જય વીરુ ની જોડી....
એમજ પડઘો પડે નહીં લાગણીનો..
મિત્રો ની પરિભાષા...
પ્રેમ માં પડી ને થાય સરવાળા
બાદબાકી કે ભાગાકાર
મિત્રો ની મિત્રતા મા પડી ને થાય
માત્ર ખુશીઓ નો ગુણાકાર
વધતી ઉમર ને બ્રેક મારે દોસ્તી
ને નાનપણ તાજું કરાવી જાય
દિલ ની વાત પૂછ્યા વગર જાણી
દરેક અઘરા કેસ જીતી જાય
મળે ત્યારે મતલબ વગર ની વાતો
ને નાત વગર નો નાતો
હાથ લંબાવે ને હૈયું આપી દે મિત્રો
પરિભાષા ના હોય મિત્રો ની
ખુદ રામ હોવા છતાં પણ જરૂર પડે,
જો હનુમાન ની,
તો પછી મિત્રો વિનાની જિંદગી
આપણીય શું કામની!
કાવ્ય 07
રમુજી કાવ્ય રચના
ચાર દોસ્ત... મજાનાં
ચાર દોસ્ત મજાનાં મળે રોજ ચોકમાં
જીવે આઝાદ જીંદગી મોજમાં
મોજીલા દોસ્તોની હતી મોજીલી જીંદગી
મોજ માં રહે ને એતો મોજ કરાવે
મળી ગળે એકબીજા ને આપતા વાયદા
મળીશું આવી રીતે દરરોજ ચોકમાં
થયા લગન વારાફરતી ચારેય દોસ્તોના
ગુચવાયા બરાબર ના લગ્નજીવન માં
ભૂલ્યા એકબીજા ને આપેલા વાયદા
જીવન ના સુખદુઃખ ની વાતો કરવા
મળે બિચારા ચાર દોસ્ત ચોકમાં છાનામાના
ગપાટા મારતા દરરોજ થાય મોડું ચોકમાં
ઘરના ને દરરોજ બતાવે જુદાજુદા બહાના
ખોવાયા ચાર દોસ્ત મજા ના
અટવાયા એતો લગ્નજીવનમાં બરાબર ના
કાવ્ય 08
ચાલ ને દોસ્ત હોળી રમીએ...
હતો એક્બીજા માટે અનહદ પ્રેમ
રહી નહોતાં શકતાં એકબીજા વગર
નાની દુન્યવી વાતો માં ગુચવાઈ ગયા એવાં
પ્રેમ ભુલી બન્યા એકબીજા ના જાનીદુશ્મન
હોળી છે રંગો ને પ્રેમ નો તહેવાર
ચાલ ને આ હોળી ઊજવીએ અલગ રીતે
ચાલ આપણે નફરતની હોળી પ્રગટાવી ને
દુશ્મન માંથી ફરી પાક્કા દોસ્ત બની જઈએ
વર્ષો ની દુશ્મનાવટ ભૂલી
ચાલ ને એક્બીજા ઊપર ગુલાલ ઉડાડી એ
તું મારા ઉપર પીળો દોસ્તી નો રંગ ઉડાડજે
હું તારા ઉપર પ્રેમ નો ગુલાબી રંગ ઉડાડીશ
નફરત ને દુશ્મનાવટ ભૂલી
ચાલ ને દોસ્ત આપણે ફરી
આજે ગુલાલ થી હોળી રમીએ...
કાવ્ય 09
🌹 હું અને તું 🌹
"હું" તારો પડછાયો
"તું" મારો પડછાયો...
ચેન પડે નહીં એકમેક ને
એકમેક વગર એક મિનિટ પણ...
કરીએ પ્રેમ એકમેક ને અનહદ
લડીએ પણ કારણ વગર...
વાત માંડી ને કરવા જોઈ દરેક
વાત એકપણ અજાણી નહીં...
જાણી એ છીએ પસંદ
જાણી એ છીએ નાપસંદ
હું છું તારે થી તદન અલગ
તું છે મારે થી સાવ અલગ...
છતાં તું છે મારે માટે ખાસ
હું છું તારે માટે ખાસ...
"હું" અને "તું" છીએ સાથ સાથ
તો ગમ નહીં કોઈપણ વાત નું આજ
"મિત્ર" આપણામાં વિભિન્નતા છે અનેક
તેમ છતાં "દોસ્ત" આપણે છીએ એક..
બસ આમ જ સાથ રહીશું
"હું" અને "તું" જીંદગીભર...🌹
કાવ્ય 09
Happy Friendship Day to All my dear lovely friends....
Love u Friends
મિત્રો થી જીંદગી...
