હા, મેં કાઈનફોર્ડ પોલીસ સ્ટેશનમાં જાણ કરી હતી.
"તેથી હું જોઈ શકું છું," શેરલોકે ટિપ્પણી કરી, અમે ફર્ન્ડેલ પાર્કમાં આવ્યા ત્યારે, ઘોડાગાડીની બારીમાંથી આગળ ઝૂકીને, "ગામના દરેક નવરા લોકો, ઝાડી-ઝાંખરાનો ઉછેર કરે છે અને ખૂબ જ બિનઅસરકારક રીતે ધ્યાનથી જોઈ રહ્યા છે."
"શું તેઓ અપેક્ષા રાખે છે કે તેણીને હોથોર્ન(એક વૃક્ષ) નીચે આશ્રય મળશે?" માયક્રોફ્ટ બબડ્યો, તેનો વારો આવ્યો એટલે બારીની બહાર જોવા માટે આગળ ઝૂક્યો. તેની ભરાવદાર આઇબ્રો તેની ટોપીના કિનારેથી ઉપર આવી ગઈ. "શું," તેણે બૂમ પાડી, "જમીન સાથે શું કરવામાં આવ્યું છે?"
ચોંકીને મેં વિરોધ કર્યો, "કંઈ નહીં!"
"ચોક્કસ, કંઈ કરવામાં આવ્યું નથી, દેખીતી રીતે વર્ષોથી! બધું ખૂબ જ ઉગી ગયું છે-"
"રસપ્રદ," શેરલોક ગણગણાટ કર્યો.
"ખૂબ જ ક્રૂર!" માયક્રોફ્ટે જવાબ આપ્યો. "એક ફૂટ ઊંચું ઘાસ, રોપાઓ ઉગી નીકળ્યા છે, ગોર્સ, કાંટાળા ઝાડીઓ-"
"તે જંગલી ગુલાબ છે." મને તે ગમ્યું.
"આગળના લૉન પર શું ઉગાડવું જોઈએ? કૃપા કરીને કહો, માળી તેનો પગાર કેવી રીતે કમાય છે?"
"માળી? કોઈ માળી નથી."
માયક્રોફ્ટ મારા તરફ બાજની જેમ ફર્યો. "પણ તમારી પાસે એક માળી છે! રગલ્સ, એ માણસનું નામ છે, અને હું તેને છેલ્લા દસ વર્ષથી અઠવાડિયામાં બાર શિલિંગ ચૂકવી રહ્યો છું!"
હું હિંમત કરીને કહી શકું છું કે હું ઘણા કારણોસર મારું મોં ખુલ્લું રાખીને બેઠી હતી. માયક્રોફ્ટ આ વાહિયાત ભ્રમમાં કેવી રીતે પીડાઈ શકે કે માળી છે? હું રગલ્સ નામના કોઈને જાણતી નહોતી. વધુમાં, મને ખબર નહોતી કે પૈસા માયક્રોફ્ટ પાસેથી આવે છે. મને લાગે છે કે હું માની રહી હતી કે પૈસા, જેમ કે સીડીની રેલિંગ, ઝુમ્મર અને અન્ય ફર્નિચર, હોલ સાથે જ આવેલું.
શેરલોકે દખલગીરી કરી. "માયક્રોફ્ટ, જો આવું કોઈ પાત્ર હોત, તો મને ખાતરી છે કે ઈનોલા તેને સારી રીતે જાણતી હોત."
"બાહ. તેણીને ખબર નહોતી-"
શેરલોકે તેને મારી તરફ પોતાની ટિપ્પણીને સંબોધતા અટકાવ્યો. "ઈનોલા, વાંધો નહીં. માયક્રોફ્ટ તેના રૂમ, તેની ઓફિસ અને ડાયોજીનીસ ક્લબ વચ્ચેની તેની સામાન્ય ભ્રમણકક્ષાથી વિક્ષેપિત થાય છે ત્યારે તે ખૂબ જ રમુજી થઈ જાય છે."
