The Download Link has been successfully sent to your Mobile Number. Please Download the App.
3
2.4k
9.5k
M always in cheerful mood
ચૈત્રી નોરતા મા જગદંબાની કરીએ ભક્તિ. ચૈત્રી નોરતા પૂરા કરે ઓરતા મા જગદંબા. વિભૂતિ દેસાઈ ઘાસવાલા બિલીમોરા.
વિશ્વ ચકલી દિવસની શુભેચ્છા. વિચારે ચઢી ચકા ચકીની જોડી માળો ક્યાં બાંધું! વૃક્ષનો કર્યો નાશ લાવી બુલેટ ટ્રેન. વિભૂતિ દેસાઈ ઘાસવાલા બિલીમોરા.
ઉતરાયણને ઓમિક્રોનસાથે જ આવ્યાં, બુસ્ટર ડોઝ,દોરી પતંગ લાવ્યાં. એક આપે આનંદ બીજું કરે રક્ષણ. લઈ બુસ્ટર ડોઝ,ચગાવીએ પતંગ લડાવીએ પેચ સદગુણોને દુર્ગુણોનાં. કાપી દુર્ગુણો,વળાવીએ અહમ્,ક્રોધ,ઓમિક્રોન. રહી સ્વસ્થ માણીએ જિંદગી. વિભૂતિ દેસાઈ ઘાસવાલા બિલીમોરા.
વસમી વિદાય. વિદાય વસમી જ હોય અને આગમન આનંદદાયક છતાં પણ હું જ એક છું જેની વિદાયનું કોઈને દુઃખ નથી હોંશે હોંશે વિદાય આપવા તત્પર હા... એ હું છું ૨૦૨૧ નું વિદાય લેતું વર્ષ. ૨૦૨૦માં કોરોનાથી ત્રસ્ત સહુ કોઈએ કઈ કેટલા આશા માંથી મારું સ્વાગત કરેલું અને વર્ષ દરમિયાન કોરોના મહામારીમાં રાહત પણ રહી, મર્યાદામાં રહી તહેવારોની પ્રસંગોની ઉજવણી કરી શક્યા. બસ હવે હું જાઉં છું આપણી સ્નેહભરી યાદ લઈને જાઉં છું ફરી ક્યારેય મળવા નથી . હું તો આપ સૌ માટે માત્ર ખુશી જ વેંચવા આવેલ પરંતુ હાય રે મારા નસીબ ૨૦૨૦માં આંગળિયાત ની જેમ આવેલો કોરોના જામી પડ્યો જોકે મારું આગમન કોરોનાને નાથવા આશાનું કિરણ લઈને આવ્યું. રસીઓ મુકાઈ, કોરોના કાબુમાં આવ્યો. લોકો થોડાં હળવા થયાં, તહેવારો, પ્રસંગો ઉજવતાં થયાં. મને ભલે બધાં કોસતા હોય પરંતુ હું બાળકોથી ખુશ છું બાળકો ભાર વગરનું ભણતર ભણી રહ્યાં છે માવતર ઘરેથી કામ કરે એટલે માવતરની હુંફ, સાથ મળવાને કારણે બચ્ચાપાર્ટી ખુશખુશાલ. વડીલો ને કેમ ભૂલું? બિચારાં બાપડા એકલા અટુલા રહેતાં એમને પણ ઘરમાં સંતાનોનો સંગાથ ,સમયસર જમવાનું ચા નાસ્તો અને બાળકો સાથે આનંદ કરવાનું મળી રહ્યું છે બસ આટલી ખુશી જોઈ આપ સૌને છોડી જવાનું દુઃખ નથી. જતાં જતાં કહી જાઉં કે પ્રભુની ભક્તિ શાંતિથી ઘરે બેસીને બે વર્ષથી કરો છો એમ કરતાં રહેજો. ભક્તિનું અને શિક્ષણનું વ્યાપારીકરણ કરવાનું બંધ કરજો. આવી રહેલું 2022 નું વર્ષ સમગ્ર વિશ્વને ફળે, સરકારશ્રી બાળકોને ભાર વગરનું ભણતર આપે વર્ક ફ્રોમ હોમ ને કારણે માવતરની બાળકો અને વડીલોની ચિંતા નથી એ બાબતે કંપનીવાળા વિચારે ઘરમાં રહી શ્રમનું મહત્વ, ઘરના ખાવાનાનું મહત્વ, પરસ્પર હૂંફનું મહત્વ સમજાયું એ સમજણ કાયમ રહે. સૌ સુખી રહો, શાંતિ જળવાય એવી શુભેચ્છા સાથે આપ સૌની વિદાય લઉં છું. . વિભૂતિ દેસાઈ ઘાસવાલા બિલીમોરા.
