પ્રકરણ ૨: સોશિયલ મીડિયાનું 'શાપિત' નેટવર્ક અને વાઇલ્ડલાઇફ માફિયા
આર્યા માત્ર સાપના ઝેરના વેપારથી સંતુષ્ટ નહોતી. તે સારી રીતે જાણતી હતી કે દુનિયામાં જેટલી કિંમત વિજ્ઞાનની છે, એટલી જ કિંમત માણસની અંધશ્રદ્ધા અને ડરની પણ છે. તેણે સોશિયલ મીડિયા, ખાસ કરીને ઇન્સ્ટાગ્રામ પર મિલિટરી-ગ્રેડ પ્રોક્સી સર્વર્સ અને ફેક આઈડીઝનું એક આખું ગુપ્ત નેટવર્ક ઊભું કર્યું હતું.
આ નેટવર્ક દ્વારા તે દુનિયાભરના અમીર અને વગદાર લોકો સુધી પહોંચતી હતી, જેઓ તાંત્રિક સિદ્ધિઓ, આર્થિક લાભ અને દુશ્મનો પર વિજય મેળવવા માટે વન્યજીવોના અવશેષો ખરીદવા તૈયાર હતા. દીપડાના નખ, વાઘના દાંત, હરણના શિંગડા, અને ઘોરખોદિયા (પેન્ગોલિન) ના ભીંગડાથી લઈને વિવિધ વન્યજીવોના ગુપ્ત અંગો આર્યા આ પ્લેટફોર્મ પર 'આધ્યાત્મિક અને તાંત્રિક પ્રોડક્ટ્સ' ના નામે વેચતી હતી. તેની ભયાનકતા એ હતી કે તે આ કાળા કારોબારને ઉજ્જૈન અને અન્ય પવિત્ર ધાર્મિક સ્થળોના નામે છુપાવતી હતી, જેથી કોઈને શંકા ન જાય. માત્ર છેલ્લા ૬ મહિનામાં, નાના-નાના અજ્ઞાત ઓનલાઇન ટ્રાન્ઝેક્શન્સ દ્વારા તેના સિક્રેટ શેલ કંપનીના બેંક ખાતાઓમાં ૪ કરોડથી વધુ રૂપિયા જમા થઈ ચૂક્યા હતા.
અશોકના ક્વાર્ટરમાં રાતનો અંધારિયો માહોલ અને બહાર ધોધમાર વરસતો વરસાદ વધુ ભયાનક બની રહ્યો હતો. ટેબલ પર રાખેલી નાની ફાનસના ઝાંખા અજવાળામાં ખબરી રામુ આદિવાસી ધ્રૂજતા અવાજે અશોકને વધુ ચોંકાવનારી વિગતો આપી રહ્યો હતો:
"સાહેબ, વાત ખાલી સાપના ઝેર પૂરતી નથી. આ લોકો જંગલના બીજા જીવોને પણ નથી મૂકી રહ્યા. ભીખા મદારી અને એના માણસો રાત્રે જંગલમાં ફાંસા નાખીને દીપડા અને પેન્ગોલિન પકડે છે. એ લોકો પ્રાણીઓને જીવતા કાપીને એમના દાંત, નખ અને ચામડી કાઢી લે છે. મેં સાંભળ્યું છે કે આ બધો સામાન કોઈ મોટી 'મેડમ' ના કહેવા પર સીધો દિલ્હી અને ત્યાંથી વિદેશ મોકલવામાં આવે છે. એ મેડમ ઇન્ટરનેટ પર આ બધું વેચે છે!"
અશોકની મુઠ્ઠીઓ ભિગામી ગઈ. જંગલના મૂંગા જીવો પર આ પ્રકારનો અત્યાચાર એ સાંખી લે તેમ નહોતો. તે સમજી ગયો કે આ વાઇલ્ડલાઇફ ક્રાઇમ કંટ્રોલ બ્યુરો (WCCB) સ્તરનું બહુ મોટું આંતરરાષ્ટ્રીય કૌભાંડ છે, જેનું કેન્દ્ર કદાચ દિલ્હી કે ઉજ્જૈન બતાવવામાં આવી રહ્યું છે પણ તાર ડાંગના આ જંગલો સાથે જોડાયેલા છે.
