જીવન પથ-રાકેશ ઠક્કરભાગ-૪૩      ‘હોડી કઈ દિશામાં જશે એ સઢ નક્કી કરે છે, પવન નહી.’         આ સુવિચાર આજના એવા જીવન માટે ખૂબ જ મહત્ત્વનો છે જ્યાં લોકો દરેક વસ્તુ માટે સંજોગો, ભાગ્ય કે બીજા લોકોને દોષ આપીને બેસી જાય છે. આજના ઝડપી અને અનિશ્ચિત યુગમાં આપણને સતત બદલાતા પવનોનો સામનો કરવો પડે છે. જેમ કે અચાનક નોકરી ગુમાવવી, બજારમાં મોટો ઉતાર-ચઢાવ આવવો કે કોઈ મહત્ત્વની યોજનામાં નિષ્ફળતા મળવી. આ બધા 'પવનો' છે. મોટાભાગના લોકો આ પવનોને જ પોતાના જીવનની દિશા માનવા લાગે છે અને કહે છે કે, "હું શું કરું, સંજોગો જ ખરાબ હતા!" આ જ માનસિકતા આપણી પ્રગતિને અટકાવી દે છે.