**రామ్** బైక్పై వెళుతూ ఉంటే, సడన్గా కొంతమంది రౌడీలు వచ్చి అతన్ని ఆపుతారు. ఒక డివైస్ కోసం రామ్ అప్పు చేసి దామోదర్కు డబ్బులు ఇచ్చి ఉంటాడు. నెల రోజులైనా వడ్డీ, డబ్బులు ఇవ్వకపోవడంతో వాళ్లు అతని వెంటపడి పట్టుకుంటారు. దొరికిన వెంటనే వాళ్లందరూ రామ్ను చుట్టుముడతారు. "ముప్పై వేల రూపాయల కోసం నెలరోజులు ముప్పుతిప్పలు పెడుతున్నావు! గంటసేపు గట్టిగా పని చేస్తే వచ్చే డబ్బులకు నెల రోజులు ఎలా రా? సిగ్గు లేకుండా ఎలా తిరుగుతున్నావ్? బండి ఆపు, ఎత్తుకొని పోతాం. డబ్బులు ఇచ్చి తీసుకువెళ్ళు" అని మీదకు వస్తారు. వాళ్ళు బండి కంటే ముందు, రామ్ దగ్గర ఉన్న డివైస్ను లాక్కోవడానికి ప్రయత్నిస్తారు. రామ్ దాన్ని గట్టిగా పట్టుకుంటాడు. "బండి తీసుకొని వెళ్తానన్నావు కదా, మళ్లీ దీని జోలికి ఎందుకు? వదిలేసి వెళ్ళిపో" అంటాడు. కానీ వాళ్లలో ఇద్దరు ముగ్గురు, "ఏంరా.. సార్ గారికి కోపం వస్తోంది! అప్పు తీసుకున్నప్పుడు లేని కోపం అడిగితే మాత్రం వస్తోందా" అని నవ్వుకుంటూ ఉంటారు.
కోపం వచ్చిన రామ్ వెనక వాడిని కొట్టడానికి ట్రై చేస్తే, వాడు రామ్ తల మీద ఒకటి ఇచ్చి, "మూసుకొని ఉండరా! అదేంటిది, ఇంత వింతగా ఉంది? అమ్మాయిలకి ఇచ్చే గిఫ్టా? నాకు కూడా బాగా నచ్చింది, నేను నా భార్యకి ఇస్తానులే" అని జోబులో పెట్టుకుంటూ ఉంటాడు. "అది నా పిల్లరా" అంటాడు రామ్. "ఏంట్రా నీ పిల్ల ఇక్కడ ఉంది అంటున్నావు?" అని వాళ్ళు చుట్టూ చూస్తారు. "ప్లీజ్.. ప్లీజ్ మీకు దండం పెడతా. డబ్బులే కదా రేపు ఇచ్చేస్తాను. నాకు లేక లేక వచ్చిన గర్ల్ ఫ్రెండ్ రా.. ప్లీజ్ ఆ డివైస్ ఇచ్చేయండిరా" అని మొత్తుకుంటాడు. వాళ్ళు వినిపించుకోకుండా "ఏముందిరా ఈ డివైస్లో" అని దాన్ని పగలగొట్టడానికి విసిరేయబోతారు.
వెంటనే కోపం వచ్చి తన కాలుతో ముందున్న విలన్ను తన్నుతాడు రామ్. వాడు వెళ్లి దూరంగా పడతాడు. "నన్నే తంతావా" అని వాళ్ళు రామ్ మొహం మీద నాలుగు దెబ్బలు కొట్టి కింద పడేస్తారు. కింద పడిపోయిన ఆ డివైస్ మూత విరిగిపోవడంతో, అందులోంచి ఒక నీలిరంగు ఆకారం బయటకు వస్తుంది. కానీ అది స్పష్టంగా కనిపించదు, ఒక్కసారిగా మాయమైపోతుంది. 'ఎక్కడికి వెళ్లింది? పారిపోయిందా? నన్ను వదిలేసిందా?' అని రామ్ చుట్టూ చూస్తూ ఉంటాడు. ఇంతలో దూరంగా ఉన్న ఒక అంగడి అద్దంలో అతనికి ఒక ఆకారం కనిపిస్తుంది. ఆ ఆకారం కాళ్లు, చేతులు, అందాన్ని చూస్తూ రామ్ మైమరిచిపోతాడు. అది మెల్లగా అతని కళ్ళకు మాత్రమే కనిపిస్తూ ఉంటుంది.
