I am vishal joshi "sneh" , assistant professor in English , at Lokbharati Sanosra Dist Bhavnagar.

#KAVYOTSAV -2
વિશાલ જોષી "સ્નેહ"

#કાવ્યોત્સવ 2વિશાલ જોશી "સ્નેહ"

જળની મોસમ / ગઝલ#KAVYOTSAV-2

-વિશાલ જોશી "સ્નેહ"

સ્પર્શોનાં ઝાકળની મોસમ.
ભીની ભીની પળની મોસમ.

તારા હાથે પ્યાલો પીધો,
હૈયામાં ખળભળની મોસમ.

ના પામ્યા અગ્નિસાક્ષીએ,
જળસાક્ષીએ જળની મોસમ.

આંખો પાગલ કરવા કાફી,
તું લાવી કાજળની મોસમ.

જાત જરા સાંભળી લઈએ,
આવી ઊંડા તળની મોસમ.

Read More

#KAVYOTSAV -2

ગઝલ
વિશાલ જોશી " સ્નેહ"

આપણું ધાર્યું કદી ક્યારેય પણ થાતું નથી.
આંખનું ટીપું નદી ક્યારેય પણ થાતું નથી.

સાવ નોખું વિશ્વ એ સપનું કહો છો જે તમે,
થાય છે ત્યાં તે અહીં ક્યારેય પણ થાતું નથી.

આંગળીનાં સ્પર્શથી હે શ્વેત કાગળ ડર નહીં,
ટેરવું દીવાસળી ક્યારેય પણ થાતું નથી.

કાચની સમતલ સપાટી ઝીલશે બે ચાર ક્ષણ,
દ્રશ્ય એમાં કાયમી ક્યારેય પણ થાતું નથી.

આ હયાતીનું વમળ છે ભિન્ન વલયોથી સભર,
એકસરખું એ ફરી ક્યારેય પણ થાતું નથી.

Read More