ભાગ ૩૨: ડબલ લાઈફનું ટેન્શન સ્વામી વિવેકાનંદ મેડિકલ કોલેજનું વિશાળ ગ્રાઉન્ડ આજે હજારો વિદ્યાર્થીઓના કોલાહલ, ડીજે (DJ) ના કાન ફાડી નાખતા બાસ (Bass) અને ઝગમગતી લેસર લાઈટ્સથી ધમધમી રહ્યું હતું. સ્ટેજ પરથી કોઈ પ્રખ્યાત સિંગર બોલિવૂડનું રોમેન્ટિક ગીત ગાઈ રહ્યો હતો. આધ્યા અને આરવ ભીડની બિલકુલ વચ્ચે ઊભા હતા. લાલ સાડીમાં સજ્જ આધ્યાનો ચહેરો લેસર લાઈટ્સના પ્રકાશમાં કોઈ પેઇન્ટિંગ જેવો સુંદર લાગી રહ્યો હતો. એણે પોતાનો હાથ આરવના હાથમાં પરોવી રાખ્યો હતો અને એની નજરો માત્ર આરવ પર જ જડાયેલી હતી. દુનિયાની નજરમાં આ એક અત્યંત રોમેન્ટિક કપલ હતું, જે પોતાના પ્રેમની દુનિયામાં ખોવાયેલું હતું. પણ... આરવની દુનિયા અત્યારે બિલકુલ