જટાશંકર જટાયુ યક્ષ સાથે ભેટો - Novels

by Om Guru in Gujarati Humour stories

'માનનીય મુરબ્બી શ્રી જટાશંકરજી ઊભા થાઓ. આ ધરતીલોક ઉપર આપનો સમય પૂર્ણ થઇ ગયો છે.' ગેબી અવાજ સાંભળી જટાશંકરે આંખો લૂછતાં-લૂછતાં જોયું એક કાળા વસ્ત્રમાં સજ્જ પડછંદ દેખાતી વ્યક્તિ હાથમાં કાળા દોરડા સાથે, માથા પર સુવર્ણ મુકુટ, શરીરે કાળો ...Read Moreઅને લાલ આંખો સાથે એમની બરાબર સામે ઊભેલો દેખાયો. તમે યમરાજ છો? જટાશંકરે ડરતાં ડરતાં પૂછ્યું. 'ના, હું યમરાજ નથી, તેમનો યક્ષ છું. સાલા તમે બધાં માણસો એવું સમજો છો કે તમને લેવા સ્વયં યમરાજ પધારે? આમ તમે સાયન્સની અને ગણિતની વાતો કરો છો પણ એટલી સમજ નથી પડતી આ પૃથ્વીલોક પર એકસાથે કેટલાંય માણસો મરતા હોય, બધાંને લેવા સ્વયં યમરાજ એક સમયે એકલા કઇ રીતે આવીને લઇ જઇ શકે. મુરખના સરદાર કંઇક તો બુદ્ધિ દોડાવ.' યક્ષે જટાશંકરને ગણિત શીખવાડ્યું.