એક રહસ્યમય કહાની, ઇન્ડિયા અને લંડનની ભૂમિ પર પોતાની આગવી પ્રતિભા ઉપસી આવે છે અને કુદરતી સૌંદર્યના ચાહક ફોટોગ્રાફરની કલાકારી લંડનમાં વખણાય છે અને રચાય છે એક બેસ્ટ ફોટોગ્રાફરની દુનિયા. પ્રગતિ, પ્રેમ, પ્રકૃતિ, વિશ્વાસ, લાલચ, સુંદરતા અને તિરસ્કારના તાણા-વાણાથી ગૂંથાતી જાય છે કંઈક રહસ્યમય ઘટનાઓ જેની કડીઓ શોધતા પોલીસ નાકામ થતી જણાય છે, ત્યારે કુદરત એક મદદ મોકલે છે એક વધુ પ્રતીભાના રૂપમાં. સંસારમાં બનતી ઘટનાઓ પહેલાં એના નિરાકરણની ચાવી કુદરત બનાવી દેતી હોય છે. કુદરત એને સદા સહાય કરે છે. કુદરતમાં અન્યાય નથી એની સાબિતીની એક રહસ્યમય કહાની એટલે નેઈલ પોલિશ.