https://youtu.be/HHCN9g5bX6o
શીર્ષક - પ્રકાશની કેડી. નવ મહિના માનાં ઉદરમાં અંધકાર વચ્ચે રહીને પ્રકાશમાં જવા માટે દિવસો ગણતાં ગણતાં વૃધ્ધિ પામતી રહી અંતે મારો જન્મ થયો પરંતુ આ શું? પ્રકાશનું તો કિરણ જ નથી.અંધારી ઓરડીનાં ખૂણામાં હું વિચારતી રહી,આમ અંધારામાં જ રહેવાનું! એકાદ મહિનો થયો ત્યારે આછો આછો પ્રકાશ માનાં ખોળામાં હતી ત્યારે જોવા મળ્યો સાથે વાત પણ સાંભળી કે,નવ મહિના માનાં ઉદરમાં અંધારામાં રહીને તરત પ્રકાશમાં લાવે તો નવજાત શિશુની આંખને નુકશાન થાય,એટલે ધીમે ધીમે મારી સફર તમસથી પ્રકાશ તરફ પ્રયાણ કરશે. સમય પસાર થતાં ભણવાની ઉંમર થતાં શાળામાં દાખલ કરી.કોરી પાટી જેવું મગજ, કશું જ ખબર ના પડે.કાળી પાટી પર એકડો ઘૂંટીને અક્ષર જ્ઞાન મળતાં જ અજ્ઞાનતાનો અંધકાર જ્ઞાનરૂપી પ્રકાશથી દૂર થયો. જિંદગીમાં આગળ વધતાં કંઈ કેટલીય વખત અંધકારનો સામનો કરવો પડ્યો પરંતુ માવતર અને શાળાનાં ગુરુજીનાં સંસ્કારથી અંધકારને દૂર કરી જિંદગીમાં પ્રકાશ મેળવી આગળ વધતી જ ગઈ. અંધકારથી ડર્યા વિના એને દૂર કરી પ્રકાશ મેળવવાનો રસ્તો શોધવો એ વાત મેં આત્મસાત કરી લીધી. લગ્નજીવનમાં પણ કેટલીક વખત તો એવું લાગતું કે,ઘોર અંધકાર જ છે, પરંતુ પ્રયત્ન કરી રસ્તો શોધતી. મઝધારે પતિની માંદગી અને ચિર વિદાય તો જાણે અંધકારનું જ સામ્રાજય હોય એવી સ્થિતિ.એ સમયે ચોતરફ અંધકાર જ અંધકાર જ અંધકાર,એવા સમયમાં હિંમત અને સાસુમા તેમજ બાળકોનાં સાથ સહકારથી પ્રકાશની કેડી કંડારી. અંધકારને વ્યાપક અર્થમાં લઈએ તો એવું કહેવાય કે જીવનમાં આવતી મુશ્કેલી, સંઘર્ષ એટલે અંધકાર.આવે સમયે હિંમત,ધીરજ, મક્કમ મનોબળ અને સંપૂર્ણ આત્મવિશ્વાસથી વિચારીએ તો ઉકેલ મળે જ મળે. ✍ વિભૂતિ દેસાઈ ઘાસવાલા બિલીમોરા.
સૌ મિત્રોને ગણેશ ચતુર્થીની શુભેચ્છાઓ. આવકારીએ હૈયે ધરી ઉમંગ ગણેશ પર્વ. ગણેશ પર્વ લાવે હર્ષ ઉલ્લાસ આનંદાનંદ. હર્ષ ઉમંગ વ્યાપ્યો ગણેશ પર્વે ચોગરદમ. ગણેશ તેડું પાવન અવસરે કરું નમન. ચઢાવું દુર્વા ગણેશ થાય રાજી પામું આશિષ. સહુનાં પ્રિય ગણેશજી આવશે મૂષકે ચઢી. હરશે વિઘ્ન શિવ પાર્વતી પુત્ર કરીએ ભક્તિ. ગણેશજીને રૂડાં બાજઠ કેરાં આસન દઉં. વિભૂતિ દેસાઈ ઘાસવાલા બિલીમોરા.
શ્રાવણ પૂરો! સુનાં પડ્યાં મહાદેવ મંદિર! કેમ સહેશે એનો વિરહ! ત્રિનેત્રધારી લેતાં વિદાય- થયાં મંદિરો સુનાં! શિવ બિરાજે સૌનાં હ્રદયમાં. વિભૂતિ દેસાઈ ઘાસવાલા બિલીમોરા.
દેવકી તણી પ્રસવ પીડા વિસરાઈ જ ગઈ! તોયે આશિષ આપે હંમેશા. વિભૂતિ દેસાઈ ઘાસવાળા બિલીમોરા
સ્વતંત્ર સ્વાતંત્ર્ય દિવસની શુભેચ્છા. સ્વાતંત્ર્ય દિને યાદ કરીએ વીર એ શહીદોને! નમન કરું દેશભક્તોને. ભૂલાય ગયાં વીર શહીદો- પરિવાર સહિત કરે નેતાઓ તાગડ ધિન્ના! લોક સેવકો કરવી નહીં સેવા,ભરે ગજવાં! લૂંટે પ્રજાને, દંભી નેતાઓ! સ્વતંત્ર દિને પ્રતિમાઓને પહેરાવશે હાર! ગુણલાં ગાશે ભ્રષ્ટાચારીઓ! ચંદ્ર શેખર ભગતસિંહ શહીદ થઈ ગયાં લાભ સઘળાં મળે નેતાને. વિભૂતિ દેસાઈ ઘાસવાલા બિલીમોરા. શુભેચ્છા
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
Copyright © 2022, Matrubharti Technologies Pvt. Ltd. All Rights Reserved.
Please enable javascript on your browser
