Description

ભક્તિની ભીડમાં છુપાયેલું એક રહસ્યઅમદાવાદની અષાઢી દૂજ એટલે ભક્તિ, શ્રદ્ધા અને જનમેદનીનો મહાસાગર. વર્ષોથી ચાલી આવતી જગન્નાથજીની રથયાત્રાના દિવસે આખું શહેર જાણે ‘જય રણછોડ, માખણચોર’ના નારાઓથી ગુંજી ઉઠતું હતું. જમાલપુર મંદિરની બહાર લાખોની ભીડ ઉમટી પડી હતી. હવામાં ભીની માટીની સુગંધ, પ્રસાદની લહાણી, લાઉડસ્પીકર પર વાગતા ભજનો અને કરતબો બતાવતા અખાડાના યુવાનો—ચારેય તરફ બસ એક જ ઉત્સાહ હતો.પરંતુ, ગાયકવાડ હવેલી સ્થિત ક્રાઈમ બ્રાન્ચની ઓફિસમાં વાતાવરણ આનાથી તદ્દન વિપરીત અને ગંભીર હતું.ક્રાઈમ બ્રાન્ચના ડીવાયએસપી અતુલ પોતાના ટેબલ પર નકશો ફેલાવીને બેઠા હતા. તેમની નજર રથયાત્રાના રૂટ—ખાડિયા, કાલુપુર, દરિયાપુર અને શાહપુર જેવા સંવેદનશીલ વિસ્તારો પર ફરતી હતી. બરાબર એ જ સમયે અતુલના