શબ્બીર અને દાઉદને કાલિયાની ગદ્દારીથી આંચકો લાગ્યો હતો. પણ એથીયે વધુ ઝટકો તો એમને ત્યારે લાગ્યો કે જ્યારે અમીરજાદાએ મહમ્મદ કાલિયાની મદદથી શબ્બીર-દાઉદ ગેંગના ગુંડાઓને પોતાની ગેંગમાં ભરતી કરવા માંડ્યા. મહમ્મદ કાલિયા દાઉદ ગેંગના બે રીઢા શૂટર જાફર અને અફઝલને અમીરજાદાની ગેંગમાં ખેંચી ગયો. દાઉદ અને શબ્બીર ધૂંધવાઈ રહ્યા હતા અને બીજી બાજુ અમીરજાદાની ગેંગ દિન પ્રતિદિન પાવરફુલ બની રહી હતી.