આજનાં આપણે આધુનિક સંસાધનોથી ભરપૂર હોવા છતાં પણ આપણામાં રહેલ લાલચ, દ્વેષ, વેર, ઈર્ષ્યા, સ્વાર્થ, અવિશ્વાસ જેવાં અનેકો નકારાત્મક અવગુણોને આપણે દૂર કરી શક્યા નથી. વિકૃત તેમજ અવગુણ મનનાં દુષ્ટ મનુષ્યોને ક્યાં ખબર હોય છે કે તેઓના કરેલ કર્મોનું ફળ એવું પરિણામ લાવશે જેનો ભોગ અન્ય પણ બને છે. જેમ એક ઝેરી વાયરસ આપણી સાવધાની ન રાખવાને કારણે આપણાથી અન્યમાં ફેલાતો હોય છે તેવી જ રીતે અવગુણોથી ભરેલ વિકૃતિ એક એવો ખરાબ વાયરસ છે કે જે નરી આંખે તો દેખાય છે પરંતુ મનની આંખોથી નથી જોવાઈ રહ્યો. તે વાયરસ એક એવું દૂષણ પ્રકાર છે જે આપણામાં છે. જે આપણે જાતે જ ઉભો કર્યો છે અને જેનું સંક્રમણ દિવસે ને દિવસે ફેલાઈ રહ્યું છે. સંક્રમણ કૃતિ હાલનાં સમયમાં ફેલાઈ રહેલ જૂઠી, ખોટી, અમાનવતાંવાળી વિષય-વસ્તુને દેખાડવાનો એક પ્રયાસ છે તેમજ બે અનોખા પાત્રોનાં સફરની શરૂઆત રચનાને વધારે રોચક બનાવે છે.