લાવ તારા હાથમાં મહેંદી થી નામ લખું મારૂ ,
બંધ કરી મુઠ્ઠીમાં એને સાચવી લેવાનું કામ તારૂ ,
લાવ તારી આંખો માં સ્નેહ ના સવાલ ભરી આપું ,
એ સ્નેહના સવાલો ને
આંંખોમા બંધ કરી એના ઉત્તર દેવાનું કામ તારૂ ,
લાવ તારા હૈૈયામાં મારા પ્રેમનું સંગીત હું રેલાવુ ,
એ પ્રેમ ના સંગીત મા
તારા ધબકાર થકી સુર પરોવવાનુ કામ તારૂ ,
લાવ તારા જીવન મા વ્હાલ નો વરસાદ હુું વરસાવુ ,
એ વ્હાલ ના વરસાદ માં
હાથ મારો પકડી ને મારી સંગે ભીંજાવાનુ કામ તારૂ ,
લાવ તારી યાદમાં સોનેરી સ્મરણો હું સજાવુ ,
એ સોનેરી સ્મરણો ને
યાદોમાં કેદ કરી વાગોળવા નું કામ તારૂ ,
લાવ હું આજ તારો શ્યામ બની વનરાવનમાં રાસ રચાવું ,
તું મારી રાધા બન
અને મારી સંગ વનરાવન માંં રાસે રમવા નું કામ તારૂ ,
લાવ તારી ઓઢણી ને સપ્તરંગી રંગે હું રંગાવુ ,
મારાં પ્રેમ તણી
ઓઢણી ના રંગ મા રંગાઈ નેે એને ઓઢવાનુ કામ તારૂ
લાવ આજે કૃષ્ણ બની જગત ને "ગીતા" હું સંભળાવું ,
મારો અર્જુન બની
એ "ગીતા" ના જ્ઞાન ને જીવનમાં ઉતારવા નું કામ તારૂ
લાવ ફરી એ યમુના ના તીરે મીઠી વાંસળી હુું વગાડું ,
એ સુર માં તણાઈને
વ્રજ ની ગોપી બની પનઘટ પર પાણી ભરવાનું કામ તારૂ..
✍️ ગીતા પરમાર
"મને પસંદ છે"
મારાં સપના માં આવીને તારૂ આમ સતાવવુ , અને તારી
સંગે વાત કરતાં જ પસાર થઈ જતી એ રાત મને પસંદ છે ,
મને ગુમાવવા ની બીક તને પણ છે કઈક ઉંડે ઉંડે , અને તારૂ
એ ગભરાઈ જઈને પકડી લે છે જે રીતે મારો હાથ મને પસંદ છે ,
મારાં ચહેરા પર ઉડતી એ અલક લટને તારૂ સવારવુ ,
મારૂ રિસાવવુ અને તારૂ મને હસી ને મનાવવુ મને પસંદ છે..
દુનિયા ની બીક તો તને પણ નથી અને મને પણ નહીં ,
છતાંય ચોરી ચોરી થતી એ મુલાકાત મને પસંદ છે..
મારાં મોડા આવવા પર તારૂ એ ખોટું ખોટું ગુસ્સે થવું
અને તારો એ પ્રેમ ભર્યો ઠપકો સાંભળવું મને પસંદ છે..
*****
"કૃષ્ણ "
હું નિરાધાર નથી મારો આધાર કૃષ્ણ છે ,
મારી જીંદગી નો એકમાત્ર સાર કૃષ્ણ છે ,
આ સમસ્ત જગત તણો વિસ્તાર કૃષ્ણ છે ,
મારી ડૂબતી નૈયા નો તારણહાર કૃષ્ણ છે ,
રાધા નો તો પૂરેપૂરો સંસાર કૃષ્ણ છે ,
મીરાં ની ભક્તિ અને તેનો પ્યાર કૃષ્ણ છે ,
સંપુર્ણ " ગીતા "નો એકમાત્ર સાર કૃષ્ણ છે ,
મારી આંખોમાં વસ્યા અનરાધાર કૃષ્ણ છે ,
ગાયોનો રખેવાળ ગોકુળ નો ગોપાલ કૃષ્ણ છે ,
નંદજી નો દુલાર યશોદાજી નો લાલ કૃષ્ણ છે ,
વ્રજ ની ગોપીઓ નો તો જીવન પ્રાણ કૃષ્ણ છે ,
જેના નામ થકી ખુલે છે મોક્ષના દ્વાર કૃષ્ણ છે..!!
*****
" બાકી છે"
અંતર ની વાત તો ઘણી કરી પરંતુ
અંતર કાપવું હજુ સુધી બાકી છે ,
વાતો તો ઘણીબધી કરી આપણે
પરંતુ આપણી એ વાત હજુ બાકી છે ,
પ્રણય તો કરી લીધો તારી સાથે પરંતુ
એ પ્રણય ની રજૂઆત હજુ બાકી છે ,
ભીડ વચ્ચે તો ઘણું ફરી તું "ગીતા"
પરંતુ તારા માં એકાંત હજુ બાકી છે ,
અધૂરો રહી ગયો છે પ્રેમ એવું તું કહે છે પરંતુ
આપણી વચ્ચે હજુ પણ કંઈક તો બાકી છે..!!
****** સમાપ્ત ******
નમસ્તે મિત્રો આપ સૌને મારી આ રચનાઓ કેવી લાગી એ જરૂરથી જણાવશો તમારો કિમતી અભિપ્રાય મને આગળ નવું લખવાની પ્રેરણા આપશે... ધન્યવાદ
આપની મિત્ર
- ગીતા પરમાર...
