ભાગ - ૧૩: અંધકારનું રણશિંગું, રાત્રિનો રક્તપાત અને બલિદાનની વેદીકોર્ટરૂમમાંથી બહાર નીકળતી વખતે વિદેહિતાના પગલાં પૃથ્વીને ચીરી નાખવા મથતા હોય તેવા સખત હતા. ધોળા દિવસે, ન્યાયના મંદિરની ચોખટ પર વિવેક વર્માની લાશ ઢળી પડી હતી અને તેની સ્યુસાઈડ નોટે આખી રમત પલટી નાખી હતી. મીડિયાના કેમેરા તેના ચહેરા પર વાગી રહ્યા હતા, પત્રકારોના સવાલો હવામાં તીરની જેમ ફેંકાઈ રહ્યા હતા, પણ વિદેહિતા કશું જ બોલ્યા વગર અર્ણવનો હાથ પકડીને કોર્ટના પાછળના દરવાજેથી નીકળી કારમાં બેસી ગઈ.કાર હજુ એસ.જી. હાઈવે પર માંડ પાંચ કિલોમીટર ચાલી હશે ત્યાં જ આકાશમાં ઘેરાયેલા કાળા ડિબાંગ વાદળો તૂટી પડ્યા. અમદાવાદની સડકો પર અનરાધાર વરસાદ શરૂ