“સર, આજે સાંજની આપની શ્રીનગરની ફ્લાઈટ છે. માટે આજે મીટીંગ શક્ય નથી.” અનંત કૌલનો સેક્રેટરી ઉપાધ્યાય તેને જણાવી રહ્યો હતો. “હા, એ વળી કેમ ભુલાય! બાળપણમાં કાશ્મીરથી હિજરત કર્યા પછી પ્રથમ વખત કાશ્મીર જવાનો લહાવો મળ્યો છે.” અનંતે કહ્યું. આ પછી ઉપાધ્યાય પાસેથી જરૂરી વિગતો મેળવી અનંતે તેને રવાના કર્યો. કાશ્મીરના ઉલ્લેખ માત્રથી અનંતનું મન ચિનારના ઘટાદાર વૃક્ષોની જેમ ઝુમી ઉઠ્યું હતું.