Hakikatnu Swapn - 25 in Gujarati Horror Stories by Hemali Gohil Rashu books and stories PDF | હકીકતનું સ્વપ્ન..!! - 25

Featured Books
Share

હકીકતનું સ્વપ્ન..!! - 25

પ્રકરણ 25 ઘરમાં તપાસ...!!

" અવનીશ મારી વાત ધ્યાનથી સાંભળ તું ઉતાવળ ના કરીશ....અવનીશ તારી ઉતાવળમાં હર્ષા ભાભીને વધારે તકલીફ થશે..... અને તું પણ હેરાન થઈશ...."

" તો હું શું કરું .... સુરેશ..."

" તું જ કહે ... હવે કહે ...."

" સૌથી પહેલા તો આપણે બંને તારા ઘરે જઈએ..."

" ઘરે ..? "

"હા હું ઘર જોવા માંગુ છું..."

" ઠીક છે ચાલ.."

સુરેશ અને અવનીશ બંને હોસ્પિટલની બહાર નીકળે છે...

"હું મારી બાઇક લઈ લઉં છું.."

" હા... અવનીશ.. તું પાર્કિંગની બહાર આવ... હું બહાર ઉભો છું ...."

" હા..."

અવનીશ બાઈક લઈને બહાર આવે છે અને સુરેશ અને અવનીશ બંને અવનીશના ઘરે જવા માટે નીકળી જાય છે....


******


અવનીશ અને સુરેશ બંને અવનીશના ઘરે પહોંચે છે...અવનીશ ઘરનો લોક ખોલે છે અને ઘરમાં દાખલ થાય છે પણ સુરેશ દરવાજે ઉભા ઉભા જ ઘરનું અવલોકન કરે છે...

" સુરેશ .... આવ ને બહાર કેમ ઉભો છે ...? "

"હા , અવનીશ...."

સુરેશ ઘરમાં દાખલ થાય છે અને સુરેશ જેવો ઘરમાં પગ મૂકે છે તરત જ એની આસપાસ આસપાસ કોઈ ત્રીજું હોવાનો અનુભવ કરે છે ... પણ સુરેશ શાંતિથી એ ઘરના બંને રૂમનું અવલોકન કરે છે અને બંને રૂમમાં ફરી વળે છે

" સુરેશ .... શું લાગે છે ? આ ઘરમાં કંઈ છે ? "

" અવનીશ .. આપણે જઈએ ...? "

"હા સુરા... આમ બી આપણે જવું જોઈએ હર્ષા ને લોકો રાહ જોતા હશે... "

અવનીશ અને સુરેશ બંને ઘરની બહાર નીકળે છે અને અવનિશ ફરીથી ઘરને લોક મારે છે... બહાર જતા જતા સુરેશ બોલે છે..

"બાઈક હું ચલાવું ..? "

" હા ... કેમ નહીં..? "

સુરેશ બાઈક સ્ટાર્ટ કરે છે અને અવનીશ પાછળ બેસી જાય છે અને બંને નીકળી જાય છે

" અરે ... સુરા ...અહીંયા આ ચા ની દુકાને કેમ લઈને આવ્યો છે..."

" અરે કંઈ નહીં.....મારે વાત કરવી છે તારી સાથે... પણ તારા ઘરે કે પછી હોસ્પિટલમાં હર્ષાની સામે વાત થઈ શકે તેમ નથી...."

" પણ બાઈક પર વાત કરી લેત ...."

"અરે નહીં.... અવનીશ થોડી સિરિયસ વાત છે સમજ તું..."

" ઓકે સુરા.... બોલ પણ હર્ષા ને કંઈ નહીં થાય ને...? "

" તુ પહેલા મારી વાત ધ્યાનથી સાંભળીશ....? "

" ઓકે બોલ... "

" અવનીશ સૌથી પહેલા તો તારા ઘરમાં જે કંઈ પણ છે અથવા તો હર્ષા ની અંદર જે કંઈ પણ છે એ પહેલા નહોતું અથવા તો મૂળ તારા ઘરમાં નથી.... પણ કોઈ એવું વ્યક્તિ કે જેણે આ આકૃતિ છે ને તારી પાછળ મોકલી છે ...તને લેવા માટે મોકલી છે ..."

" પણ એવું કેવી રીતે શક્ય છે...? "

" શક્ય છે ....અવનીશ..... યાદ કર કે તારા ઘરમાં આ બધું સ્ટાર્ટ થયું એ પહેલા એવી કોઈ અજીબ વસ્તુ આવી છે કે જેના પર તને શક હોય...? "

" ના.... સુરેશ મને એવું કોઈ ખ્યાલ નથી .....આવા ખ્યાલ હર્ષા ને હોઈ શકે ..."

" પણ હર્ષા એવી કન્ડિશનમાં નથી કે આપણને વસ્તુ સુધી લઈ જઈ શકે..."

" તો હું શું કરું...? "

" એક કામ કર... અવનીશ... હું અને તુલસી મળીને એક રક્ષા સૂત્ર તમને બંનેને બાંધી આપીશું... બટ એ વધારે સમય એ આકૃતિને રોકી નહીં શકે ....તમારે બને એટલું જલ્દી તમારા ઘરની એ વસ્તુ શોધવાની છે કે જેની અંદર આકૃતિ વાસ કરે છે...."

" સુરેશ મને ખરેખર કંઈ ખ્યાલ નથી આવતો કે તું કહેવા શું માંગે છે..? "

" મતલબ કે અવનીશ તારે હર્ષાની મદદથી પણ એને ખબર ન પડવી જોઈએ એ રીતે ઘરની એક એક વસ્તુ છે એ તારે જોવાની છે અને એમાં તને કોઈ બી એવું લાગે છે કે અજીબ છે તો તારે મને કહેવાની છે તારે મારો કોન્ટેક્ટ કરવાનો છે...."

" પણ સુરેશ મને ખબર કેવી રીતે પડે કે આ જ વસ્તુમાં એ આકૃતિ વાસ કરે છે ..."

" અવનીશ ...હું તને જે રક્ષાસૂત્ર આપીશ એ તે વસ્તુનો સ્પર્શ કરવાથી કાળું પડી જશે..."

"હમ્મ "


********


To be continue...


#Hemali gohil "Ruh"


@Rashu


શું અવનીશ એ વસ્તુ શોધી શકશે ? શું અવનીશ હર્ષાને બચાવી શકશે..? જુઓ આવતા અંકે.....