એ જ સમયે, આઇસલેન્ડના એક અજ્ઞાત, ઠંડા બંકરમાં બેસીને આર્યા પોતાના સેટેલાઇટ લેપટોપ પર ઇન્સ્ટાગ્રામનું એ ગુપ્ત હેન્ડલ મોનિટર કરી રહી હતી. તેના ચહેરા પર એક ક્રૂર સ્મિત હતું. સ્ક્રીન પર હોંગકોંગ, સિંગાપોર અને અમેરિકાના કેટલાક અબજોપતિ મિલિયોનર્સના કોડેડ મેસેજીસ આવી રહ્યા હતા. કોઈને 'બ્લેક મેજિક' માટે દુર્લભ સાપની ચામડી જોઈતી હતી તો કોઈને લક્ઝરી કલેક્શન માટે વાઘની ખોપડી.
આર્યાએ માઇક્રોફોન ઓન કરીને પોતાના સિક્યોરિટી હેડ માર્કસને ઓર્ડર આપ્યો:
માર્કસ, ગુજરાતના એ ડાંગ જંગલમાં જે આપણું નેટવર્ક છે, એમને કહો કે સ્પીડ વધારે. મને આગામી ત્રણ દિવસમાં વાઇપર સાપના ઝેરનો નવો જથ્થો અને દીપડાના ચાર સેટ નખ જોઈએ છે. કસ્ટમર લાઇન પર છે. અને હા, સ્થાનિક વન વિભાગના કોઈ ઓફિસરને ભનક ન પડવી જોઈએ."
માર્કસે ભારે અવાજે જવાબ આપ્યો, "યસ બોસ, પણ ત્યાંનો એક ઓફિસર અશોક બહુ ફ્લાય કરી રહ્યો છે. એણે આપણી આજુબાજુ તપાસ શરૂ કરી છે."
આર્યાની આંખો ઠંડી થઈ ગઈ, "જે આડો આવે, તેને એ જ સાપ કરડાવીને ખતમ કરી દો, જેનો આપણે વેપાર કરીએ છીએ."
અશોકે રિસ્ક લેવાનું નક્કી કર્યું. સીધી રેડ પાડવાથી આ મોટી માછલી (આર્યા) હાથમાં આવે તેમ નહોતી. તેણે પોતાના આઇટી એક્સપર્ટ મિત્રની મદદથી ઇન્સ્ટાગ્રામ પર એક નકલી આઈડી બનાવ્યું. તેણે પોતાને એક વિદેશી બાયર (ખરીદદાર) તરીકે રજૂ કર્યો, જેને પોતાની ગુપ્ત વિધિઓ માટે ડાંગના જંગલના જ વિશિષ્ટ વન્યજીવોના અંગો અને સાપનું શુદ્ધ ઝેર જોઈતું હતું અને તે તેના માટે કરોડો રૂપિયા આપવા તૈયાર હતો.
અશોકે આર્યાના એ ગુપ્ત હેન્ડલ પર મેસેજ કર્યો. આર્યાની ઓટોમેટેડ સિસ્ટમે તરત જ રિસ્પોન્સ આપ્યો. અશોકે વાતચીત એવી રીતે આગળ વધારી કે આર્યાની ગેંગને લાગ્યું કે આ કોઈ બહુ મોટો અને સાચો આસામી હાથમાં આવ્યો છે. સોદો પાકો થયો—૪ કરોડ રૂપિયાનો નવો ઓર્ડર!
પણ ડિલિવરી માટે અશોકે એક શરત મૂકી: "સામાન કુરિયરથી નહીં મળે. હું પોતે જંગલના છેવાડે આવીશ અને કેશ આપીને રૂબરૂ માલ લઈશ."
લાલચ મોટી હતી, અને આર્યાની ગેંગ આ જાળમાં ફસાઈ ગઈ. તેમણે અશોકને ધરમપુરના જંગલના સૌથી સૂમસામ વિસ્તારમાં માલ લેવા માટે બોલાવ્યો. અશોકે આખી વિગત પોતાના વન વિભાગના ઉચ્ચ અધિકારીઓ અને વાઇલ્ડલાઇફ ક્રાઇમ કંટ્રોલ બ્યુરો (WCCB) ને શેર કરી દીધી. હવે સમય હતો ઓપરેશન 'ઝેરી જાળ' શરૂ કરવાનો.
*(ક્રમશઃ...)*
આપના રીવ્યુ જરૂર આપજો.
આપને મારી બીજી નવલકથા ઓ અને વાર્તાઓ વાંચવી ગમશે તો આપ મારા પ્રોફાઈલ ને સર્ચ કરવા વિનંતી.
