અમદાવાદ, ઇસ ૨૦૧૭-૨૦૧૯-૨૦૨૦ નવા વર્ષની વધામણી સાથે અમદાવાદમાં એક પ્રતિષ્ઠિત શિક્ષણવિદની ઘાતકી હત્યા થાય છે. આ એક હત્યાઓની વણઝારનું કારણ બને છે. ત્યાર પછી અન્ય બે, એક વકીલ અને બીજી કોર્પોરેટરની પણ હત્યા થાય છે. અમદાવાદ પોલીસ અને રેડ નામની ખાનગી જાસૂસી સંસ્થાને હત્યાઓ પાછળનું રહસ્ય શોધવાનું રહે છે. સોનલ, અમદાવાદ પોલીસ અને ચિરાગ, રેડ અમદાવાદના પ્રતિનિધિ દિવસ રાત લગાડી દે છે, ગુનેગારને શોધવા માટે. હત્યાઓ થવાનું કારણ ભૂતકાળમાં છુપાયેલું છે, તેમજ તે ભવિષ્યને પણ તેની સાથે સાંકળી લે છે. શું અમદાવાદ પોલીસ ઘાતકી હત્યાઓ પાછળનું રહસ્ય જાણી શકશે? શું રેડ અમદાવાદ તેના હેતુઓને પાર પાડી શકશે? શું સોનલ અને ચિરાગ ગુનેગાર સુધી પહોંચી શકશે? શું તેઓ ભવિષ્યમાં થનાર હત્યાને રોકી શકશે? બધા જ પ્રશ્નોના જવાબ અમદાવાદમાં જ રહેલા છે. એક પછી એક જોડાતી કડી, સી.જી.રોડ, એલિસ બ્રિજ-રવિવારી, પોળ, જેવા વિવિધ સ્થળોને સાંકળે છે. કોણ છે ગુનેગાર? જાણવા સારૂ વાંચવુ જ રહ્યું આ પુસ્તક...