મૂકી.
બીજે દિવસે જોયું તો હવે બે વસ્તુ પડેલી- શાકભાજી છીણેલો લીલો અને કાગળ વગેરે સૂકો કચરો એક સાથે ભરેલી ખુલ્લી ડોલ અને.. એ જ ધૂળ, બાવાં ભરેલી કેસરી સુપડી. ખુલ્લી, કોઈ મોં ફાડ હાસ્ય કરી તમારો ઉપહાસ કરતું હોય તેવી!
તુલસી ઇસ સંસારમેં ભાત ભાત કે લોગ!!

Read More

સાબરમતી સ્ટેશન પર રેલ્વે ના જ લોખંડના સળીયા માંથી બનાવેલ ગાંધીજી અને ચરખો

વાયબ્રન્ટ ગુજરાત ગરબા, GMDC ગ્રાઉન્ડ ખાતેની મૂલાકાત

શ્યામલ સૌમિલ મુનશીની સંગીત પાર્ટી કાબિલે દાદ હતી. 'અમદાવાદ તને સલામ ..જ્યાં 6 સદીથી ભદ્રકાળી કરે છે રખવાળી,જ્યાં બે નમૂન છે સિદી સૈયદની જાળી.. જ્યાં રિવર ફ્રન્ટ ઝળહળે ઉજળે..' વ. પંક્તિઓ વાળો ગરબો ગમ્યો.
બાકી બધા જ જાણીતા ગરબાઓ. લોકગીત સાથેના.
ખેલૈયાઓ માટે વચ્ચે સ્ટેજ સામે વિશાળ જગ્યા. ખુરશીઓ મોટા સ્ક્રીન પર જોતા સ્ટેજ દેખાય તેમ બેસવું હોય તો ત્યાં અને રેલીંગ પાસે પણ. મને હળવે હળવે પહેલી રો માં જગ્યા મળી ગયેલી.
ખેલૈયાના ડ્રેસની તો વાત ન પૂછો. કોઈએ મોટું મોરપીંછ અર્ધાકાર, પીળા સાફામાં ભરાવેલું તો કોઈએ મોદી 15 ઓગસ્ટ ના પહેરે છે તેવો રંગબેરંગી સાફો પાછળ પટ્ટો લટકતો હોય તેવો અને દાઢી પણ! કોઈ બહેને ગલગોટાની ગોળ વેણી સૂર્ય અથવા મોરની કળા ની જેમ ભરાવેલી તો કોઈ કપલ કાન રાધા ની જેમ ગલગોતના હારમાં. આભલા ચમકતા હોય તેવા ડ્રેસમાં પણ ખૂબ વેરાયટી.
એકશનો પણ ખૂબ જોશીલી.
આગળ તરફ ખુલ્લી જગ્યામાં as usual ગૃપો અંદરો અંદર ગરબા કરતાં હતાં.
ગાંધીજીના જન્મના 150 વર્ષ ના થીમ પર પેવેલીયન હતી. પોળોના જંગલ વિશે પણ એક પેવેલિયન હતી.
ફૂડકોર્ટ આ વખતે એન્ટ્રીની ડાબી બાજુ હતી જે દર વખતે જમણે હોય છે.
ફુવારા અને ડાન્સિંગ કપલ નું શિલ્પ વચ્ચે ગમ્યુ.
પાર્કિંગમાં આહા.. ગણ્યા ગણાય નહીં એટલાં વાહનો. મેં સાઈન રાખેલી કે મોટા મોબાઈલ ટાવર અને આલ્ફા મોલ દેખાય છે એની વચ્ચે ઘાસમાં મૂકી છે. આંખ અર્ધ વર્તુળ માં જુએ. એટલે એ જ વિસ્તારમાં વળતાં વેહિકલ.ગોતતા પોણો કલાક ગયો. ઘણાના નહોતાં મળતાં. પાછું પીપ.. બઝર ચાવીમાં વગાડે તો બીજાના પણ એવા જ અવાજ વાળા બઝર હોય.
2002 થી દર વખતે એક કે બે દિવસ તો જાઉં જ છું. આ વખતે પણ મઝા પડી.
ફોટા જુઓ.