అద్దంలో కాళ్లు కనిపించగానే, "నా గర్ల్ ఫ్రెండ్ ఫస్ట్ టైం కనిపిస్తోంది" అని ఆత్రుతగా, మోకాళ్ళ మీద కూర్చొని ఆ అద్దం వైపే చూస్తుంటాడు. అప్పుడు ఒక రౌడీ భూమి మీద పడి ఉన్న రామ్ మొహం మీద ఒకటి ఇస్తాడు. తన చూపు తప్పిపోవడంతో కోపం వచ్చిన రామ్, తన్నిన వాడి కాళ్లు పట్టుకొని కిందికి లాగుతాడు. వాడి మీద ఎక్కి కూర్చొని మళ్లీ ఆ అద్దం వైపే ఆత్రుతగా చూస్తూ ఉంటాడు. మరో రౌడీ "ఎంత ధైర్యం రా, మా వాడినే కొడతావా" అని వస్తుంటే, రామ్ కింద ఉన్నవాడి నడుమును పట్టుకొని పైకి ఎగరేస్తాడు. వాడు గాలిలోకి ఎగిరి, రామ్ తల మీదుగా వెళ్లి వెనకాల వస్తున్న రౌడీకి బలంగా గుద్దుకుంటాడు. ఇద్దరూ కింద పడిపోతారు.
వెంటనే రామ్ లేచి తన బట్టలకు అంటిన దుమ్మును దులుపుకుంటుంటే, అద్దంలో ఆ నీలిరంగు ఆకారం చీరకట్టులో మోకాళ్ళ పై దాకా కనిపిస్తుంది. "ఎవరు నువ్వు? ఇంత అందంగా ఉన్నావు! నేను లక్కీనే.. ఎక్కడో మచ్చతో పుట్టేసుకున్నావ్ రా రామ్" అని తనను తాను మెచ్చుకుంటూ ఉంటాడు. అప్పుడు ఇంకో రౌడీ ముందుకు వచ్చి, "ఏంట్రా పిచ్చివాడిలా అలా గాలిలోకి చూస్తున్నావ్?" అంటాడు. వెంటనే వాడి తల పట్టుకుని నేలకేసి కొడతాడు రామ్. "రేయ్! ఏంట్రా ఇలా కొడుతున్నావ్? దెయ్యం పట్టిందా ఏంటి?" అనుకుంటూ ఒకడు కట్టె తీసుకొని రామ్ మోకాళ్ళ మీద కొట్టడానికి ట్రై చేస్తాడు. రామ్ వెంటనే ఒక కాలుతో వాడిని కింద పడేసి, పొట్టలో గట్టిగా తన్నుతాడు. "ఓరి నీ యబ్బ చంపేసావు కదరా బాబోయ్" అంటూ వాడు అరుస్తుంటాడు. అంతకు ముందు కిందపడిన మెయిన్ రౌడీ, తన చేతిలో ఉన్న గన్ తీసుకొని టక్కున కాలుస్తాడు.
ఇంతలో అద్దంలో హీరోయిన్ నడుము వరకు కనిపిస్తూ ఉంటుంది. అది చూడగానే మనోడు మైమరిచిపోయి చిన్నగా కిందికి వంగి, మెడలోని రుమాలు సరిచేసుకుంటాడు. అలా వంగగానే ఆ బుల్లెట్ రామ్ తల పైనుంచి వెళ్లి, హీరోయిన్ ఆత్మ కనిపిస్తున్న అద్దానికి తగులుతుంది. అద్దం పగలడంతో ఒక్కసారిగా హీరోయిన్ కనిపించదు. కోపంతో వెనక్కి తిరిగి, తన మెడలో ఉన్న రుమాలుతో వాడి పీకకు చుట్టి కిందికి లాగుతాడు రామ్. వాడు గిలగిలా కొట్టుకుంటూ కింద పడిపోతాడు. "ఎంత ధైర్యం రా! ఫస్ట్ టైం నా గర్ల్ ఫ్రెండ్ అందాన్ని చూస్తూ ఉంటే అడ్డం వస్తావా?" అని వాడిని నేలకేసి కొట్టి అక్కడినుంచి నడుచుకుంటూ వెళ్ళిపోతాడు.
