ઘડિ,પળ, વિપળ નો હિસાબ રાખતું યંત્ર ! જે પોતે એક કદમ ચાલવાની તકલિફ લેતું નથી પણ સમગ્ર વિશ્વને સદા ધબકતું, દોડતું અને ચાલતું રાખે છે. નિર્જીવ હોવા છતાં સજીવને બરાબર દોડાવે છે. તેના વગર જીવી ન શકે ! કેટલી તાકાત છે તેનામાં ! જેનો ગણવા બેસીએ તો પાર ન આવે ! જેમ સૂરજ અને ચંદ્ર ઉગવાના એ નક્કી, તેમ ઘડિયાળ ૨૪ કલાક પોતાની ટિક, ટિક દ્વારા ગુંજતી રહેવાની. સમગ્ર જગતને તેના બે કાંટા દ્વારા થઈ થઈ નચાવતી રહેવાની.