Read More

વસ્ત્રાપુર લેઈક નવાં વસ્ત્રોમાં .
વસ્ત્રાપુર લેઈક 2001 માં થયું તે પહેલાં ત્યાં રબારીવાસ હતો. ભેંસો બાંધેલી હોય , કાથીના ખાતળાઓ પર સફેદ પાઘડી વાળા પુરુષો બેઠા હોય, છાણ ની ગંધ આવતી હોય..
લેઈક થયા પછી આસપાસના પ્રમાણમાં નવા વિસ્તારો જેવા કે ગુરૂકુળ, જજીસ બંગલો, બોડકદેવ, વસ્ત્રાપુર ના લોકોને કાંકરિયા ફરવા જવાને બદલે એક સારો વિકલ્પ મળેલો. ત્યાં બોટિંગ પણ થતું અને એમ્ફી થિયેટરમાં સંગીતના જાહેર પ્રોગ્રામ પણ થતા.
કાળક્રમે વસ્ત્રાપુર લેઈક બપોરે ' લવડા લવડી' ઓ નું મિલનસ્થાન અને સાંજે અમુક વૃદ્ધોના ફરવાના સ્થાન સિવાય કામનું નહોતું રહ્યું. વયસ્કો પણ આજુબાજુ ફરી લેતા. ખાલી તળાવમાં કાગડા ઉપરાંત ગીધ સમળીઓ પણ ઉડતાં. પ્લાસ્ટિકના કચરાની વિશાળ ઓપન પેટી બની રહેલું.
કાલે નર્મદાનાં નીર ભરેલું, રંગ રંગીન લાઈટો થી શણગારેલું લેઈક જોવાની મઝા આવી. ગણેશ મંદિર થી પેટ્રોલ પમ્પ તરફના રસ્તે ચિલ્ડ્રન પાર્ક પણ સારી હાલતમાં છે. પહોળી લપસણી જેમાં ત્રણ બાળકો સાથે લપસી શકે, દોરડી પર ચડી પગથીઓ પર થી ઉતરવાનું, ગોળ નિસરણી અને એવા નવાં સાધનો પણ હતાં.
વૉકિંગ ટ્રેક પ્રમાણમાં સ્વચ્છ હતો.
સાંજે સાડા છ એ અંધારું થઈ જતાં લાઈટો સાથે લેઈક જોવા મળ્યું પણ તેનો અલગ જ આનંદ હતો.
કાંકરિયા ના અકસ્માત પછી રાઇડો વાળું કિડ્સ વર્લ્ડ બંધ છે.
મહેમાનોને કાંકરિયા દૂર પડે તો અહીં લાવવા જેવા.
પાણીની સ્વચ્છતા તો આપણે જ જાળવી શકીએ. પ્લાસ્ટિક અને ખાધેલો ખોરાક ફેંકી વળી તેનું ગળું ન ઘોંટી દઈએ. પશ્ચિમ વિસ્તારની મહામૂલી સાહેલગાહની જગ્યા છે.

Read More

પૃથ્વીનો છેડો પોતાનું ઘર. બેંગ્લોર ફરી અમદાવાદ આવી ગયાં. આ વખતે જાણી જોઈ સવાબે કલાક પ્લેનની મુસાફરીને બદલે ટ્રેન લીધી. પહેલાં રૂટ પુનાથી દોન્ડ, સોલાપુર, વાડી, ગુંટકલ, ગુલબર્ગ થઈને જતો જે રસ્તે 3 રાત બે દિવસની મુસાફરી 1996 માં કરેલ. જૂની પેઢી ભૂગોળમાં એ જ રૂટ ભણી હશે.
હવે હુબલી, ધારવાડ, મીરજ, સાંગલી, સતારા, પુના, લોનાવાલા, કલ્યાણ,વસઇ થઈને 31 કલાકમાં આવ્યાં.
રસ્તો ખૂબ ગ્રીનરીથી ભરેલો હતો. ધારવાડ સુધી તો નારીએળીઓ અને સોપારી, ચોખા વ. નાં ખેતરો હતાં. તેમાં પાણી વ્યવસ્થિત ભરેલું હતું. પાક સાચવીને ઉગે અને પશુપક્ષીઓ ન ખાઈ જાય તથા સચવાય એટલે સિમેન્ટનાં નળિયાં ઉપર ગરબામાં હોય તેવાં કાણા પાડીને લાઈનસર મુકેલા. ક્યારાઓની લાઈનમાં.
લીલા પર્વતો, ભરપૂર નદીઓ, એક ડેમ, નીચે ખીણ અને ઉપરથી પસાર થતી, વારે વારે ગોળ વળાંક લેતી ટ્રેનની મુસાફરી દિવસ દરમ્યાન એન્જોય કરી.
હા, પ્રથમ વખત એડવાન્સ પેમેન્ટ કરી બપોરે પોણા વાગે મીરજ પર થાળી આવે એમ કરેલું. Irctc નો માણસ ડબ્બા પર આપી ગયો. વળતાં બધે એક બે મિનિટ ઉભે તો પણ પુના વડાપાઉં તો લીધા. જો કે કરજત અને લોનાવાલા રાતે 9 પછી આવતા હોઈ ત્યા કરજતના પ્રખ્યાત બટેટાવડા ન ખાઈ શક્યા. રાત્રે ભોંયરામાંથી ટ્રેન નીકળે અને તેની વ્હીસલનો પડઘો અને લાઈટ જોવાની મઝા આવી. ઉપરથી વચ્ચેના ગામોના ઝીણા ટમટમતા લાઈટના દીવાઓ જોવાની મઝા આવી જાણે ચાઈનીઝ લાઈટોનું દિવાળી તોરણ. ટ્રેન ઊંચાઈ પર જતી હોય અને ખીણમાં શહેરો હોય. પુના કરજત ઘાટ ઉપર.
અને રેલ્વે કે સ્ટેશનો 5 વર્ષ પહેલાં જોયાં હોય તેનાથી સાવ જુદાં. ખૂબ સ્વચ્છ. કોઈ પેન્ટ્રી કાર સિવાયનો ફેરિયો અંદર ન આવે. કોઈ નિર્ધારિત થી વધુ ભાવ ન લે. ટ્રેનો સમયદાર દોડે. વચ્ચે એક કલાક જેવી લેઈટ થયેલી પણ અમદાવાદ 10 મિનિટ વહેલી આવી પહોચી!! રેલ્વેની ઘણી કાયાપલટ થઈ છે પણ હજુ ઘણું આપણે અને રેલ્વેએ કરવાનું રહે છે.

Read More