"అంజు.. అంజు.. ఎక్కడికి వెళ్లావే?" అని చుట్టూ అద్దాల కోసం వెతుకుతాడు. దూరంగా ఒక కళ్ళజోళ్ల షాప్ అద్దంలో ఆమె ఆకారం మళ్లీ ముక్కలు ముక్కలుగా కనిపిస్తుంది. నీలి రంగులో ఆమె నడుము, బొడ్డు కనిపిస్తూ ఉండగా రామ్ రెచ్చిపోయి దగ్గరికి వెళుతూ ఉంటాడు. అప్పుడు వెనకాల నుంచి మరొకడు కొట్టడానికి వస్తాడు. "అసలు మీ బాధ ఏంట్రా? ముప్పై వేల డబ్బుల కోసం వందేళ్లు జీవించాల్సిన వాడిని ముప్పై ఏళ్లకే అంతం చేయాలని చూస్తారా?" అని వాడిని గట్టిగా తన్ని చంపేస్తాడు. అలా నడుము, ఆపైన ఎద, ఆ తర్వాత మెడ.. ఇలా అన్ని కనిపిస్తూ ఒక స్పష్టమైన రూపం కోసం ఆత్రుతగా ముందుకు వెళుతూ ఉంటే, ఆ రౌడీల బాస్ లాంటి వ్యక్తి వెనకనుంచి వచ్చి తన భుజాలతో గట్టిగా గుద్దుతాడు.
వెంటనే రామ్ వెళ్లి ఆ షాప్ లోపల పడతాడు. "అబ్బా" అని నడుము పట్టుకొని వెనక్కి తిరిగితే, మళ్ళీ గుద్దడానికి ఆ గుండుగాడు వస్తాడు. రామ్ చూపు మాత్రం అంతా ఆ హీరోయిన్ మొహం చూడాలన్న ఆత్రుతలోనే ఉంటుంది. పక్కనే ఉన్న ఒక వైన్ గ్లాస్ తీసుకొని టక్కున వాడి గుండు మీద కొడతాడు. వాడు గిలగిలా కొట్టుకుంటూ పడిపోతుంటే హీరోయిన్ మొహం కనిపిస్తుంది. అది చూడగానే ఆ పగిలిపోయిన మందు సీసాలో ఉన్న వైన్ ని నోట్లో పోసుకొని, "ఇది మామూలు కిస్ కాదురా బాబోయ్.. అంజు ప్లీజ్ ఎక్కడున్నావు?" అంటాడు. అప్పుడు తన భుజం మీద ఎవరో చేయి వేసినట్టుగా ఒక స్పర్శ వస్తుంది. రామ్ తెగ సిగ్గు పడిపోయి "నిజంగా నాతో ఉన్నావా? నువ్వు వెరీ లక్కీ" అని పట్టుకోడానికి ట్రై చేస్తాడు. కానీ అంజు ఆత్మ దొరకదు. "నేను నిన్ను పట్టుకోలేకపోతున్నా.. కనీసం నువ్వైనా నన్ను ముట్టుకుంటున్నావు కదా" అని మురిసిపోతాడు.
కానీ ఆ గుండు గాడు ఊరుకోడు. పగిలిపోయిన సీసాను రామ్ కడుపులో పొడవడానికి రాగానే, ఒక్కసారిగా గాలిలోకి ఎగిరి ఆ షాప్ లోంచి దూరంగా పడతాడు. రామ్ షాక్ అయిపోతాడు. "నువ్వేనా ఇంత పవర్ఫుల్? అట్లయితే నన్ను గెలిచే మగాడే లేడు. ఎందుకంటే నా వెనకాల ఆడది ఉంది కదా!" అని తెగ మురిసిపోతూ అక్కడి నుంచి వెళ్ళిపోతాడు.
**[సీన్ 2: ఇంటర్వెల్ - పోలీస్ టార్చర్]**
అక్కడ సీన్ కట్ చేస్తే... ఒక్కసారిగా గట్టి అరుపు!
ఎవరో రామ్ను కట్టేసి గట్టిగా కొడుతున్నారు. "ఎందుకు ఇన్ని హత్యలు చేశావు? నిజంగా ఈ హత్యలు ఎందుకు చేశావు? సమాధానం చెప్పు" అని పిచ్చ పిచ్చగా కొడుతున్నారు.
"లేదు.. నాకు తెలీదు, నేను ఎవరినీ చంపలేదు" అని రామ్ బ్రతిమిలాడుతున్నాడు.
"మాకే అబద్ధం చెప్తావా?" అని కాళ్ళకు నూనె రాసి, లాఠీకి గట్టిగా కట్టి పాదాల కింద కొడుతున్నారు. రామ్ నొప్పితో గట్టిగా అరుస్తాడు.
*(ఇంటర్వెల్)*
**[సీన్ 3: కోర్టు రూమ్ డ్రామా]**
కోర్టు చుట్టూ జనాలు కిక్కిరిసి ఉన్నారు. "ఏంటి, దయ్యం చంపిందని కేసు వేసి, దయ్యాన్ని పట్టుకొని వచ్చి, దానికి సహాయం చేసిన వాడిని కూడా తీసుకొచ్చారా? నాకు అసలు అర్థం కావడం లేదు" అని లాయర్లు, ప్రజలు చాలా ఆసక్తికరంగా మాట్లాడుకుంటూ కోర్టులో నిలబడి ఉన్నారు.
