re jindagi - 6 books and stories free download online pdf in Gujarati

વિહાન માટે આ એક નવો અનુભવ થવાનો હતો , કેમ કે એ મિશાની સાથે મિશાના જ ઘરે પહેલી વાર રોકવાનો હોય છે. બહુ સમય નોહતો થયો મીરાના મૃત્યું ને એટલે ઘરનું વાતાવરણ હજીય ગમગીન અને શાંત હતું. આવાજ અને વધારે પડતો ઘોંઘાટ તો રાતે મોહિત ને લીધે જ થતો હતો. મોહિત રાતે મોડા સુધી રખડીને દારૂ પી ને અડધી બેભાન અવસ્થામાં જ્યારે ઘરે આવે ત્યારે આખા ઘરને ખબર પડી જતી કે રાતના ત્રણ-ચાર તો વાગ્યા જ હશે. મોહિતની ખરાબ આદતો વધતી જતી હતી પણ કોઈ એને રોકનાર કે ટોકનાર નોહતું. એના સંગે મૃગેશ પણ બગડી ગયો હતો અને ડ્રગ્સ ની માયાજાળમાં ભરાઈ ગયો હતો.

વિહાને ત્રીજા માળ પર આવેલા મિશાના રૂમ નો દરવાજો ખોલ્યો. એને એમ હતું એ રૂમમાં સાફ-સફાઈ નહીં હોય પણ વિરીમાં એની બેવ દીકરીઓના આ રૂમ ને રોજ સાફ સુથરો રાખતાં. દરવાજો ખોલતાં જ સામે આવેલી મોટી ગેલેરી કોઈનું પણ ધ્યાન ખેચે એવી હતી. આખીય હવેલી આમ તો સાગના લાકડાં ની બનાવટની હતી.ગેલેરીની આખીય ધાર પર અલગ અલગ રંબેરંગી ફૂલોના છોડ રોપેલાં હતાં. ડાબી તરફ પંખીઓ ને પીવા માટેનું પાણી અને દાણા મુકેલાં હતાં. દીકરીઓ ના ગયાં પછી પણ વિરીમા બેને એમની દિકરીઓનાં શોખ ને એમની યાદમાં સાચવી રાખ્યાં હતાં.

એક '' મા '' માટે એની દીકરી ની વિદાય અસહ્ય હોય છે. પિતા નો તો દીકરી કાળજા નો ટુકડો હોય જ છે પણ આજે એક માન્યતા હજીય જીવે છે કે દીકરીને એના પિતા જ વધુ પ્રેમ કરી શકે અને દીકરાને એની માતા. આ સત્ય જરૂર છે પણ સંપૂર્ણ સત્ય નથી. માતા એના દરેક સંતાન ને સરખો જ પ્રેમ કરતી હોય છે, જેણે એણે નવ મહિના પોતાના ગર્ભમાં સાચવીને જન્મ આપ્યો હોય, બે વર્ષ સુધી પોતાના બાળકને ધાવ્યું હોય, એ સમજણું ના થાય ત્યાં સુધી એનું જતન કર્યું હોય, એક માને એનાં બાળક થી વધુ પ્રેમ નથી..એમ કેવી રીતે કહી શકાય ??? એક માતા એક દીકરી માટે એની સૌથી નજીક ની દોસ્ત હોય છે. દીકરી ના જીવનમાં આવતાં પરિવર્તનો એક મા જ એને નજીક થી સમજાવી શકતી હોય છે. પિતા ને દીકરી પ્રત્યે વિશેષ પ્રેમ હોય છે, દીકરી ને લક્ષ્મી માને છે, દીકરી જેના ઘરે હોય એનાં ઘર ને સૌથી સુખી માનવામાં આવે છે.તેમ એક માતા ને એનાં દીકરા માં એનાં વંશનો દિપક દેખાય છે. વિરીમાં એ મિરા ને પોતાની દીકરીની જેમ જ મોટી કરી. અને એનાં પછી મિશાલીની ને ...એટલે એ એની દિકરીઓને પણ એટલો જ પ્રેમ કરતી હતા જેટલો દિકરાઓને......