Description

आपण मोबाईल हातात घेतो आणि काही सेकंदांत आपल्या आवडीच्या बातम्या, व्हिडीओ, जाहिराती, राजकीय चर्चा, मनोरंजनाचे कार्यक्रम किंवा एखाद्या उत्पादनाची माहिती आपल्यासमोर येते. आपण त्यापैकी काही पाहतो, काही पुढे ढकलतो, काहींवर प्रतिक्रिया देतो. हे सगळे करताना आपल्याला वाटते की आपण आपल्या आवडीने माहिती निवडत आहोत. प्रत्यक्षात मात्र या संपूर्ण प्रक्रियेमागे काम करणाऱ्या संगणकीय प्रणालीला आपल्या आवडी आपल्यापेक्षा आधीच कळलेल्या असतात. आपण काय पाहिले, किती वेळ पाहिले, कुठे थांबलो, काय शोधले, कोणत्या पोस्टला पसंती दिली, कोणत्या विषयावर प्रतिक्रिया दिली, या सगळ्याची नोंद घेतली जाते आणि त्यावरून पुढच्या क्षणी आपल्यासमोर काय आणायचे हे ठरवले जाते. त्यामुळे कृत्रिम बुद्धिमत्ता, अल्गोरिदम आणि सामाजिक माध्यमांचा प्रश्न