નસીબ ના ખેલ....16


           બીજી તરફ ધીરજલાલ ધરા માટે યોગ્ય પાત્ર શોધી રહ્યા હતા... રાજકોટ ધરા ના માસી એ એક  સારો યુવક બતાવ્યો... વકીલ હતો.. રાજકોટ ના પ્રખ્યાત વકીલ ના હાથ નીચે... એની પેનલ માં કામ કરતો હતો... કુટુંબ માં બે ભાઈ જ હતા. આ યુવક અને એનો મોટો ભાઇ જે પરણેલો હતો... બહેન ન હતી એમને...અને માતાપિતા...
           ઘર એકંદરે ઘણું સારું હતું... ધરા ને પણ બતાવવામાં આવ્યું... ઘર પણ અને   યુવક પણ... ધરા એ ફકત એટલું કહ્યું પપ્પા કહે એમ...
           ધીરજલાલ ને પણ ઘર અને છોકરો ગમ્યા હતા... લગભગ બધું નક્કી જેવું જ હતું.... ફાઇનલ વાત કરવા માટે ધીરજલાલ અને હંસાબેન દિકરવાળા ના ઘરે ગયા... હંસાબેન ના બેન પણ સાથે જ હતા... ત્યાં દીકરા ના મમ્મી હંસાબેન ને બધું ફર્નિચર બતાવતા બતાવતા કહેવા લાગ્યા... "આ ફ્રીજ  અમારી મોટી વહુ આણા માં લાવ્યા, આ કબાટ અમારી મોટી વહુ લાવી, આ પેટીપલંગ પણ અમારી મોટી વહુ લાવી,  આ રૂમ નું ટીવી અમારી મોટી વહુ લાવી....." 
           આ રીત ની એમની વાત થી ધીરજલાલ અને હંસાબેન એટલું તો સમજી જ ગયા હતા કે આ લોકો આડકતરી રીતે તેમને દહેજ નું કહી રહ્યા હતા... આડકતરી રીતે તેઓ આ રીત ની વસ્તુ ધરા પણ લઇ ને આવે એમ ઇચ્છતા હતા... આ રીત ની દહેજ ની માંગણી જોતા ધીરાજલાલે વાત ને ત્યાંજ પડતી મુકવાનું નક્કી કર્યું... તેઓ ને બીક લાગી ગઈ હતી કે જો એમની આ માંગણી પુરી  નહિ થાય કે અધૂરી રહેશે તો તેઓ (દીકરા વાળા) ધરા ને કાઈ નુકશાન પણ પહોંચાડી શકે છે...  
           શરૂઆત મા ધરાના માસી ને આ વાત ન ગમી... છોકરો વકિલ હતો થોડું ઘણું તો જતું કરવું પડે જેવા સલાહ સૂચનો પણ આપ્યા... પણ ધીરજલાલ એક ના બે ન થયાં.. તેમની ના જ હતી  એટલે આ વાત આગળ ન વધી.   બધા વડોદરા પાછા આવ્યા....

              ધરા એ ડિપ્લોમા નું એક વર્ષ પૂરું કરી લીધું હતું... ધરા માટે યોગ્ય મુરતિયા ની શોધ ચાલુ જ હતી... એવામાં એક  યુવક ની વાત લઈ ને ધીરજલાલ ના પાડોશી આવ્યા... છોકરો ત્યાં જ વડોદરા માં ફર્ટિલાઇઝર માં જોબ કરતો હતો... પગાર સારો હતો.. મૂળ એ જામનગર નો હતો... તેના મા-બાપ,... ઘર  ફેમિલી બધું જામનગર .. દેખાવ માં ય સારો હતો.. લગ્ન બાદ ત્યાં વડોદરા જ રહેવાનું હતું ધરા ને.... પણ ધરા ને છોકરો જરા જાડો લાગ્યો.... ધીરાજલાલે જ્યારે ધરા ની મંજૂરી માંગી ત્યારે ધરા એ કીધું  કે પપ્પા થોડોક જાડો નથી લાગતો ?  ધીરજલાલ સમજી ગયા કે ધરા ને છોકરો પસંદ નથી. . તેઓ પરાણે ધરા ના લગ્ન કરાવવા માંગતા જ નોહતા... તેથી અહીં પણ તેમણે વાત આગળ ન વધારી.... 
                            પણ હંસાબેન ને આ ન ગમ્યુ... તેમણે ધરા ને  થોડું ગુસ્સામાં પૂછ્યું કે તારે લગ્ન અમારી મરજી થી કરવાના છે કે તારી પોતાની મરજી થી ???  તે પણ તારી ફ્રેન્ડ ની જેમ કોઈ ગોતી લીધો છે ?  

            હંસાબેન ગુસ્સામાં ઘણું બોલી ગયા... ધરા ને ખોટું તો લાગ્યું પણ આ વખતે ધરા એ  એ પણ નોટિસ કર્યું કે પપ્પાએ  એની વાત માની છે અને એ યુવક ને ના પાડી દીધી હતી... 
            ધરા ના અભ્યાસ નું એક વર્ષ પૂરું થઈ ગયું હતું... ધરા ને આ કોર્સ માં કંટાળો આવતો હતો... તેથી એણે જાતે જ એના પપ્પા ને કીધું કે એ આગળ એ કોર્સ માં ભણવા નથી માંગતી... ધરા એ પોતે જ ઘરે રહેવાનું નક્કી કર્યું... 
            ધરા ના આ નિર્ણય થી હંસાબેન ખૂબ ખુશ થયા.. ધરા હવે ઘર ના કામ માં ધ્યાન આપવા લાગી... એ સમય દરમ્યાન શાંતિલાલ ના 3 દીકરા પૈકી સૌથી નાના દીકરા ના પત્ની નું અકાળે અવસાન થયું... એના બાળકો પણ હજી નાના હતા... આ દુઃખદ પ્રસંગ માં શાંતિલાલ ની નાની દીકરી નિશા પણ આવી જેણે એક વાર પોતાના દિયર (કેવલ)  માટે ધરાનો હાથ  માંગ્યો હતો...
            અહીં ફરી બધા ભેગા થયા હતા એટલે ફરી એણે એ જ વાત રજુ કરી.... ફરી પોતાના દિયર ના ગુણગાન ગાવા લાગી... અને આ વખતે જાણે તીર નિશાના પર લાગ્યું... ધીરાજલાલે કહ્યું  ઠીક છે તું આટલું બધું કહે છે તો એક વાર આવી જાશું તારા ઘરે...

              ધરા કાઈ સમજી ન શકી નહિ કે કેમ પપ્પા એ આ વખતે હા પાડી ?  જો કે ધરા એ પણ નોહતી સમજી શકી કે શા માટે નિષાબેન એના બે કુંવારા દિયર પૈકી નાના દિયર ની જ વાહ વાહ કેમ કરે છે ? એના થી મોટા એક દિયર વિશે કેમ કાઈ વાત નથી કરતી ??  
              ભાવિ ના ગર્ભ માં શુ છે એ આમ પણ ક્યાં કોઈ જાણી શક્યું છે ?    અને આ તો ધરા નું  નસીબ હતું... જે ધરા ને લાઈફ ટાઈમ નો ઝટકો આપવા સજ્જ થઈ રહ્યું હતું... જેના થી ધરા અને ધીરજલાલ અને હંસાબેન બધા જ અણજાણ હતા....
           

***

Rate & Review

Makwana Yogesh 1 week ago

Kaushik Kahar 3 weeks ago

Vicky Vaswani 4 weeks ago

mili 1 month ago