વિજય શાહ- પરિચય ગુજરાતી સાહિત્યમાં લેખન ૧૯૬૪ થી પણ ખરી જાગરૂકતા ૧૯૭૭ પછી...જ્યારે પહેલો કાવ્ય સંગ્રહ “હું એટલે તમે“ મોટીબેન પ્રતિભાએ સરપ્રાઇઝ માં આપ્યો. તેજ સમયે કલકત્તાથી આવેલ મિત્ર શરદ શાહે ડાયરીની ભેટ આપી અને કહ્યું લખાણો અસ્ત વ્યસ્ત નહીં અમાં જ લખવાના , સુધારવાના કે મઠારવાના.. જે શોખ તરીકે વિકસ્યો. ટૂંકી વાર્તાઓ તે સમયે ચાંદની, સંદેશ અને આરામ, અખંડ આનંદ અને સમર્પણ જેવા મેગેઝીનોમાં આવતી અને શ્રી બી.જે ભણસાલી અને લલિત શાસ્ત્રીએ રેડીયો સ્ટેશન ના યુવા જગતનાં કાર્યક્રમો માં અને હસમુખ બારાડી એ ત્રિભેટે નામની નાટય શ્રેણીમાં વેરા આંતરા વિશેનું નાટક ભજવ્યું.૧૯૮૩માં પહેલો વાર્તા સંગ્રહ “અમે પથ્થરનાં મોર કેમ બોલીએ” પ્રસિધ્ધ થયો અને કલમે ગદ્ય અને પદ્યનાં બંને ક્ષેત્રે કવાયતો શરુ કરી. પ્રથમ નવલકથા “ આંસુડે ચિતર્યા ગગન” ૧૯૮૪માં લખી .પછી નવલકથા “પત્તાનો મહેલ” ૧૯૮૫માં લખાઇ.. અમેરિકા આવ્યા પછી “માતૃભાષાનું દેવુ” નિબંધ લખતા થયું કે માતૃભાષાનો મારા વિકાસ ઉપર અઢળક ઋણ છે તેથી તે ફેડવાનાં પ્રયત્નો શરુ કર્યા.. ૧૯૯૮માં “સાહિત્ય પરિચય” નામે ગુજરાતી સમાજ હ્યુસ્ટનનાં નેજા હેઠળ દર્પણ મુખપત્રમાં લખતા લેખકો સાથે મહિને એક્વાર મળવાન

પુરાવાનાં અભાવે- વિજય શાહ



રેવા અને સમુ બે પિતરાઇ બહેનો ખેતરમાં કામ કરતી હતી ત્યારે સમુ પાછ્ળ ઘેલો થયેલ કાનજી. બે બહેનો કામ કરતી હતી ત્યાં કાનજી અને હરજી પહોંચી ગયા.

“ ચાલ સમુ વિરમગામનાં મેળે આવે છે? “

સમુ કહે “વિરમગામનો મેળો તો પરમ દિવસે લાગવાનો છે તેમાં આજથી શાની ધમાધમ?”

“ જઇશું અને બંધાતા મેળામાં સાથે રહીશું મઝા કરીશું”

“કાનજી ભાઇ તમને કેટલી વાર ના કહી પણ તમે સમજતા જ નથી? કયા સંબંધે હું બે દિવસ અને રાત તમારી સાથે રહું?”

હરજી કહે “સમુ તું કાનજી સાથે રહેજે અને રેવલી મારી સાથે રહેશે. પિક્ચર આવ્યૂ છે તે જોઇશું, સારુ ખઈશું અને મજા કરીશું’

રેવા કહે “જરા લાજો. અને ગામની છોકરી તો બહેનો કહેવાય. આવી વાતો કરતા લજાતા નથી?” આડી બાઈક કરીને કાનજીએ મોટું ચપ્પુ કાઢ્યું અને કહે “હરજી જો આજે ના માને તો બંનેને આ કપાસની દવાજ પાઈ દૈશ. તું રેવલી ને પાજે અને હું સમુડીને._”

ઢળતી સાંજમાં બંને નું રાક્ષસી વર્તન જોઇ બેઉં બહેને બુમા બુમ કરવા માંડી. પણ સાંભળે કોણ? ચપ્પુ ગળાપર ધર્યુ અને દવા બળજબરી થી પીવડાવાઈ ગઈ. રેવલી નો બીજો પ્યાલો હરજી એ બળજબરી કરીને પીવડાવી દીધો. બંને બેનોએ ઉલટી કરી કાઢવાનો પ્રયત્ન કર્યો. સમુડી તો તરત્ જ ઠંડી પડી ગઈ રેવા ને પણ ચક્કર આવ્યા ને ઢળી પડી.

ગોકીરો થયો પણ એ લોકો આવી પહોંચે તે પહેલા બાઈક ખેતર છોડીને ગામ ભણી રવાના થઈ ગઈ. ઘડીમાં ન થવાનું થઈ ગયું.પોલિસ આવી ઈંસ્પેક્ટર જેઠવા તો તરત સમજી ગયા કે આ ખુન છે પણ ગરબડીયા અક્ષરે લખાયેલી ચીઠ્ઠી એમ કહેતી હતીકે અમે કંટાળીને ઝેર પીધું છે.

કાનજી અને હીરજી પકડાયા પણ પુરાવાનાં અભાવે છુટી ગયા.. ઇંસ્પેક્ટર જેઠવાનાં ઘરે બે પેટી પહોંચી ગઈ. સત્ય ઘટના પરથી

Read More