બાબુલાલ એટલે જૂના સમયના પંચાયતના પટાવાળા. પંચાયતમાં અવાર-નવાર કોઈના કોઈ સાહેબો આવે. મોટાભાગે તાલુકા મથકેથી સાહેબો આવે. કોઈ કેસ કબાડા થયા હોય તો તાલુકા પોલીસ સ્ટેશનથી જમાદાર સાહેબ પણ આવે. બાબુલાલ નો વારસાગત ધંધો હજામત કરવાનો. ગામના લોકો તેને બાબલો કહે. પરંતુ ધીમે ધીમે બાબુલાલ ની ઓળખાણ મોટા મોટા સાહેબો સાથે થવા લાગી. પંચાયતે મામલતદાર સાહેબ આવે કે જમાદાર સાહેબ આવે, જેના નામ ની નોટીસ હોય તેને બોલાવવા માટે તો બાબુલાલ ને જ ગામમાં જવાનું.