સંગીત દેખાય નહીં પણ કાન ને મેહસૂસ થાય છે,
હવા દેખાઈ નહીં પણ હૃદય ધડકી ના શકે તેના વગર,
સુગંધ દેખાતી નથી પણ નાક ને અનુભવાય છે,
સ્વાદ દેખાતો નથી પણ જીભ ને અનુભવાય છે,
શબ્દો ને હાથ પગ નથી પણ જીભ દ્વારા મન અને હૃદય ને અસર કરી જાય છે,
લાગણી ની કોઈ ભાષા નથી હોતી પણ આંખો ને વંચાઇ જાય છે,
દિલ ની દુઆ દેખાઈ નહીં પણ ઈશ્વર સુધી પહોંચી જાય છે,
મિત્રતા નો કોઈ રંગ નથી હોતો પણ જીંદગી મિત્રો થી જ સપ્તરંગીન બને છે,
મિત્રો જ મારો શ્વાસ છે, સંગીત છે, મીઠી ચાસણી છે ને દિલ ની ધડકન છે,
મિત્રો વગર એકપળ પણ ના રહી શકાય તો જીંદગી ની શું વાત છે...
મિત્રો થી જ જીંદગી ધબકતી, ઉત્સાહિત, સંગીતમય ને આનંદમય બને છે..
મિત્રો તો ઈશ્વર તરફ થી મળેલ અમૂલ્ય વરદાન છે,
કાવ્ય 10
ભાઈબંધી...
સૂકાભઠ્ઠ પડેલા જીવન રણ મા
મિત્રો આવે સુખભરી વાદળડી બની
મારા મિત્રો ની ભાઈબંધી એવી
ના આવે વિશ્વ માં કોઈ તોલે એની
મિત્રતા ની મજબૂત સાંકળ એવી
ભાઈબંધીમા ના લાગે કાટ કદી
ગાળો આપે એકબીજા ને પેટછૂટી છતાં
ભાઈબંધી માં ઓટ ના આવે કદી
છુપાવે અમુક વાતો ભાઈ બહેન થી
ભાઈબંધી મા એકપણ વાત છૂપી નહીં
સમજે એકબીજા ને સ્વ થી વિશેષ
તકલીફ મા એકલા પડવા દે નહીં
જાણે એકબીજા ના જમા ઉધાર પાસા
આત્મવિશ્વાસ ને ઢીલો પડવા ના દે કદી
મારા બધા મિત્રો છે સાવજ જેવા
ભરોસો છે ભવરણ માં ભટકવા
નહીં દે એકબીજા ને કદી...
કાવ્ય 11
રૂ-બ-રૂ...
દોસ્તો રૂબરૂ થયા એને
વિતી ગયો એક અરસો
જાણે વીતી ગયો
આખો ઍક જમાનો
નીકળી છે પરમ ઘડી આજે
નીમ ટ્રી એ દોસ્તો ને
રૂ-બ-રૂ થવા ની
ઉત્સાહ છવાયેલો છે
હ્રિદય ને મનમંદિર માં
સવાર થી પગ નથી ટકતા
જમીન ઉપર મારા
મન વિહરે વગર વિહંગે
આભમાં
હવે ઍક ઍક સેકંડ લાગે
આજે કલાક જેવી
તમન્ના ઘણી છે મીત્રો ને
રૂબરૂ થઈ ગળે ભેટવાની
ઈચ્છા છે રોકાઈ
જાય સમય આજે
મારે વાગોળવી છે
જુની યાદો મિત્રો જોડે
હવે જલ્દી ઘડી આવે
મિત્રો ને રૂબરૂ થવાની...
કાવ્ય 12
દોસ્તો સાથે યાદો ની મહેફિલ
તું આવ ને યાર મારે દોસ્તો સાથે યાદો ની મહેફિલ સજાવી છે,
એક અરસો વીતી ગયો હોય એવું લાગે છે દોસ્તો સાથે મહેફિલ કર્યા નો,
તું આવ તો કોઈ ઈન્કાર નથી અને ના આવે તો કોઈ ફરિયાદ નથી,
આતો મહેફિલ સજવાં ની છે દોસ્તો ની અને તેમની સાથે વિતાવેલા સમય ની યાદો ની,
તું આવ તો એકલો જ આવજે, તારા "મોભા" ને એક બાજુ ટીઁગાડી ને,
તારું અહીં કોઈ કંકુ ચોખા થી સ્વાગત નહીં કરે પણ તું કહી "તુંકારો" કરવા વાળા દોસ્તો જરૂર મળશે,
તારી વેદના મા ઘટાડો કરવાં વાળા ને સુખ મા વધારો કરવા વાળા લંગોટીયા દોસ્તો મળશે,
મળવા નું મન થાય એવા દોસ્તો છે અને સંગાથે વિતાવેલ ક્ષણો ની મહેફિલ છે,
એટલે તો કહું છું કે તું "તું" થઈ ને આવજે, મજા આવશે મન મૂકી ને દોસ્તો ની આ મહેફિલ મા ....
હિરેન વોરા
