Re jindagi - 11 books and stories free download online pdf in Gujarati

પ્રિયંકાના અતડા સ્વભાવને લીધે એનું કોઈ ખાસ દોસ્ત નોહતું. પૈસા અને રૂપ જોઈને તો ઘણા એની આગળ પાછળ ફરતાં હતાં પણ એ પોતાના નોહતાં. પણ જ્યારથી એ મીરાને મળી એને એવું લાગ્યું કે કોઈ નહીં પણ મીરા તો મારી સાથે જ રહેશે. મીરા હતી જ એવી એકદમ ભોળી , બધા જેમ દેખાડો ક્યારેય ના કરે. એને કઈક થાય તો એના ભાઈ બહેન બધાની છૂટી કરી દેતાં. એની નાની બહેન મીશાલીની , એના બે ખાસ ભાઈ અમર અને મોહિત , અને મીશાનો જુડવા મૃગેશ. મૃગેશ આમ બહુ બોલે નહીં અને કોઈ સાથે જલ્દી ભળે પણ નહીં. પણ અમર અને મોહિતની જુગલબંધી આખીય સ્કૂલમાં પ્રખ્યાત હતી. જોકે એ બંને જ્યારે એકબીજાના દુશ્મન બની ગયા ત્યારે પણ એટલા જ પ્રખ્યાત હતાં. એક માણસ ધારે તો બદલો લેવા શું ના કરી શકે ???! એનું જ પરિણામ હતું અમર અને મોહિતના છૂટા પડી જવું. પ્રિયંકા , મીરા અને મીશાલીની ઘણીવાર બઁક મારતાં. છોકરી હોવાના કારણે મીરા અને મીશા ક્યાય ઘરની બહાર નોહતાં નીકળી શકતા. પણ પ્રિયંકા એમને એ મોકો જરૂર આપતી. પ્રિયંકાના કાકા જે કેસ લડતા હોય એની માહિતી એ પ્રિયંકાને જરૂર આપતા અને સમજાવતા. પ્રિયંકા L.L.B પાસ કર્યા પેહલા જ કાયદા કાનૂન વિશેની જાણકારી મેળવી લીધી હતી. અમુક કેસ વિશે જ્યારે એ મીરા અને મીશાલીનીને કહેતી ત્યારે મીશાને થતું ખરેખર બહારથી દેખાતો સભ્ય , સંયમયુક્ત , સંસ્કૃતિ જાળવવાનો ઢોંગ કરતો પુરુષપ્રધાન સમાજ અંદરથી કેટલો ખોખલો , નકલી , નીચકક્ષાનો અને બીભત્સ હતો. બે વર્ષની બાળકી પર રેપ , 17 વર્ષની સગીરા પર ગેંગરેપ , પતિએ પોતાની પત્નીનું ખૂન કર્યું બીજા લગ્ન માટે , 15 વર્ષની દીકરી ના બાળલગ્ન 35 વર્ષના પુરુષ સાથે ,23 વર્ષની યુવતી પર એક તરફી પ્રેમ કરનાર યુવકે કર્યો ઍસિડ અટેક ,દારૂડિયા પતિએ પત્નીને મારી , અને આવા કેટલાય કેસ. જે કોઈની પણ આંખો પલાળવા કાફી છે. કોઈ આવા કૃત્ય આચરી પણ કેમ શકે ? માત્ર એટલાં માટે કે એ પુરુષ છે.શું સ્ત્રીને પોતાની જિંદગી પોતાની રીતે જીવવાનો અધિકાર જ નથી ? જ્યાં પરિવાર જ ના સમજી શકતા હોય ત્યાં બીજાને શું સમજાવાનું ? મીશાલીની માટે આ પોતાના હાસુખદાદાને સમજાવું એ ભેંસ આગળ ભાગવત કર્યા બરાબર હતું.