మెల్లగా డోర్ తెరుచుకుంటుంది. ఇద్దరు కానిస్టేబుల్స్ గాలిలో ఎగురుతున్న సంకెళ్లను (హ్యాండ్ కఫ్స్) దూరం నుంచి ఒక తాడుతో కట్టి గట్టిగా పట్టుకొని లోపలికి వస్తారు. "ఏంటిది, గాలిలో ఎగురుతుంది? వీడు మామూలోడు కాదు, అసాధ్యుడు. దయ్యాన్ని ఎలా పట్టుకొచ్చాడో అర్థం కావడం లేదు. అంతకు ముందు ఇరికించిన వాడు ఎక్కడికి వెళ్ళాడో తెలియదు. అసలు ఇక్కడ ఏం జరుగుతుందో తెలియడం లేదు" అని జనాలు గుసగుసలాడుకుంటారు.
అప్పుడు ఆఫీసర్ **ఆదిత్య** జీప్ దగ్గరికి వెళ్లి, లోపల దెబ్బలు తగిలి పడి ఉన్న రామ్ను మెడ పట్టుకొని బయటకు లాగుతాడు. "రారా! ఒక దయ్యాన్ని ఉపయోగించుకొని ముగ్గురిని చంపాలని చూస్తావా? ఒకరిని చంపేసావు, ఒకడు మిస్ అయ్యాడు, ఇంకొకడు ఎక్కడున్నాడో తెలియదు. అసలు ఎందుకు చంపావు? నాకు అంతా తెలిసిపోయింది. ఇద్దరు బాగా ప్లాన్ చేశారు కదా!" అని క్రూరంగా నవ్వుతూ రామ్ను జడ్జి దగ్గరికి తీసుకువెళతాడు. తన లాయర్లతో మాట్లాడిస్తూ, అది రీఓపెన్ అయిన కేసు అని వివరిస్తాడు.
అంతకు ముందు ఫ్లాట్ ఓనర్ రామారావును ఎవరో క్రూరంగా చంపేశారు కదా, ఆ కేసు మళ్ళీ రీఓపెన్ అయిందని అందరికీ తెలుస్తుంది. ఆదిత్య జడ్జితో ఇలా అంటాడు.. "ఇదంతా యాక్సిడెంట్ అని, ఏదో దయ్యం ఉందని అందరూ చెప్పారు కదా? అవును సార్! నా దగ్గరికి రానంతవరకు అది దయ్యమైనా నేను పట్టించుకోను. ఒక్కసారి నా దగ్గరికి వచ్చాక అసలు దాని గుట్టు బయటికి తీసేసాను సార్. నా పేరు ఆదిత్య. నేను కేవలం పోలీసునే కాదు సార్, దెయ్యాన్ని కూడా హైటెక్ ఇన్ఫర్మేషన్తో పట్టుకోగలను. నా టెక్నిక్స్ను బట్టి నేను ఎన్నో విషయాలను చూసాను. అందులో ఒకటే తేలింది. ఒక మనిషిని భయపెట్టడానికి నిశ్శబ్దాన్ని, రంగుల మార్పును ఉపయోగించి.. విపరీతంగా భయపెట్టి, వాళ్ళ ఎమోషన్స్ను దెబ్బతీసి, మెంటల్ ప్రెజర్కు గురిచేసే ఒక టెక్నిక్ ఉంది సార్! దాని ద్వారానే ఒక కుటుంబాన్ని భయపెట్టి వాళ్ళకు వాళ్లే చచ్చిపోయేలా చేశారు. ఆ రామారావును కూడా భయపెట్టి తనకు తానే చచ్చిపోయేలా చేసారు."
అందరూ ఆశ్చర్యంగా "ఇది ఎలా సాధ్యం?" అంటారు.
"ఇది అసాధ్యమని ఎవరు చెప్పారు సార్? దీనికంతటికీ ముందు, ఇతను ఒక ఆత్మను పట్టుకున్నాడు. దాని ద్వారా అందరినీ చంపించాడు" అని రామ్ వైపు చూపిస్తాడు ఆదిత్య.
పక్కనున్న లాయర్ లేచి, "ఇంత విచిత్రంగా మాట్లాడుతున్నారు. అసలు ఆ ఫ్యామిలీకి, రామారావుకు, ఈ అబ్బాయికి (రామ్కు) అసలు సంబంధం ఏంటి?" అని అడుగుతాడు.
ఆదిత్య ఒక నిమిషం మౌనంగా సర్దుకుంటాడు. జడ్జి కూడా ఆసక్తిగా అతని వైపే చూస్తుంటాడు.
