કોલેજના છેલ્લા દિવસે દર્વીન અને નર્તના બધા દોસ્તોને મળ્યા અને લગ્નનું આમંત્રણ મળે એટલે અચૂક આવવાનું વચન મેળવી છૂટા પડ્યા હતા. ત્યારે બીર્વાન અને જતના પણ વિચારી રહ્યા હતા કે કાશ તેઓ પણ તેમના લગ્નમાં આવવાનું આમંત્રણ આપી શક્યા હોત. કોલેજકાળ દરમ્યાન હાય- હેલોથી વધુ વાત કરી ન શકેલા બીર્વાન અને જતનાને આ ઘડી વસમી લાગી રહી હતી. બંને મનોમન મૂંઝાતા હતા. કોઇ રીતે કંઇક વાત કરવી જોઇએ એવું દિલમાં થતું હતું. પણ બંનેના દિલની વાત હોઠ પર ના આવી તે ના જ આવી.