મીઠી મધરાખ જેવા મીઠા સગપણ સાથે ઈશ્વરે આ દુનિયામાં આપણને મોકલ્યા છે કોઈક સંબંધ-સેતુથી બાંધીને, પણ એ સેતુના તાંતણાઓને એક મજબુત દોરમાં પરોવવાને બદલે કાચા બનાવતા જઈએ છીએ. આ મધુરતાને કડવાશ તરફ વળતા જઈએ છીએ. પોતાની અભિવ્યક્તિઓને નિવૃત્ત કરીને પ્રેમના તળાવમાં માત્ર કિનારે જ બેસી રહીએ છીએ. બસ, જિંદગી એક ટ્રાયલ & એરર મેથડ છે. એનો કોઈ તોડ નથી, પણ જે તોડ મળે તેમાં જ તાળો મેળવીને દરેક તાળાને ‘સેલિબ્રેશન’ નામની ચાવીથી ખોલીને જીવનના દરેક રસનો આસ્વાદ માણતા રહીએ, લુફ્ત ઉઠાવતા રહીએ. જિંદગી તો બહુ જોરદાર છે, જો જીવતા આવડે તો.