સતીશ રાજે દક્ષિણ મુંબઈની ફાઈવસ્ટાર હોટલમાંથી બહાર નીકળ્યો. તે પોતાની ઈમ્પોર્ટેડ હોન્ડા એકોર્ડ કારમાં ગોઠવાયો અને એણે ડ્રાઈવરને પરેલ વિસ્તારમાં પોતાના ઘર તરફ કાર હંકારવા કહ્યું. કાર થોડી આગળ વધી એ સાથે જ એને શંકા ગઈ કે એનો પીછો થઇ રહ્યો છે. એણે ડ્રાઈવરને વધુ ઝડપથી કાર હંકારવા કહ્યું. એની પાછળ એક બ્લેક ફિયાટ કાર આવી રહી હતી, મહમ્મ્મદ અલી રોડ ઉપર સિગ્નલ પાસે સતીશ રાજેની કાર આગળ નીકળી ગઈ એ જ વખતે સિગ્નલની રેડ લાઈટ થઇ ગઈ અને બ્લેક ફિયાટ કારની આગળ એક ટેક્સી આવી જતાં બ્લેક ફિયાટ કાર સિગ્નલ પહેલાં ઉભી રહી ગઈ.