झपाटलेला वाडा - भाग 14: मातीची देवी आणि परत आलेला वाडासोन्याची मूर्ती गोदावरीत वितळली. दहा आत्मे तारे झाले. गाव वाचलं. असं सगळ्यांना वाटलं. पण आर्यनला झोप येत नव्हती.कारण त्या रात्री त्याला परत स्वप्न पडलं. तोच वाडा. दोन मजली, कौलारू, लाकडी खांब असलेला भोसले वाडा. तसाच उभा, जसा पडण्याआधी होता. पण आता वाडा नवीन होता. आणि गच्चीवर कोणीतरी उभं होतं. सोन्याची देवी. पण आता तिचं रूप बदललं होतं. अर्धा चेहरा देवीचा, अर्धा हडळीचा. अर्धं अंग सोन्याचं, अर्धं मातीचं. ती म्हणाली -तू मला वितळवलंस... पाण्यात टाकलंस... पण मी संपले नाही... मी परत येणार... कारण माझं सोनं गोदावरीत आहे... मातीत आहे... पाण्यात आहे...