భక్త ధ్రువుడు కొన్ని అవమానాలు మనసును విరిచేస్తాయి. మరికొన్ని అవమానాలు మనిషి జీవితాన్నే మార్చేస్తాయి. ఐదేళ్ల బాలుడైన ధృవుడికి ఎదురైన అవమానం కూడా అలాంటిదే. తండ్రి ఒడిలో కాసేపు కూర్చోవాలన్న చిన్న కోరిక అతడిని కన్నీళ్లలో ముంచింది. కానీ అదే కన్నీళ్లు చివరకు అతడిని భగవంతుడి సన్నిధికి చేర్చాయి. ఉత్తానపాద మహారాజుకు సునీతి, సురుచి అనే ఇద్దరు భార్యలు. సునీతికి పుట్టిన కుమారుడు ధృవుడు. సురుచికి పుట్టిన కుమారుడు ఉత్తముడు. రాజుకు సురుచిపై ఎక్కువ మమకారం. అందువల్ల ధృవుడికి తండ్రి ప్రేమ పూర్తిగా దక్కేది కాదు. ఒక రోజు రాజు తన కుమారుడు ఉత్తముడిని ఒడిలో కూర్చోబెట్టుకుని ప్రేమగా ముద్దాడుతున్నాడు. అది చూసిన ధృవుడు కూడా అమాయకంగా తండ్రి వద్దకు పరుగెత్తాడు. తండ్రి ఒడిలో కూర్చోవడానికి చిన్న చేతులను చాపాడు. అయితే సురుచి అతడిని అడ్డుకుంది. “నీవు నా కుమారుడివి కాదు. రాజు ఒడిలో కూర్చునే హక్కు నీకు లేదు. ఆ