તેની અવગણના કરીને, તેનો ભાઈ મારી તરફ ઝૂકી ગયો અને માંગણી કરી, "ઈનોલા, શું ખરેખર કોઈ ઘોડા નથી, કોઈ ગ્રુમ નથી, અને કોઈ સ્ટેબલ બૉય નથી?"
"ના. મારો મતલબ, હા." હા, ખરેખર કોઈ નહોતા.
"સારું, તે શું છે, ના કે હા?"
"માયક્રોફ્ટ," શેરલોક બોલ્યો, "તમે જોશો કે છોકરીનું માથું તેના નોંધપાત્ર ઊંચા શરીરની સરખામણીમાં થોડું નાનું છે. તેને એકલી રહેવા દો. જ્યારે તમને જલ્દી જ ખબર પડશે ત્યારે તેને મૂંઝવણમાં નાખવાનો અને પરેશાન કરવાનો કોઈ અર્થ નથી."
ખરેખર, તે જ ક્ષણે ભાડે રાખેલો ઘોડાગાડીવાળો ફર્નેલ હોલની સામે આવીને ઉભો રહ્યો.
***
મારા ભાઈઓ સાથે મારી માતાના રૂમમાં પ્રવેશ કરતી વખતે, મેં ચાના ટેબલ પર એક જાપાની ફૂલદાની જોઈ જેમાં ફૂલો હતા, તેમની પાંખડીઓ ભૂરી થઈ ગઈ હતી. મમ્મીએ ગુમ થયાના એક કે બે દિવસ પહેલા તે ગુલદસ્તો ગોઠવ્યો હશે.
મેં ફૂલદાની ઉપાડી અને તેને ગળે લગાવી.
શેરલોક હોમ્સ મારી પાસેથી પસાર થઈ ગયો. તેણે લેનના સ્વાગતનો ઇનકાર કર્યો હતો, શ્રીમતી લેનની ચાના કપની ઓફરનો ઇનકાર કર્યો હતો, તેની તપાસ શરૂ કરતા પહેલા એક ક્ષણ પણ રોકાયા વિના. મારી માતાના પ્રકાશિત, હવાદાર બેઠક ખંડ તરફ નજર નાખતા, જેમાં ફૂલોના ઘણા વૉટરકલર હતા, તે પછી તે સ્ટુડિયોમાંથી પસાર થયો અને બેડરૂમમાં આગળ વધ્યો. ત્યાં મેં તેનો એક તીવ્ર ઉદ્ગાર સાંભળ્યો.
"શું છે?" માયક્રોફ્ટે કહ્યું, વધુ ધીમેથી દોડતો ગયો, લેન સાથે થોડીવાર વાતો કરતો રહ્યો કારણ કે તેણે બટલરની સંભાળમાં લેન પાસે જ તેની લાકડી, ટોપી અને મોજા છોડી દીધા હતા.
"દુઃખદ!" શેરલોકે દૂરના ઓરડામાંથી બૂમ પાડી, મેં ધાર્યું હતું કે, તે અસ્તવ્યસ્ત ઓરડો અને ખાસ કરીને બિનઉલ્લેખિત વસ્તુઓનો ઉલ્લેખ કરે છે. "અભદ્ર!" હા, ચોક્કસ બિનઉલ્લેખિત વસ્તુઓ. બેડરૂમમાંથી બહાર નીકળતા, તે સ્ટુડિયોમાં ફરીથી ગયો. "એવું લાગે છે કે તે ખૂબ જ ઉતાવળમાં ગઈ છે."
લાગે છે, મેં વિચાર્યું.
"અથવા કદાચ તે પોતાની અંગત આદતોમાં બેદરકાર થઈ ગઈ છે," તેણે વધુ શાંતિથી ઉમેર્યું. "તે, છેવટે, ચોસઠ વર્ષની છે."
